19.12.25
“Sumqayıt”ın müdafiəçisi Rail Məlikov Antalya toplanışı çərçivəsində Rusiyanın “Anji” klubu ilə yoxlama oyunundan (0:1) sonra Qol.az-a müsahibə verib. Təcrübəli futbolçu əvvəlcə hazırlığı dəyərləndirib.
- Təlim-məşq toplanışımız plan üzrə davam edir. Hazırlığın birinci mərhələsi Sumqayıtda oldu və daha çox fiziki məşqlərə üstünlük verildi. İkinci mərhələ isə Antalyada davam edir. Hər şey əladır.
- “Anji”yə qarşı oyunda yaxşı təsir bağışlasa da, komanda məğlubiyyətdən qaça bilmədi...
- Yoxlama oyunlarında nəticə elə də rol oynamır. Məğlub olmağımıza baxmayaraq, komanda yaxşı oyun nümayiş etdirdi. Verilən tapşırıqları yerinə yetirməyə çalışdıq.
- “Sumqayıt”ı mövsümün ikinci hissəsinə tam hazır saymaq olar?
- Hardasa 80 faiz hazırıq. Qarşıda daha bir yoxlama oyunumuz var. Təlim-məşq toplanışını bitirənə qədər 100 faiz hazır olacağıq.
- Millimizin Moldova ilə matçını izləyənlər arasında sən də var idin. Yığma Qurban Qurbanovun başçılığı altında keçirilən ilk oyunda necə təsir bağışladı?
- İlk oyun olduğuna görə uşaqlar çox riskə getmirdilər. Moldova da yaxşı müdafiə olunurdu. Görüş heç-heçə başa çatsa da, məncə, pis alınmadı. Vaxt az olduğu üçün Qurban müəllim istədiyi futbolu oynada bilmədi. Yavaş-yavaş hər şeyi yoluna qoyacaq.
- Oyunda Qurban Qurbanovun dəsti-xətti görünürdümü?
- Əlbəttə, göründü. Qurban müəllim oyun ərzində bəzi taktiki-texniki gedişlər etdi. Amma hiss olunurdu ki, komanda hələ buna tam hazır deyil. Bu da normaldır. Çünki Qurban Qurbanovun başçılığı altında ilk oyun idi. Zaman keçdikcə hər şey daha yaxşı olacaq.
- Keçmiş komandan “Neftçi” Antalya toplanışını 5 məğlubiyyətlə başa vurdu. Vaxtı ilə şərəfini qoruduğun, hətta kapitanı olduğun klubun hazırkı vəziyyəti barədə nə deyə bilərsən?
- Mən də razıyam, bütün yoxlama oyunlarında uduzaq, amma çempionatda yaxşı çıxış edək. Burdakı nəticələrə aldanmaq lazım deyil. Yeni legionerlər gətiriblər. Düşünürəm ki, “Neftçi” tam güclənib.
- Çempionatdakı əsas rəqibləriniz, xüsusilə də kubokun yarımfinalında üz-üzə gələcəyiniz “Keşlə” kifayət qədər güclənib. Bu amil sizi narahat etmir?
- "Sumqayıt” Azərbaycan Premyer Liqasında ancaq yerli futbolçulardan təşkil olunmuş yeganə komandadır ki, bu da məni sevindirir. Bu komanda yerli futbolçu bazasıdır. Əgər kubokda yarımfinala çıxmışıqsa, deməli, rəqabətə hazırıq. Digər klubların güclənməsi bizi qorxutmur. Çünki biz də güclənmişik. İnanıram ki, kubokun finalına çıxa biləcəyik.
- Qurban Qurbanov millinin sükanı arxasına keçdikdən sonra tez-tez “Sumqayıt”ın oyunlarına gəlir. Elə “Anji” ilə matçınızı da stadiondan izlədi. Bu, komandaya necə təsir edir?
- Tək Qurban müəllim yox, digər mütəxəssislər də oyunlarımızı izləyir. Öz dəsti-xəttini göstərən komanda olduğumuz üçün bir çox azarkeş qazanmışıq. Yəqin nəsə var ki, baxırlar. Uşaqlarda potensial görürlər ki, gəlib oyunlarımızı izləyirlər.
Elnur Salahov
Antalya
Kapitan 100-ü yarıladı
FİFA qadağanı ləğv etdi
Neymar əməliyyat olundu
"Sabah"ı liderliyə yüksəldən əzmkar qələbəsi - Video
PSJ baş məşqçisi ilə ömürlük müqavilə imzalayır?
"Qış çempionluğu medal qazandırmır" - Valdas Dambrauskas
Benzema Pikassonun milyon avroluq tablosunu aldı
Misli Premyer Liqasında 1 aylıq fasilə başladı
"Sabah"dan böyükhesablı qələbə, qış çempionu oldular
Neymar karyerasının həlledici qərarını verəcək
Bundesliqada il ərzində liderlikdən düşmədilər
A Seriyasında Avstraliya planı təxirə salındı
"Mançester Yunayted" geri addım atdı
Enrike, Mareska, Flik...
"Fənərbaxça"ya transferi gərçəkləşmək üzrədir
"Sumqayıt" - "Sabah": Heyətlər
Qallaher, yoxsa Neves?
“Qəbələ”nin qış hazırlıq planı bəlli oldu
"Qaradağ Lökbatan" 13 qolla qalib gəldi
"Barselona"dan uğurlu seriya
"Milan" bu transferi həll etdi
"Mançester Yunayted"lə oyunda 111 illik rekord təkrarlandı
1-ci liqada həftənin hakimləri məlum oldu
Dani Alveş Portuqaliya klubunu alır
2-ci liqada 6 oyunun hakimləri açıqlandı
"Real" azarkeşləri: Vinisius getsin!
“Kəpəz” iki legioneri göndərdi
Favre məşqçilik karyerasını başa vurdu
PSJ-nin rəqibi müəyyənləşdi
