13:08
"Belə bir qol vəziyyətinin dünyada yaranma tarixini tam deyə bilmərəm. Bunu "ev tapşırığı" adlandırardım. Bildiyim qədərilə Vaqif Sadıqovun düşündüyü taktikadır".
Bu fikirləri Azərbaycansayağı künc zərbəsindən qolların ən çox müəllifi olan Rəşad Sadıqov deyib.
Hazırda "Zirə" klubunun baş məşqçisi olan 39 yaşlı mütəxəssis bildirib ki, baş məşqçilər bəzi ev tapşırıqlarını düşünərək, standart vəziyyətlər üçün hansısa hazırlıq görürlər. Lakin onun fikrincə, bu taktikaların heç də hamısı effektiv olmur, qarşısı asanlıqla alınır: "Bu, yeganə kompozisiya idi ki, Azərbaycanın həm klublarına, həm də millisinə çox xeyri və faydası dəyib. Mən gənc yaşlarımdan eşidirdim ki, bu taktikanın adı "bir"dir. "Bir" deyən kimi hamı bilirdi ki, iki nəfər topu buraxacaq, üçüncüsü isə qapıya zərbə endirəcək. Son zərbəni mənim endirməyimə səbəb o idi ki, gənc yaşlarımdan ayaqiçi zərbələri xoşlayıram. Elə olurdu ki, məşqçilər etimad göstərirdi, biz də ən yaxşı formada yerinə yetirməyə çalışırdıq. Bəzən də bu ev tapşırığından sonra önəmli qollara imza ata bilmişik".
Gənc mütəxəssisin sözlərinə görə, xaricdə iştirak etdiyi məşqçi kurslarında bu taktika haqqında söhbət olmasa da, ümumi müzakirələrdə standart vəziyyətlərdən istifadədən danışılır: "Sırf bu künc zərbəsi barədə danışmamışıq. Lakin son illər qarşıma çıxıb ki, bəzi beynəlxalq çempionatlarda da belə qol vəziyyətindən istifadə edilib. Daim bundan yararlanmaq olmur, çünki 1-2 dəfə istifadə edəndə rəqiblər əks-cavab kimi hazırlaşır. Biz "Qarabağ"da və millidə bu taktikanı daim istifadə etmirdik. Elədiyimiz ölkəyə və kluba qarşı ikinci dəfə sınamırdıq. Bizi yaxşı tanımayan komandalara qarşı istifadə edirdik. Üstündən bir müddət keçirdi, saxlayırdıq və çox vacib məqamlarda yararlanırdıq. Hesabda irəli olanda etmirdik. Futbolçular, məşqçilər olaraq, onu düşünülmüş şəkildə hər zaman əlimizdə saxlayırdıq. Çətin məqamlarda çalışırdıq ki, istifadə edək. Bəzi hallarda çox xeyirimizə olub və qollar vurmuşuq".
Sadıqov Azərbaycansayağı künc zərbəsindən Premyer Liqada istifadə edilməməsinin səbəbini də açıqlayıb: "Hamı bu kombinasiyanı bilir. Artıq birinci oyunçu topu buraxanda ikinci futbolçu onu "oxuyur". Hər hansı komanda tamamilə yeni gəlmiş legionerlərdən ibarət olsaydı, etmək olardı. Bu gün bir çox yerli futbolçu bunu əzbərdən bilir, bəzi legionerlər isə şahidi olub. Ona görə də hazırda onu yerli çempionatda yerinə yetirmək mənasızdır, alınacağı da sual altındadır".
Qeyd edək ki, Rəşad Sadıqov klub və milli səviyyəsindəki 4 beynəlxalq matçda azərbaycansayağı qol vurub (report).
Premyer Liqa klubu Kenan Yıldızla maraqlanır
Zədəsinə görə millinin məşqini buraxdı
Almaniya - Kot-d’İvuar matçının heyətləri açıqlandı
Niderland da 100-ü keçdi
İtaliyalı futbolçu yüksək maaş tələb edir
"Real"dan Olise açıqlaması
Daha 1 il “Şahdağ Qusar”da
"Qarabağ" "Zirə"yə qalib gəldi
Niderland - İsveç: Heyətlər
"Turan Tovuz"da 2 ayrılıq
“Neftçi” onunla müqaviləni yenilədi
Millinin baş məşqçisi start heyəti planından danışdı
"Türk xalqını məyus etdiyim üçün üzr istəyirəm"
“Zirə”dən yeni transfer
Bölgə klubu məşqçisini göndərdi
"Vaxt itirəcəksən və mundiala hazır olmayacaqsan"
“Neftçi” heyətini braziliyalı futbolçu ilə gücləndirdi
"Xəcalət çəkirik, utanırıq" - Arda Güler
"Qarabağ" Avstriya klubu ilə qarrşılaşacaq
"Zirə" onunla yolları ayırdı
Ronaldinyo karyerasını bərpa edir
Türkiyə ilə oyunda mundialın rekorduna imza atdı
"Şamaxı"dan ayrılan futbolçu "Sabah"da
Türkiyə pley-off şansını belə itirdi - Video
Montelladan məğlubiyyət şərhi
Braziliyanın Haitiyə vurduğu 3 qol - Video
Canlı yayımda ağladı, təsirli çıxış etdi - Video
Çalhanoğlu üzr istədi
Türkiyəyə qol vurdu, ən yaxşı seçildi
Türkiyə istədi, bayraq yerə qoyulmadı
Seneqal millisində böhran
ABŞ millisindən son 96 ilin ən yaxşı nəticəsi
Dünya Çempionatı 2026
Xəbərlər
Təqvim
Cədvəl