23.08.26
“Keşlə”nin yeni transferi Bahodir Nasimov Qol.az-a müsahibə verib. 4 illik fasilədən sonra Azərbaycana qayıdan özbəkistanlı hücumçu həm transferindən danışıb, həm də “Neftçi”dəki karyerasını xatırlayıb.
-Yenidən Azərbaycandasınız. Təəssüratlarınız necədir?
- Təəssüratlarım əladır. Bakı çox dəyişib, gözəlləşib. Şəhər sanki ikinci Dubay olub. Azərbaycan üçün çox darıxmışdım. Burada çoxlu dostlarım var. Bakı mənim ikinci evim kimidir.
- Bakının çox dəyişdiyini dediniz. Bəs çempionatımız haqda hansı fikirdəsiniz?
- Premyer Liqada cəmi 1 oyun keçirmişəm. Hələlik heç nə deyə bilmərəm. Bu suala cavab vermək hələ tezdir. Amma düşünürəm ki, çempionatda nə qədər çox komanda olsa, bir o qədər yaxşı olar. 8 komanda çox azdır. 12-14 klub olsaydı, daha yaxşı olardı.
- “Keşlə”yə transferiniz necə gerçəkləşdi?
- Menecerlər mənimlə əlaqə saxladılar və Azərbaycandan təklif olduğunu dedilər. Oturduq, danışdıq. Sonra mən də razılığımı verdim və “Keşlə”yə gəldim.
- Azərbaycanda buna qədərki karyeranız “Neftçi” ilə bağlıdır. Bu komandada keçirdiyiniz 4 ili necə xatırlayırsınız?
- Həmin vaxt “Neftçi” super vəziyyətdə idi. 3 dəfə çempion olmuşduq, kuboku götürmüşdük. Hətta Avropa Liqasının qrupunda oynamışdıq. O illəri heç vaxt unutmaram.
- Yeri gəlmişkən, həmin vaxt “Neftçi”dən niyə ayrılmışdınız?
- Müqaviləm başa çatmışdı, bu səbəbdən yollarımızı ayırdıq. “Neftçi”dən sonra İran, Cənubi Koreya və Özbəkistanda oynadım.
- “Neftçi” son illər uğursuz çıxış edir. Bu barədə nə deyə bilərsiniz?
- Əgər indi “Neftçi”də oynasaydım, nəsə deyə bilərdim. Amma komandada nələrin baş verməsindən xəbərsizəm.Ona görə də bu barədə danışmağım düzgün olmaz.
- “Keşlə” çempionata uğursuz start verdi. İlk turda debutant “Sabah”a məğlubiyyəti necə izah edərdiniz?
- Hə, ilk matçda uduzduq. Açığı, evdəki məğlubiyyətə görə hələ də əhval-ruhiyyəm pisdir. Bunun birinci turda olması daha pisdir. Doğma azarkeşlərimiz önündə qələbə qazanmaq istəyirdik. Düşünürəm ki, məğlubiyyətə görə bütün komanda günahkardır. Eləcə də mən. Çünki qol imkanlarından yararlanmalıydım. Qol vurmasanız, necə qalib gələ bilərsiniz? Artıq bu oyunu unutmaq lazımdır. Növbəti qarşılaşma haqda düşünməliyik.
- Yeni klubunuzda əsas hədəfiniz nədir?
- Hər oyuna maksimum köklənmə ilə çıxıb, qollar vurmaq və komandama kömək etmək istəyirəm.
- Növbəti turda səfərdə “Zirə” ilə oynayacaqsınız. Həmin görüş barədə nə düşünürsünüz?
- Biz hər oyunda qələbə qazanmaq üçün meydana çıxırıq. “Zirə” ilə matçda da əsas hədəfimiz 3 xal qazanmaq olacaq.
Elnur SALAHOV
“Meydanda pul rol oynamır” - Fərid Namazov
“Epizodlarımızdan yararlana bilmədik” - Zaur Həşimov
"İmişli"nin qələbəsindən - Video
“Onu komandada saxlamalı idilər”
Toralın klubundan növbəti qələbə
Vüsal oynadı, komandası qalib gəldi
"Qəbələ" - "Şamaxı" matçından - Video
“Kəpəz” klubunda yeni təyinat
“3 oyundur qol vura bilmirik, bu, normal deyil” - Sxadadze
“Qəbələ" mövsümün ən yaxşı oyununu keçirdi” - Azər Bağırov
Acun Ilıcalının komandasından ardıcıl 2-ci qələbə
“Ayntraxt” qələbəni əldən verdi
“Bayer”ə qarşı 9 dəqiqədə 2 qol - Bundesliqada ilk dəfə
“Şəfa” - “İmişli”: Heyətlər
Keyndən “Bavariya” ilə bağlı yeni açıqlama
"Fənərbaxça"nın rəqibi 4 qollu matçda qalib gələ bilmədi
O da “Qarabağ”dan ayrıldı, bu ölkəyə getdi - Şəkil
Mourinyodan "Qızıl top"la bağlı: "Siyasət təsir edir"
"Qəbələ" - "Şamaxı" matçının heyətləri açıqlandı
“Qalatasaray” və “Fənərbaxça” üçün ÇL təqvimi bəlli oldu
“Milan” futbolçusunu “Komo”ya göndərdi
"Napoli" onu icarəyə verdi
“Barselona” Bakıda bu tarixdə oynayacaq!
“Sabah”ın oyunlarının təqvimi - Çempionlar Liqası
Leau "Qalatasaray"a keçidindən danışdı
"Yuventus"dan "Beşiktaş"a
“Liverpul” və “Milan”ın sabiq futbolçusu karyerasını bitirdi
"Neftçi" üçün üçün hər şeyimi verməyə hazıram"
Abubakarın yeni klubu müəyyənləşdi
Litva səfirindən Qurban Qurbanova dəstək
Azərbaycan millisinin rəqibi Türkiyə oldu
Kefini pozma, hər şey yaxşı olacaq!
Rafael Leaunun “Qalatasaray”a transferi tamamlandı
Tanınmış aparıcı AFFA-da fəaliyyətə başlayıb
“Mançester Siti” 3 xalı 4 qolla qazandı
“Traktor”dan ardıcıl dördüncü qələbə
PSJ yenə büdrədi
Ronaldo 978-ci qolunu vurdu
“Milan” istəyinə ikinci hissədə çatdı
Nərimanın komandası ilk xalını qazandı
“Bavariya” mövsümə darmadağınla başladı
Cəlal oynadı, komandası qalib gəldi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
