07.04.26
"Keşlə"nin yeni transferi Məqsəd İsayev Qol.az saytına müsahibə verib. "Neftçi"dən ayrılmasının səbəblərini açıqlayan gənc müdafiəçi başqa məqamlardan da söz açıb.
- Başlayaq "Neftçi"dən. Bu komandadan niyə ayrıldın?
- "Neftçi"dən ayrılmağımın əsas səbəbi oynamamağım idi. Ehtiyatda qalırdım, bu isə məni narahat edirdi. Çünki biri var, oynayıb pul qazanasan, biri də var ki, ehtiyatda oturmaqla. Buna görə ayrılmaq istədiyimi bildirdim. Sağ olsunlar, onlar da anlayışla qarşıladılar. Yəni, "Neftçi"dən heç bir küskünlüyüm, incikliyim yoxdur.
- "Neftçi" sənin mövqeyinə İlkin Qırtımovu transfer etdi. Bu isə həm azarkeşlər arasında, həm də futbol ictimaiyyətində birmənalı qarşılanmadı...
- Hərənin öz yeri var. İlkin də yerli futbolçudur. Nə mən ondan zəifəm, nə də o məndən. Hərənin öz oyun üslubu var. İlkinə "Neftçi"də uğurlar arzu edirəm.
- Bildiyimə görə, başqa təkliflərin də var idi...
- Hə, bir neçə variantım var idi. Amma mən götür-qoy etdikdən sonra "Keşlə"yə keçməyə qərar verdim.
- Maraqlıdır, niyə digər variantları yox, autsayderlər qrupunda qərarlaşan "Keşlə"ni seçdin?
- Özüm üçün bütün variantları dəyərləndirdim. Gördüm ki, ən uyğun komanda "Keşlə"dir. Bu komandanın oyun sxemi elədir ki, həm müdafiədə, həm də yarımmüdafiədə rahatlıqla oynaya bilərəm. Özümü yaxşı tərəfdən göstərə bilmək üçün "Keşlə" ən ideal variant idi. Həm də bu komandanın Avroliqaya çıxmaq şansı var. Bütün bunları nəzərə alıb, "Keşlə"yə keçdim.
- Dünən "Neftçi" ilə yoxlama oyununda 1 qol və 1 məhsuldar ötürmə ilə yeni komandana qələbə qazandırdın...
- Hə, oyunum yaxşı alındı. Həm qol vurdum, həm də qol ötürməsi etdim. Bir tərəfdən üzüldüm ki, keçmiş komandama qol vurdum. Digər tərəfdən isə sevindim ki, yeni klubumda ilk oyunda özümü yaxşı tərəfdən göstərə bildim. Həm də sübut etdim ki, oynamağa layiqəm. Adətən sabiq komandana qarşı bir qədər istəkli oynayırsan. Amma yenə deyirəm, "Neftçi"dən heç bir incikliyim yoxdur.
- "Keşlə"də yeni baş məşqçinin rəhbərliyi altında oynayacaqsan. Azərbaycana yad mütəxəssisdir. Ukraynalı məşqçi haqda hansı fikirdəsən?
- Yaxşı məşqçidir, futbolçulara nəyisə asanlıqla başa sala bilir. Yaxşı futbolçu və məşqçi karyerası olub. "Keşlə"yə komandanı hazırkı vəziyyətdən çıxarmaq və Avroliqaya vəsiqə qazandırmaq üçün gəlib. Əvvəlcə yaxşı komanda formalaşdırmaq istəyir. Məncə, bizdə hər şey alınacaq.
Elnur SALAHOV
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
