23.08.25
"Səbail"in baş məşqçisi Aftandil Hacıyev Qol.az-ın suallarını cavablanıdırıb. Klubda baş verən maliyyə çətinliyindən danışan çalışdırıcı vəziyyətin ürəkaçan olmadığını deyib.
- Çempionatın startına az qalıb. Komandanın ümumi durumu necədir?
- Məşqlərimizi davam etdiririk. Dilan Duventru və Bilal Həmdi ilə yollar ayrıldı. Bunun da səbəbləri var. Maliyyə baxımından çətinlik çəkirik. Hazırda digər futbolçularımız məşqlərdə iştirak edir. Bu gün Küveyt klubu ilə yoxlama oyunu keçirərək hazırlığı başa vururuq. Növbəti həftə Premyer Liqanın ilk turu üçün məşqlərə başlayacağıq.
- Komanda çempionata nə dərəcədə hazırdır? İki aparıcı futbolçu "Səbail"i tərk etdi. Çətin olmayacaq?
- İndi nəsə demək olmur. Çünki hələ də optimal heyət formalaşdıra bilməmişik. Çünki kimsə gedir, kimsə yol üstündədir. Bu cür vəziyyətdə komandanın hazırlığının yüksək səviyyədə olduğunu demək yanlış olar. Ancaq çalışırıq ki, mövcud vəziyyətdə maksimum yaxşı hazırlaşaq. Bugünkü görüşdə çempionata kim daha çox hazırdırsa, onlardan istifadə edəcəyik.
- Belə məlum olur ki, komandanı tərk edənlər yenə olacaq.
- Mövcud duruma görə hər şey ola bilər. Vəziyyət ürəkaçan deyil. Artıq qalmasını istədiyim futbolçular komandanı tərk edib. Yayda cəlb etdiyimiz futbolçular getdilər. Artıq bu, məni narahat edir. Bundan sonra da kimlərsə gedə bilər. Ancaq ilk turun oyununda bəlli olacaq ki, kimlərlə meydana çıxacağıq.
- Xəbərlər yayılıb ki, "Səbail" futbolçulara 1000 manatdan yuxarı maaş verə bilməyəcəyini və kim buna qane olmursa, gedə bilər deyib.
- Konkret məbləğ deyilməyib. Sadəcə, bildirilib ki, maliyyə baxımından çətinliyimiz var. Bəzi futbolçularla yayda danışdığımız məbləği ödəməkdə çətinlik çəkirik. Maaşlarında gecikmələr olur. Buna görə də onlara xəbərdarlıq olunub ki, kim səbr edə bilməyəcəksə, başqa klubla danışıq apara bilər. Artıq iki futbolçumuz bu haqda kluba fikrini bildirib. Dilan və Bilal başqa təkliflərinin olduğunu dedi və buna görə onlarla yolları ayırdıq.
- Komandaya gənc yerli futbolçuların cəlb ediləcəyi bildirilir.
- Hazırda axtarışdayıq. Yerli və cavan futbolçuları gözdən keçiririk. İstədiyimiz futbolçular hamısı öz klubundadır. Kimisə cəlb etmək də bizim üçün olduqca çətindir. Çalışacağıq ki, əlimizdə olan yerli futbolçulardan və əvəzedici heyətdən yararlanaq.
- Maykl Essyenin "Səbail"dən ayrılacağı haqda xəbərlər də yayılıb. Gündəmdə belə bir məsələ var?
- Bu haqda bizdə heç bir məlumat yoxdur. Özü ilə danışanda da heç nə deməyib. Məlumatın haradan qaynaqlandığını bilmirəm.
Ramiq AĞAMƏMMƏDOV
Ronaldonun növbəti uğuru
"Çoxdandır ki, millidə bu ruh görünmürdü" - Ayxan Abbasov
U-21 yığmamızın Bolqarıstanla oyunundan - Video
Azərbaycan millisi DÇ-2026-da ilk xalını qazandı
Azərbaycan millisində tarixi rekord!
Rüdiger və Alabanı kim əvəz edəcək?
U-21 yığmamız Bolqarıstanla bərabərə qaldı
Ançelotti Rafinyaya istirahət verə bilər
“Fənərbaxça” yeni baş məşqçisini rəsmən açıqladı - Yenilənib
Azərbaycan - Ukrayna: Heyətlər
"Liverpul" yeni formalarını təqdim etdi - Şəkillər
Postekoqlunun yeni klubu açıqlandı - Rəsmi
Bolqarıstan millisinin baş məşqçisi istefa verdi
Millimizin sabiq futbolçusu 1-ci liqa klubunda
İtaliya millisindən tarixi göstərici
U-19 millimiz 6 qolla uduzdu
Kubokda püşkatmanın vaxtı açıqlandı
"Şamaxı"dan ayrılan futbolçu "Səbail"də
Şevçenko Bakıdakı futbol meydanşasının açılışında - Şəkillər
"Fənərbaxça"dan "Spartak"a - Rəsmi
1 il 3 aydır qələbə üzünə həsrətik...
"Araz-Naxçıvan"ın ÇL oyunlarının təqvimi
PSJ-nin 2 oyunçusu millidə zədə aldı - Narazılıq yarandı
Nunu istefaya göndərildi
Qattuzo: "Bu, karyeramın ən çılğın oyunu idi"
"Tofiq Bəhramov"dakı bugünkü oyunun formaları - Şəkillər
