Premyer Liqamızda yeni rəqabət – Sadıqov Abasovu dayandırdı

Premyer Liqamızda yeni rəqabət – Sadıqov Abasovu dayandırdı
ÖLKƏ FUTBOLU 25 Fevral 2021 / 18:23 2403
-  A +

Samir Abasov “Neftçi”nin baş məşqçisi kimi Premyer Liqada ilk məğlubiyyətə uğrayıb.

Qol.az-ın xəbərinə görə, “ağ-qaralar” bu gün Premyer Liqanın 17-ci turunda “Zirə”yə səfər matçında uduzub (0:1).

S.Abasov 2020-ci ilin noyabrın 11-də “Neftçi”də rəsmi fəaliyyətə başlayıb. Bundan sonra onun rəhbərliyi altında komanda bugünkü matça qədər Premyer Liqada keçirdiyi 7 oyunun 6-da qələbə qazanıb, yalnız 1-də heç-heçə edib. Bu, son illər “Neftçi”nin ən yaxşı nəticələrindən hesab olunmalıdır. Təsadüfi deyil ki, bu uğurlar sayəsində hazırda "Neftçi" turnir cədvəlində liderdir.

Maraqlıdır ki, "Neftçi"nin son 7 Premyer Liqa matçındakı yeganə heç-heçə də ikinci dövrədə “Zirə” ilə oyunda qeydə alınmışdı (0:0). Bu gün isə komanda Abasovun rəhbərliyi altında Premyer Liqadakı 8-ci görüşdə ilk dəfə uduzub. Xal itkisi bu dəfə də “Zirə” ilə matçda qeydə alınıb.

Qeyd edək ki, Azərbaycan kubokunun bu mövsüm keçirilən 1/4 final matçında da Sadıqovun rəhbərlik etdiyi “Zirə” Samir Abasovlu “Neftçi”ni mübarizədən kənarlaşdırıb (1:0, 0:0).

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı