19:13
Bu gün “Neftçi”nin sabiq baş məşqçisi Böyükağa Hacıyevin vəfatından 3 il ötür.
Böyükağa Hacıyev 2018-ci ilin martın 16-da, 59 yaşında dünyasını dəyişib. O, müstəqil Azərbaycan futbolunun tarixinə Avropa Liqasının qrup mərhələsinə ilk dəfə vəsiqə qazanan (“Neftçi” ilə) məşqçi kimi düşüb. Ağayev məşqçi kimi 3 dəfə Azərbaycan çempionu (2005/06 mövsümü “Bakı”, 2011/12, 2012/13 mövsümlərində “Neftçi” ilə), 1 dəfə Azərbaycan kubokunun qalibi (2012/13) olub.
Böyükağa Hacıyev təcrübəli məşqçi olmaqla yanaşı həm də iti yumor hissi olan, hazırcavablığı ilə tanınan məşqçi kimi də yaddaşlarda qalıb.
Onun APOEL-lə 2012-ci ildə Kiprdəki matçda əvvəl dediyi “Biz Azərbaycanda gəlmişik. Qəlbimizin üstündə Azərbaycan və türk bayraqları var və sabah o bayraqlar burda meydana sancılacaq” sözləri hələ də unudulmayıb. Hacıyevin komandası səfərdəki həmin matçda APOEL-ə qalib gələrək Avropa Liqasının qrupuna yüksəlmişdi. Oyundan sonra isə rəqibin meydançasında Azərbaycan bayrağı dalğalandırılmışdı.
Elə həmin mövsüm Avropa Liqasının qrup mərhələsində Milanda “İnter”lə matçdan əvvəl Hacıyevlə italiyalı jurnalist arasında maraqlı bir dialoq yaşanmışdı:
- Yəqin sabah müdafiə futbolu oynayacaqsınız...
- Bu deyəsən, məni tanımır. Əlbəttə, hücumda oynayacağıq. "Neftçi" heç vaxt müdafiədə oturmayıb.
Və ertəsi günü “Neftçi” əfsanəvi Cüzeppe Maetsa stadionunda “İnter”lə qollu heç-heçə (2:2) etmişdi.
Allah Böyükağa Hacıyevə rəhmət eləsin!
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
