23.08.26
“Qəbələ”nin yarımmüdafiəçisi Asif Məmmədov Qol.az-a müsahibə verib. O, komandasının Antalya hazırlığından və Topaz Premyer Liqanın 15-ci turunda, fevralın 10-da “Qarabağ”la keçiriləcək oyundan danışıb.
- Bir aylıq Antalya toplanışından necə faydalandınız?
- Yaxşı hazırlıq keçdik. Maraqlı yoxlama oyunlarımız oldu. Demək olar ki, hər şey qaydasında getdi. Yoxlama oyunlarının bəzisində qalib gəldik, bəzilərində uduzduq. Çatışmayan cəhətlərimizin üzərində işlədik. Hər halda müxtəlif ölkələrin komandaları ilə qarşılaşmalar yaxşı təcrübə oldu. Qarşılaşdığımız komandaların heç biri zəif deyildi. Oyunların hamısını təhlil etdik. Bunun bəhrəsini çempionatda görəcəyik.
- Yoxlama oyunlarına əsasən nə demək olar, komandanız çempionata hazırdır?
- Sonuncu oyunu nəzərə almasaq, bütün yoxlama matçlarında yaxşı çıxış etdik. Məncə, komandamız çempionata 80-90 faiz hazırdır.
- Bütün klublarımız Antalyada toplanışda oldu, yoxlama oyunları keçirdi. Çempionatın ikinci yarısından nə gözləyirsən?
- Əminəm ki, ikinci hissə çox maraqlı olacaq. Çünki əksər komandalarımız heyətini gücləndirib. Rəqiblərimizin hamısı Antalyada toplanışda olubsa, deməli, çempionata çox ciddi hazırlaşırlar. Deyə bilərəm ki, bizi daha çətin və maraqlı oyunlar gözləyir. “Keşlə” indiyədək yeni transfer edə bilmirdisə, artıq heyətinə bir neçə legioner cəlb edib. “Kəpəz” və digər komandalarımız da onun kimi.
- Premyer Liqamızın növbəti turunda “Qarabağ”la qarşılaşcaqsınız...
- Bu rəqiblə oyun həmişə çətin olub. Eyni zamanda maraqlı. Hamı “Qarabağ”ın necə komanda olduğunu bilir. Ona görə də nəsə danışmaq yersiz olar. “Qarabağ”la oyuna tam fərqli hazırlaşmalısan. Güclü kollektivdir. Komandamız bunu yaxşı dərk edir. Ona görə də oyuna çox ciddi yanaşırıq. Qələbə qazanmaq istəyirik ki, çempionluq yarışında çox geri düşməyək. Məsuliyyətimiz birə-beş artıb. Hər hansı pis nəticə aradakı xal fərqini artıracaq.
- Fasilədən sonra ilk oyundaca “Qarabağ”la qarşılaşmaq çətin olmayacaq?
- Bunun həm müsbət, həm də mənfi tərəfi ola bilər. Onsuz da “Qarabağ”la nə vaxtsa qarşılaşmalıyıq. Buna görə də fərqi yoxdur.
- “Qarabağ”la aranızda 6 xallıq fərq var. Bu fərq 3-ə də enə, 9-a da qalxa bilər. Məğlubiyyət çempionluğun əldən getməsi olacaq?
- Mövsümün ikinci yarısında həm bizim, həm də “Qarabağ”ın xal itirmək ehtimalı var. Qış fasiləsinə qədər fikirləşmək olardı ki, hansısa komandanı rahat udmaq olar. Ancaq bundan sonra belə şey olmayacaq. Çünki klublarımız ciddi hazırlaşıblar. İstəməzdim aramızda 9 xallıq fərq yaransın. Bu haqda fikirləşmirəm. Ancaq istənilən nəticə hələ son demək deyil. Çünki qarşıda çox oyun var.
- Səfər oyununda sizi hansı nəticə qane edir?
- Bu suala cavab verməyə çətinlik çəkirəm. Özümüzü maksimum nəticəyə kökləyirik.
Ramiq AĞAMƏMMƏDOV
“Meydanda pul rol oynamır” - Fərid Namazov
“Epizodlarımızdan yararlana bilmədik” - Zaur Həşimov
"İmişli"nin qələbəsindən - Video
“Onu komandada saxlamalı idilər”
Toralın klubundan növbəti qələbə
Vüsal oynadı, komandası qalib gəldi
"Qəbələ" - "Şamaxı" matçından - Video
“Kəpəz” klubunda yeni təyinat
“3 oyundur qol vura bilmirik, bu, normal deyil” - Sxadadze
“Qəbələ" mövsümün ən yaxşı oyununu keçirdi” - Azər Bağırov
Acun Ilıcalının komandasından ardıcıl 2-ci qələbə
“Ayntraxt” qələbəni əldən verdi
“Bayer”ə qarşı 9 dəqiqədə 2 qol - Bundesliqada ilk dəfə
“Şəfa” - “İmişli”: Heyətlər
Keyndən “Bavariya” ilə bağlı yeni açıqlama
"Fənərbaxça"nın rəqibi 4 qollu matçda qalib gələ bilmədi
O da “Qarabağ”dan ayrıldı, bu ölkəyə getdi - Şəkil
Mourinyodan "Qızıl top"la bağlı: "Siyasət təsir edir"
"Qəbələ" - "Şamaxı" matçının heyətləri açıqlandı
“Qalatasaray” və “Fənərbaxça” üçün ÇL təqvimi bəlli oldu
“Milan” futbolçusunu “Komo”ya göndərdi
"Napoli" onu icarəyə verdi
“Barselona” Bakıda bu tarixdə oynayacaq!
“Sabah”ın oyunlarının təqvimi - Çempionlar Liqası
Leau "Qalatasaray"a keçidindən danışdı
"Yuventus"dan "Beşiktaş"a
“Liverpul” və “Milan”ın sabiq futbolçusu karyerasını bitirdi
"Neftçi" üçün üçün hər şeyimi verməyə hazıram"
Abubakarın yeni klubu müəyyənləşdi
Litva səfirindən Qurban Qurbanova dəstək
Azərbaycan millisinin rəqibi Türkiyə oldu
Kefini pozma, hər şey yaxşı olacaq!
Rafael Leaunun “Qalatasaray”a transferi tamamlandı
Tanınmış aparıcı AFFA-da fəaliyyətə başlayıb
“Mançester Siti” 3 xalı 4 qolla qazandı
“Traktor”dan ardıcıl dördüncü qələbə
PSJ yenə büdrədi
Ronaldo 978-ci qolunu vurdu
“Milan” istəyinə ikinci hissədə çatdı
Nərimanın komandası ilk xalını qazandı
“Bavariya” mövsümə darmadağınla başladı
Cəlal oynadı, komandası qalib gəldi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
