07.04.26
"Qəbələ"nin yarımmüdafiəçisi Asif Məmmədov Qol.az-a müsahibə verib. Əyalət klubunda qalıb-qalmayacağı dəqiqləşməyən futbolçu həm özünün, həm də komandanın gələcəyindən danışıb.
- Mövsümün sonunda "Qəbələ" ilə müqavilən başa çatdı. Komandada qalacaqsan, yoxsa?..
- Məsələ hələ açıq olaraq qalır. Komandanın hazırlıqlarında iştirak etmirəm. Yeni mövsümdə harada oynayacağımı özüm də bilmirəm.
- Başqa təkliflərin var?
- Bəli, var. Amma hələ götür-qoy edirəm. Hansı qərarı verəcəyimi bilmirəm. Bu yaxınlarda seçimimi edəcəyəm. Uzağı bir həftə ərzində hər şeyə aydınlıq gələcək.
- Bu yay aparıcı futbolçuların əksəriyyəti "Qəbələ"ni tərk etdi. Səncə, bu amil komandanın Avropa Liqasındakı çıxışına necə təsir edəcək?
- Aydın məsələdir ki, çətinlik olacaq. Demək olar ki, yeni komandadır. 1-2 nəfəri çıxmaq şərtilə bütün kollektiv dəyişdi. Nə qədər yaxşı oyunçular gəlsə belə, uyğunlaşma üçün vaxt lazım olacaq. Biz ötən mövsüm də bu problemi yaşadıq. Heyətimizdə təcrübəli futbolçular, yaxşı legionerlər olsa da, çətinliklə üzləşdik. Nəyin necə olacağını zaman göstərəcək.
- Çox güman ki, 2-ci təsnifat mərhələsində rəqib Tbilisi "Dinamo"su olacaq. Necə düşünürsən, Gürcüstan təmsilçisini keçmək olarmı?
- Futbolda hər şey mümkündür. "Dinamo" təcrübəli komandadır, heyətində yaxşı futbolçular var. Eşitdiyimə görə, hazırda bir neçə aparıcı oyunçusunu Avropa klubları istəyir. "Qəbələ"nin işi çox çətin olacaq. Ancaq futboldur, hər şey ola bilər. "Dinamo" keçiləsi rəqibdir. Sadəcə, indiki vəziyyətdə nəsə demək çətindir. Çünki "Qəbələ"nin heyəti yenilənib.
- Bəzi yerli futbolçuların, xüsusilə də "Qəbələ"nin öz yetirmələrinin belə çətin anda klubu tərk etməsi birmənalı qarşılanmadı. Onlar qalıb, komandaya kömək edə bilərdilər. Sənin bu məsələyə münasibətin necədir?
- Açığı, bir az çətin sualdır. Çünki futbolda hər şey ola bilər. Yəqin, hansısa şərtlərdə fikirlər üst-üstə düşməyib, ona görə gediblər. Bəlkə də şərtlər başqa cür olsaydı, qalardılar. Onların yerinə danışmaq istəmirəm. Yəqin, eləsi var ki, komanda Qəbələdə qalacağı üçün gedib. Bəziləri maliyyə şərtlərində razılığa gələ bilməyib. Bəzi futbolçular komandanın iddiasına görə ayrılıb. Özüm o yerdə olsaydım, nə edərdim? Onların yerində deyiləm, amma hansı qərarı verəcəyimi də bilmirəm. Ona görə düz və ya səhv etdiklərini deməkdə çətinlik çəkirəm. Səbəblərini özləri yaxşı bilir.
- "Qəbələ"dən əvvəl "Bakı", "Xəzər Lənkəran" kimi klublar oldu ki, əvvəlcə gəncləşdirmə siyasətinə getdi, iddiasını itirdi, ardınca isə dağıldı. Uzun illərdir "Qəbələ"dəsən. Bu komandanın gələcəyini necə görürsən?
- İnanmıram ki, "Qəbələ"də belə bir şey olsun. Komandanın akademiyası, 10-a yaxın stadionu var. Uşaq futbolu xeyli inkişaf edib. Düşünmürəm ki, "Qəbələ"nin dağılmağına imkan versinlər. Azərbaycan futbolu onsuz da çətin vaxtlarını yaşayır. Klub sayı azdır. "Qəbələ" də dağılsa, lap pis olacaq. Bakı birinciliyi keçiriləcək? İnanıram ki, müəyyən müddətdən sonra "Qəbələ"də hər şey yaxşı olacaq.
Elnur SALAHOV
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
Son 4 mövsümün ən böyük hesabı
Azərbaycan çempionatlarının 21-ci əsrdəki rekordu yeniləndi
Azərbaycandakı amerikalıların 10-cu het-triki
Bəxtiyar Həsənalızadə: “Qələbədən başqa yolumuz yoxdur”
Arbeloa: "Münhendə "Real" qalib gələcək"
65 il sonra qayıtdılar
Avropa Liqasında 1/4 final başlayır
"Bavariya"nın Madrid zəfəri - Video
"Quba" "Şəki Siti" ilə üz-üzə
ÇL-də nəhənglərin duelləri
"Bavariya" "Real"a, "Arsenal" "Sportinq"ə qalib gəldi
6 qol və "Sabah"ın qələbəsi - Video
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
