“Çox maraqlı oyun alındı. Çempionlar Liqasının iştirakçısı ilə oynadığımız üçün şanslıyıq”.
Qol.az-ın məlumatına görə, bu sözləri “Qarabağ”la yoxlama oyunundan sonra “Kuban”ın baş məşqçisi Yevgeni Kaleşin deyib. Klubun rəsmi televiziyasına danışan 39 yaşlı mütəxəssis qarşılaşma ilə bağlı fikirlərini açıqlayıb:
“Təbii ki, az da olsa, fərq hiss olunurdu. İlk hissədə “Qarabağ” daha sürətli və yüksək səviyyəli oyun sərgilədi. İkinci hissədə isə hər iki komanda heyətdə müəyyən dəyişikliklər etdi. Nəticədə açıq futbol getdi. Penaltidən, eyni zamanda cərimə zərbəsindən baxımlı qollar vurduq. Təəssüf ki, müdafiədə səhv edib, rəqibin fərqlənməsinə şərait yaratdıq. Hər iki hissəni nəzərə alsaq, nəticəni ədalətli hesab etmək olar. Futbolçularımız qarşıya qoyulan vəzifənin öhdəsindən gələ bildilər. Komanda şəklində oynadılar və rəqibin qapımız qarşısında ciddi təhlükələr yaratmasına imkan vermədilər. Düzdür, bizim də hücumda çox şanslarımız olmadı. Amma nəzərə alaq ki, bu, yeni ildə ilk oyunumuz idi. “Atletiko”ya uduzmayan və onların Çempionlar Liqasında pley-ofa çıxmasına icazə verməyən komandaya qarşı oynamaq xoş oldu”.
Kaleşin matçın 40-cı dəqiqəsində hakimin yanlış təyin etdiyi penaltini bilərəkdən kənara vuran “Qarabağ”ın hücumçusu Mahir Mədətovun hərəkətinə də münasibət bildirib: “Belə hallarla tez-tez qarşılaşmırıq. Bu, “Qarabağ”ın səviyyəsindən, futbol anlayışından, qaydaları yaxşı bilməsindən və rəqibə hörmət etməsindən xəbər verir. Özünüz də gördünüz, bütün stadion, hətta bizim məşqçilər korpusu da onların bu hərəkətini alqışladı”.
Qeyd edək ki, “Qarabağ” – “Kuban” oyunu 2:2 hesablı heç-heçə ilə başa çatıb.
"Real"dan gedəcək?
Messidən sərt tələb
“Komandanın hazırkı vəziyyəti məni qane edir” - Rui Jorje
Qrizmann ilin ən yaxşı futbolçusu seçildi
34 yaşında karyerasını bitirdi
Azərbaycan millisi İraqla qarşılaşdı
Yığmamız Farer adalarına qalib gəldi
Yüksək maaşı İngiltərəyə dönüşünə mane olur
Yalnız ÇL-də çıxış edəcək kluba keçməyə hazırlaşır
"Xankəndi"nin evdəki ilk oyununa maraq necədir?
Azərbaycanın U-21 millisi Omana qalib gəldi
Vinisius baş məşqçidən narazı qaldı
“Mançester Yunayted” onu hədəfə aldı
“Araz-Naxçıvan”ın zədəli futbolçusundan xəbər var
Qazaxıstan millisinin baş məşqçisi ilə müqavilə uzadılmadı
Braziliya Sinqapura 7 qol vurdu
Nurmaqomedovlar həbsdən azad edildilər
Azərbaycan millisi seçmə mərhələdə ilk xalını qazandı
1-ci liqada oyunların saatı açıqlandı
Orsatonun gəlişindən sonra qayda pozuntularının sayı azalıb
Azərbaycanı dünya çempionatında təmsil edəcək şahmatçılar
Dünya çempionu vəfat etdi
Bu gün QOL.az saytının 18 yaşı tamam olur
"Arsenal" onunla razılaşdı
Gəncədə "Qarabağ"la oyuna böyük maraq var
1 qola görə mümkün pley-off-dan kənarda qaldıq
Millidə debüt matçında qol vuran Eşqin: "Çox xoşbəxtəm"
Bugünkü oyunları yayımlayacaq kanallar