23.08.26
Milli komandamız və "Səbail"in hücumçusu Ruslan Qurbanov Qol.az-a müsahibə verib. Yığmamızın Millətlər Liqasında Kosovo və Malta ilə keçirəcəyi oyunlara hazırlığı haqda danışan futbolçu rəqiblərdən qorxmadıqlarını bildirib.
- UEFA Millətlər Liqasının Kosovo və Malta ilə oyunları öncəsi milli komandada atmosfer necədir?
- Komandada ab-hava əladır. Hər birimiz məşqlərdə əlimizdən gələnin ən yaxşısını etməyə çalışırıq. Kosovo ilə oyunun məsuliyyətini başa düşürük. Bakıda qələbə qazanıb, turnirə uğurlu başlamaq və hamını sevindirmək istəyirik.
- "Qarabağ"ın Avropa Liqasında qrup mərhələsinə düşməsi milli komandadakı ab-havaya necə təsir etdi?
- Əlbəttə, çox yaxşı təsir göstərdi. Hamımız bu uğura sevinirik. "Qarabağ"ı təbrik etdik. Hər birimiz Avroliqada onlara azarkeşlik edəcək, oyunlarını həyəcanla izləyəcəyik.
- "Səbail"in heyətində 3 oyun keçirsəniz də, hələ qol vura bilməmisiniz. Bu mənada Qurban Qurbanovdan dəvət gələcəyini gözləyirdiniz?
- Ümid edirdim ki, Qurban müəllim məni yığmaya çağıracaq. Amma tam əmin deyildim. Mənə inandığı üçün ona təşəkkür edirəm. İndi daim oynayıram, təcrübəm var. Sadəcə, hələ qol vurmamağım bir az əhvalımı pozur. Amma inanıram ki, zamanla hər şey öz qaydasına düşəcək.
- Uzun fasilədən sonra Rauf Əliyev milliyə qayıtdı. Bu isə o deməkdir ki, hücum xəttində rəqabət olacaq. Bu, sizi narahat etmir?
- Heç vaxt rəqabətdən qorxmamışam. Əksinə, rəqabət olmağı bizim xeyirimizədir.
- Millətlər Liqasında ilk oyun Kosovoya qarşı olacaq. Bakıdakı qarşılaşmadan nə gözləyə bilərik?
- Gözəl oyun nümayiş etdirmək istəyirik. Kosovo yaxşı komandadır. Oyunçularının əksəriyyəti ölkə xaricində çıxış edir. Asan oyun olmayacaq. Amma biz hazırıq.
- Özünüz də qeyd etdiniz ki, Kosovo millisinin bir çox üzvü ölkə xaricində, yaxşı çempionatlarda oynayır. Buna görə hər hansı həyəcan varmı? Ümumiyyətlə, bu rəqibdən çəkinmirsiniz?
- Belə şeylərə fikir verib, meydana çıxmaqdan qorxsaydıq, futbol oynamamaq daha yaxşı olardı. Kosovodan qorxmuruq. Biz dünya çempionu olan Almaniyaya, eləcə də Xorvatiya və Portuqaliya kimi komandalara qarşı oynamışıq. Onlardan qorxmamışıqsa, Kosovodan niyə çəkinməliyik?
- Kosovo ilə matçdan 3 gün sonra isə səfərdə Maltanın qonağı olacaqsınız. Həmin oyun barədə nə düşünürsünüz?
- Malta ilə artıq bir neçə dəfə qarşılaşmışıq. Amma indi onlar daha da gücləniblər. Hazırda əsas fikrimiz Kosovo ilə oyundadır. Lakin Maltaya da yaxşı nəticə üçün gedəcəyik. Artıq hamı futbol oynaya, yaxşı müdafiə oluna bilir. Hər iki oyunda Qurban Qurbanovun tapşırıqlarını meydanda yerinə yetirə bilsək, nəticə özü gələcək.
Elnur SALAHOV
“Meydanda pul rol oynamır” - Fərid Namazov
“Epizodlarımızdan yararlana bilmədik” - Zaur Həşimov
"İmişli"nin qələbəsindən - Video
“Onu komandada saxlamalı idilər”
Toralın klubundan növbəti qələbə
Vüsal oynadı, komandası qalib gəldi
"Qəbələ" - "Şamaxı" matçından - Video
“Kəpəz” klubunda yeni təyinat
“3 oyundur qol vura bilmirik, bu, normal deyil” - Sxadadze
“Qəbələ" mövsümün ən yaxşı oyununu keçirdi” - Azər Bağırov
Acun Ilıcalının komandasından ardıcıl 2-ci qələbə
“Ayntraxt” qələbəni əldən verdi
“Bayer”ə qarşı 9 dəqiqədə 2 qol - Bundesliqada ilk dəfə
“Şəfa” - “İmişli”: Heyətlər
Keyndən “Bavariya” ilə bağlı yeni açıqlama
"Fənərbaxça"nın rəqibi 4 qollu matçda qalib gələ bilmədi
O da “Qarabağ”dan ayrıldı, bu ölkəyə getdi - Şəkil
Mourinyodan "Qızıl top"la bağlı: "Siyasət təsir edir"
"Qəbələ" - "Şamaxı" matçının heyətləri açıqlandı
“Qalatasaray” və “Fənərbaxça” üçün ÇL təqvimi bəlli oldu
“Milan” futbolçusunu “Komo”ya göndərdi
"Napoli" onu icarəyə verdi
“Barselona” Bakıda bu tarixdə oynayacaq!
“Sabah”ın oyunlarının təqvimi - Çempionlar Liqası
Leau "Qalatasaray"a keçidindən danışdı
"Yuventus"dan "Beşiktaş"a
“Liverpul” və “Milan”ın sabiq futbolçusu karyerasını bitirdi
"Neftçi" üçün üçün hər şeyimi verməyə hazıram"
Abubakarın yeni klubu müəyyənləşdi
Litva səfirindən Qurban Qurbanova dəstək
Azərbaycan millisinin rəqibi Türkiyə oldu
Kefini pozma, hər şey yaxşı olacaq!
Rafael Leaunun “Qalatasaray”a transferi tamamlandı
Tanınmış aparıcı AFFA-da fəaliyyətə başlayıb
“Mançester Siti” 3 xalı 4 qolla qazandı
“Traktor”dan ardıcıl dördüncü qələbə
PSJ yenə büdrədi
Ronaldo 978-ci qolunu vurdu
“Milan” istəyinə ikinci hissədə çatdı
Nərimanın komandası ilk xalını qazandı
“Bavariya” mövsümə darmadağınla başladı
Cəlal oynadı, komandası qalib gəldi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
