22:51
Mediada “Qarabağ”ın sabiq futbolçusu Dino Ndlovunun Ağdam klubuna qayıtmaq istəməsi ilə bağlı xəbərlər yayılıb.
Məsələ ilə bağlı klubun mətbuat xidmətinin rəhbəri Gündüz Abbaszadə Qol.az-a bildirib ki, bu xəbəri mediadan oxuyublar: “Hər transfer dönəmi ərəfəsində bu tip xəbərlərin gündəmə gəlməsi normaldır. Ələlxüsus da keçmiş futbolçumuz, “Qarabağ” azarkeşlərinin rəğbətini qazanmış bir futbolçunun yenidən bu klubla adının hallanması normaldır. Ancaq hər hansı bir transfer rəsmiləşəcəyi halda bunu klubun saytı və rəsmi sosial media hesabları vasitəsilə bildirəcəyik. Xahişim budur ki, ictimaiyyət, xüsusilə də “Qarabağ” azarkeşləri yalnız rəsmi olan xəbərlərə inansınlar. Bizə Ndlovu tərəfindən müraciət olmayıb”.
Qeyd edək ki, hazırda Çinin "Çjetszyan Qrintaun" klubunda çıxış edən 31 yaşlı cənubi afrikalı hücumçu 2016-18-ci illərdə "Qarabağ"da çıxış edib və 54 oyuna 20 qol vurub. Onun özünün “Qarabağ”da oynamaq istədiyi bildirilir.
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
