23.08.26
“Keşlə”nin müdafiəçisi Adrian Skarlatake Qol.az-a müsahibə verib. Komandasının mövsümə uğursuz startından danışan rumıniyalı futbolçu son iki matçda meydana çıxmamasının səbəblərinə də toxunub.
- Topaz Premyer Liqada 3 turdan sonra cəmi 1 xalınız var. Nə baş verir?
- Problemin nədə olduğunu bilmirəm. Ən yaxşısı, baş məşqçidən soruşun. Çünki həqiqətən nə deyəcəyimi bilmirəm. Son 2 oyunda oynamamışam. Ona görə də həmin oyunlar haqda nəsə danışmağım düzgün olmaz.
- Son oyunlarda meydana çıxmamağınız nə ilə bağlıdır? Zədələsiniz?
- Xeyr, zədəm yoxdur. Sadəcə, baş məşqçi məni oynamağa qoymur. Səbəbini bilmirəm, amma qərarına hörmətlə yanaşıram.
- Oynamamağınızın səbəbini baş məşqçidən soruşmusunuz?
- Hələ ki, onunla danışmamışam. Yəqin, məndən xoşu gəlmədiyi üçün meydana buraxmır. Ötən mövsüm bütün matçlarda forma geyinmişəm. Mərkəz müdafiəçisi olmağıma baxmayaraq, 7 qol vurmuşam. Bütün oyunları yüksək səviyyədə keçirmişəm. İndi isə oynamıram. Niyə meydana çıxmamağım özümə də qəribə gəlir. Bəlkə də, mənim yaxşı futbolçu olmadığımı düşünür. Bütün bunlara baxmayaraq, yenidən oynamaq üçün şansımı gözləyəcəyəm.
- Bəlkə, çempionatın ilk turunun “Sabah”la oyununda penaltiyə səbəb olduğunuz üçün Mladen Milinkoviç sizə inanmır?
- Bilmirəm, amma ola bilər. Əslində ilk oyunu pis keçirmədim, yalnız penaltiylə nəticələnən kobudluğa yol verdim. Bəlkə də, hər şey buna görə oldu. Ancaq istənilən halda onun qərarına hörmət edirəm və qarşıdakı oyunlarda meydana çıxacağımı gözləyirəm.
- Əgər növbəti turlarda da sizə şans verməsə, “Keşlə”dəki gələcəyiniz haqda düşünəcəksiniz?
- Bu haqda düşünmək istəmirəm. Hazırda “Keşlə”nin futbolçusuyam. Növbəti oyunlarımızı udmalıyıq. Çünki bizi qarşıda 3 vacib matç gözləyir. Əminəm ki, həmin görüşlərdə oynayacağam. Ona görə də daha yaxşı hazırlaşmalıyam.
- Ümumiyyətlə, Milinkoviç necə məşqçidir?
- O, yaxşı məşqçi və yaxşı insandır. Yeganə problemimiz uğursuz nəticələrdir. Qısa zamanda vəziyyəti xeyirimizə dəyişməliyik. Çünki “Keşlə” bizdən yuxarı pillələrdə olan həm “Sabah”, həm də “Səbail”dən yaxşı komandadır.
- Qarşıda 3 həftəlik fasilə var. Necə düşünürsünüz, bu müddət komandanızın xeyirinə işləyə bilərmi?
- Bəli, ümid edirəm ki, fasilə bizə kömək edəcək. Qarşıdan çətin oyunlar gəlir. Fasilədən sonra ilk oyunumuz “Neftçi”yə qarşı olacaq. Mütləq qələbə qazanmalıyıq.
Elnur SALAHOV
“Meydanda pul rol oynamır” - Fərid Namazov
“Epizodlarımızdan yararlana bilmədik” - Zaur Həşimov
"İmişli"nin qələbəsindən - Video
“Onu komandada saxlamalı idilər”
Toralın klubundan növbəti qələbə
Vüsal oynadı, komandası qalib gəldi
"Qəbələ" - "Şamaxı" matçından - Video
“Kəpəz” klubunda yeni təyinat
“3 oyundur qol vura bilmirik, bu, normal deyil” - Sxadadze
“Qəbələ" mövsümün ən yaxşı oyununu keçirdi” - Azər Bağırov
Acun Ilıcalının komandasından ardıcıl 2-ci qələbə
“Ayntraxt” qələbəni əldən verdi
“Bayer”ə qarşı 9 dəqiqədə 2 qol - Bundesliqada ilk dəfə
“Şəfa” - “İmişli”: Heyətlər
Keyndən “Bavariya” ilə bağlı yeni açıqlama
"Fənərbaxça"nın rəqibi 4 qollu matçda qalib gələ bilmədi
O da “Qarabağ”dan ayrıldı, bu ölkəyə getdi - Şəkil
Mourinyodan "Qızıl top"la bağlı: "Siyasət təsir edir"
"Qəbələ" - "Şamaxı" matçının heyətləri açıqlandı
“Qalatasaray” və “Fənərbaxça” üçün ÇL təqvimi bəlli oldu
“Milan” futbolçusunu “Komo”ya göndərdi
"Napoli" onu icarəyə verdi
“Barselona” Bakıda bu tarixdə oynayacaq!
“Sabah”ın oyunlarının təqvimi - Çempionlar Liqası
Leau "Qalatasaray"a keçidindən danışdı
"Yuventus"dan "Beşiktaş"a
“Liverpul” və “Milan”ın sabiq futbolçusu karyerasını bitirdi
"Neftçi" üçün üçün hər şeyimi verməyə hazıram"
Abubakarın yeni klubu müəyyənləşdi
Litva səfirindən Qurban Qurbanova dəstək
Azərbaycan millisinin rəqibi Türkiyə oldu
Kefini pozma, hər şey yaxşı olacaq!
Rafael Leaunun “Qalatasaray”a transferi tamamlandı
Tanınmış aparıcı AFFA-da fəaliyyətə başlayıb
“Mançester Siti” 3 xalı 4 qolla qazandı
“Traktor”dan ardıcıl dördüncü qələbə
PSJ yenə büdrədi
Ronaldo 978-ci qolunu vurdu
“Milan” istəyinə ikinci hissədə çatdı
Nərimanın komandası ilk xalını qazandı
“Bavariya” mövsümə darmadağınla başladı
Cəlal oynadı, komandası qalib gəldi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
