07.04.25
“Sumqayıt”ın futbolçusu Atilla Yıldırım Topaz Premyer Liqada 6-cı turunda “Zirə”ni 1:0 hesabı ilə məğlub etdikləri ev oyunundan sonra Qol.az-ın suallarını cavablandırıb. O, ilk olaraq qələbəni şərh edib:
- Bizim üçün vacib olan 3 xal idi. Qələbə qazandığımız üçün çox sevincliyik. Milli komandanın oyunlarından öncə “Səbail”lə qarşılaşacağıq. Həmin oyunda da 3 xalı qazanıb, qələbə seriyamızı 3-ə qaldırmaq istəyirik.
- Bir neçə məqamda topu qapıdan keçirə bilmədin. Səbəbi nədir?
- Bir aya yaxındır “Sumqayıt”a gəlmişəm. Hələlik tam olaraq formada deyiləm. Hücumçunun əsas vəzifəsi qol vurmaqdır. Bir çox qol epizodu olur. Amma qol epizodlarında olmaq da müsbət haldır. Çünki ilk oyunlarda çox az qol imkanlarım olurdu. Həmin epizodlar da daha çox matçın son dəqiqələrində baş verir. Bu zaman yorğunluq da öz sözünü deyir. Tam formaya düşəndən sonra daha çox qol vuracağıma inanıram.
- Qolu özün vurmuş kimi sevindim. Hiss etdin ki, top sənə dəydi?
- Aha, hiss etdim ki, top mənə toxunaraq qapıya daxil oldu. Ona görə elə sevindim. Əsas məsələ qol vurmaqdır. Qolu kimin vurması önəmli deyil.
- Matçın bəzi məqamlarında baş məşqçiniz Nazim Süleymanovla bir neçə dəfə dialoqlarınız oldu.
- Baş məşqçimizə dedim ki, daha kompakt olarsaq, müdafiə xəttimiz bir qədər önə çıxarsa, bizim üçün daha asan olar. Yəni, Nazim Süleymanovla mübahisə etmirdik, sadəcə, söhbət etdik.
- Oyun zamanı bəzən aqressiv olursan...
- Bəli, bəzən aqressiv ola bilirəm. Çünki qalib gəlmək istəyirəm. Futbol da bir döyüş meydanıdır. Həmin döyüşdə qalib gəlmək üçün əlindən gələn hər şeyi etməlisən. Rəqib sənin üçün düşmən kimi görünür. Hər nə qədər düşmən olmasa da. Oyundan sonra rəqib futbolçularla münasibətlərimiz normaldır.
- Milli komandamıza cəlb olunacağın iddia edilir. Belə bir şey varmı?
- İddialar olur. Biz - Türkiyə ilə Azərbaycan iki dövlət, bir millətik. Mənim əslim Qarslıdır. Əgər baş məşqçi dəvət edərsə, niyə də olmasın? Mən yığmanın Kosova və Malta ilə oyunlarına baxdım. Hücumda çoxala bilmirlər.
- Deyirsən ki, yığmamızda sənin kimi hücumçuya ehtiyac var?
- Baş məşqçi dəvət edərsə, əlbəttə. Hər nə qədər tam olaraq formada olmasam da, komandanın oyun içində daha rahat oynamasına çalışıram. Topu özümdə saxlayıb, ya cinahlara, ya da mərkəzdəki futbolçulara ötürürəm. Hər komanda üçün bu önəmlidir. Ona görə də Malta və Kosova matçlarında qol epizodları az oldu.
- Komanda yoldaşın Əfran İsmayılovla oyun zamanı sanki anlaşa bilmədiyin görünür. Aranızda problem var, yoxsa?
- Əfranla meydandan kənarda münasibətlərimiz yaxşıdır. Sadəcə, oyun içində bəzən anlaşılmazlıqlar olur. Daha sonra unudulur.
"Barselona"da ciddi itki
"Qarabağ" "Neftçi"yə belə qalib gəldi - Video
"Qarabağ" "Neftçi"yə, "Sabah" "Səbail"ə qalib gəldi
"Sabah"ın qələbəsindən - Video
Berezutski: "Çox qol buraxırıq"
"Matçın sonlarında yorğunluq oldu" - Elvin Məmmədov
Premyer Liqa klubları onu hədəflədi
"Qarabağ" - "Neftçi" matçı üçün - Heyətlər
Ayın ən yaxşı qolunun müəllifi mükafatlandırıldı
Remzi çıxış etdiyi komandanın baş məşqçisi oldu
Mahir Emreli dubl etdi - Yenilənib
"Sabah" - "Səbail": Heyətlər açıqlandı
"Fənərbaxça"nın futbolçusu xəstəxanaya yerləşdirildi
"Qarabağ" - "Neftçi" matçına nə qədər bilet satılıb?
Tanış mənzərə, ağır mənzərə…
Millimiz Estoniyaya uduzdu
MOİK-in futbolçusundan möhtəşəm qol - Video
Xorvatiya millisinin sabiq üzvü qəzada həlak oldu
Almaniya klubu kapitanı ilə müqaviləni uzatdı
"Arsenal"ın əsas hədəfi bilindi
"Araz-Naxçıvan" 100-ə çatdı
30-cu sülh
"Santos"dan Neymar açıqlaması
Ançelottinin işini o görəcək
Ronaldo "Çelsi" və ya "Mançester Siti"yə keçə bilər
Messinin TOP-10-luğunda bir türk də var
