02.09.21
Çexiya millisinin futbolçusu Antonin Barak Avro-2020-nin 1/4 finalında Bakıda Danimarka ilə keçirəcəkləri matç haqqında danışıb.
Qol.az xəbər verir ki, 27 yaşlı yarımmüdafiəçi Çexiya Futbol Federasiyasının rəsmi saytına müsahibəsində deyib:
“Belə oyunlarda azarkeş bazası vacibdir və bu baxımdan 1/4 finalın Bakıda keçirilməsinə görə təəssüflənirik. Çünki azarkeşləri və ailələrimizi oraya gətirməyəcəyik. Matç Kopenhagendə oynanılsaydı, Danimarka torpağında olsa belə, yenə də bəzi azarkeşləri və sevdiklərimizi oraya gətirə bilərdik. Beləliklə hər şey tamamilə fərqli olardı”.
2017-ci ildə dünya çempionatının seçmə mərhələsində Bakıya səfərini xatırlayan Barak hazırkı şərtlərin həmin vaxtla eyni olmadığını deyib: “Dünya çempionatının seçmə mərhələsində Karel Yarolimin baş məşqçiliyi altında oynayanda Bakıda idim. Səfər uzun müddət çəkdi, fərqli şərtlər var idi. Amma bu, Avropa çempionatıdır. Özü də 1/4 final. İndi hər matç bizim üçün sonuncu ola bilər. Rəqib üçün də eyni olacaq. Çıxılmaz vəziyyətdə olduğumuzu düşünə bilmərik. Hər iki komanda üçün eyni şərtlər olacaq və bacardığımız qədər oyuna yaxşı hazırlaşmalıyıq”.
Qeyd edək ki, iyulun 3-də Bakı Olimpiya Stadionunda keçiriləcək Danimarka – Çexiya qarşılaşması 20:00-da başlayacaq.
“Əl-Hilal”ın qapıçısı matçdan əvvəl sıradan çıxdı
Gənclərə yol göstərməsini istədilər, təklifi geri çevirdi
Messi və Ronaldo eyni komandada oynayacaq?
Sabiq klubuna qayıtmaq üçün aşağı maaşa razıdır
Rəhbərliklə münasibətləri pisləşdi, klubdan ayrıldı
1-ci Liqa klubunda yeni məşqçi təyinatı
34 yaşında karyerasını bitirdi
"Neftçi" nigeriyalı hücumçu transfer etdi
Alonso onu "Çelsi"də görmək istəmədi
