23.08.26
"Səbail"in hücumçusu Ruslan Qurbanov Qol.az-a müsahibə verib. Topaz Premyer Liqanın ilk turunda səfərdə "Qəbələ"yə məğlubiyyəti şərh edən futbolçu maraqlı fikirlər səsləndirib.
- Mövsümün ilk oyununda səfərdə "Qəbələ"yə 0:3 hesabı ilə uduzdunuz. Böyükhesablı məğlubiyyəti necə şərh edərdiniz?
- "Qəbələ"nin yaxşı komanda olduğunu bilirdik. Ona görə də oyuna ciddi hazırlaşmışdıq. Təəssüf ki, baş məşqçinin tapşırıqlarını yerinə yetirə bilmədik. "Qəbələ"ni əks-hücumlarda yaxalamaq istəyirdik, amma alınmadı. Sonda da rəqib layiqli qələbə qazandı.
- Yəqin, startda bu cür hesabla uduzacağınızı heç özünüz də gözləmirdiniz...
- Əlbəttə, biz özümüz də belə böyük hesabla uduzacağımızı gözləmirdik. Futboldur, bu oyunu unutmalı və növbəti turda "Qarabağ"la keçirəcəyimiz matça hazırlaşmalıyıq. Yeni komandamız, yeni oyunçularımız var. Düzdür, bu amil bizə haqq qazandırmır. Ancaq adaptasiya üçün bizə bir az vaxt lazımdır. Bundan sonra baş məşqçimizin oynatmaq istədiyi futbolu göstərəcəyik.
- Mövsümün sonunda gözlənilmədən "Qəbələ"dən göndərildiniz. Bu mənada dünənki oyunda sabiq komandanıza qarşı hər hansı aqressiya var idi?
- "Qəbələ"yə hörmətlə yanaşıram. Bu klubun rəhbərliyinə, məşqçilərinə, futbolçularına, bir sözlə, hər bir işçisinə hörmətim var. İki il orada oynayıb, bu klubun çörəyini yemişəm. Ona görə də "Qəbələ"yə qarşı heç bir aqressiyam yoxdur. Növbəti oyunlarda da meydanda bu cür mübarizə aparacağam. Məni məyus edən yeganə məqam odur ki, əlimə düşən qol vəziyyətlərindən yararlana bilmədim. Əgər bunu etsəydim, oyun fərqli ola bilərdi.
- Ancaq meydanda çox istəkli görünürdünüz. Sanki kiməsə nəyisə sübut etməyə çalışırdınız...
- Bu, mənim işimdir. İndi "Səbail"in oyunçusuyam və yalnız öz komandam haqda düşünürəm. Sözsüz, ən yaxşı oyunumu göstərmək istəyirdim. Amma bu da matça hədsiz köklənmədən irəli gələ bilər.
- Topaz Premyer Liqanın 2-ci turunda "Qarabağ"la qarşılaşacaqsınız. Bu oyun barədə nə düşünürsünüz?
- "Qarabağ" Azərbaycanın ən yaxşı komandasıdır. Onlara qarşı oynamaq hər zaman çətindir. Yaxşı və layiqli oyun göstərməyə çalışacağıq. Bu arada fürsətdən istifadə edib "Qarabağ"a Belarusdakı oyunda uğurlar arzu edirəm. Hamımız bu komandaya inanırıq və BATE ilə matçda yaxşı nəticə qazanacaqlarını gözləyirik.
- Qarşıda milli komandamızı Millətlər Liqasında mübarizə gözləyir. Turnirin başlamasına 1 aydan da az vaxt qalıb. Sizcə, "Səbail"dən milliyə dəvət ala biləcəksiniz?
- Millətlər Liqası bizim üçün böyük şansdır. Məgər "Səbail" belə pis komandadır ki, buradan milliyə dəvət almaq olmasın? Daim oynasam və qollar vursam, düşünürəm ki, Qurban müəllim mənə də şans verəcək. Amma çağırmasa belə, ona minnətdar olacam.
Elnur SALAHOV
“Meydanda pul rol oynamır” - Fərid Namazov
“Epizodlarımızdan yararlana bilmədik” - Zaur Həşimov
"İmişli"nin qələbəsindən - Video
“Onu komandada saxlamalı idilər”
Toralın klubundan növbəti qələbə
Vüsal oynadı, komandası qalib gəldi
"Qəbələ" - "Şamaxı" matçından - Video
“Kəpəz” klubunda yeni təyinat
“3 oyundur qol vura bilmirik, bu, normal deyil” - Sxadadze
“Qəbələ" mövsümün ən yaxşı oyununu keçirdi” - Azər Bağırov
Acun Ilıcalının komandasından ardıcıl 2-ci qələbə
“Ayntraxt” qələbəni əldən verdi
“Bayer”ə qarşı 9 dəqiqədə 2 qol - Bundesliqada ilk dəfə
“Şəfa” - “İmişli”: Heyətlər
Keyndən “Bavariya” ilə bağlı yeni açıqlama
"Fənərbaxça"nın rəqibi 4 qollu matçda qalib gələ bilmədi
O da “Qarabağ”dan ayrıldı, bu ölkəyə getdi - Şəkil
Mourinyodan "Qızıl top"la bağlı: "Siyasət təsir edir"
"Qəbələ" - "Şamaxı" matçının heyətləri açıqlandı
“Qalatasaray” və “Fənərbaxça” üçün ÇL təqvimi bəlli oldu
“Milan” futbolçusunu “Komo”ya göndərdi
"Napoli" onu icarəyə verdi
“Barselona” Bakıda bu tarixdə oynayacaq!
“Sabah”ın oyunlarının təqvimi - Çempionlar Liqası
Leau "Qalatasaray"a keçidindən danışdı
"Yuventus"dan "Beşiktaş"a
“Liverpul” və “Milan”ın sabiq futbolçusu karyerasını bitirdi
"Neftçi" üçün üçün hər şeyimi verməyə hazıram"
Abubakarın yeni klubu müəyyənləşdi
Litva səfirindən Qurban Qurbanova dəstək
Azərbaycan millisinin rəqibi Türkiyə oldu
Kefini pozma, hər şey yaxşı olacaq!
Rafael Leaunun “Qalatasaray”a transferi tamamlandı
Tanınmış aparıcı AFFA-da fəaliyyətə başlayıb
“Mançester Siti” 3 xalı 4 qolla qazandı
“Traktor”dan ardıcıl dördüncü qələbə
PSJ yenə büdrədi
Ronaldo 978-ci qolunu vurdu
“Milan” istəyinə ikinci hissədə çatdı
Nərimanın komandası ilk xalını qazandı
“Bavariya” mövsümə darmadağınla başladı
Cəlal oynadı, komandası qalib gəldi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
