“Kəpəz”in yarımmüdafiəçisi Tural Rzayev Topaz Premyer Liqanın IX turunda “Neftçi”yə 0:1 hesabı ilə məğlub olduqları oyundan sonra jurnalistlərin suallarını cavablandırıb.
Qol.az-ın məlumatına görə, oyunla bağlı fikirlərini bildirən futbolçu oyundan sonra komandanın inzibatçısı Cavid Əhmədovla aralarında baş verən gərginliyə də aydınlıq gətirib.
- Oyunla bağlı nə deyə bilərsən? Səncə, qələbə üçün nə çatışmadı?
- Hər iki komanda qələbəyə yaxın idi. Mübarizə meyanın mərkəzində getdi. Bizim də qol imkanlarımız oldu. Elə bir oyun idi ki, kim bir qol vursa, qalib də gələcəkdi. Birinci hissədə yüz faizlik qol imkanımız oldu. Viktor qapıçı ilə üzbəüz qaldı. Əgər qol olsaydı, oyun tamam başqa cür olacaqdı. Amma alınmadı. “Neftçi” isə bizdən fərqli olaraq əlinə düşən imkandan maksimum yararlandı. Rəqibi təbrik edirik. Bundan sonra fikrimizi “İnter”lə oyuna yönəltməliyik. Çünki vəziyyətimiz elə də yaxşı deyil. Ardıcıl məğlubiyyətlər alırıq. Azarkeşlər də narazıdır. Həmin oyunda qələbə qazanıb, “qara zolaq”dan çıxmaq istəyirik.
- Hər oyundan sonra “Kəpəz”in futbolçularından bu cür açıqlamalar eşidirik: bundan sonra yaxşı olacaq, qarşıdakı oyuna ciddi hazırlaşacağıq, qələbə qazanacağıq. Amma hər dəfə görürük ki, bunlar sadəcə, sözdə qalır, meydanda görünmür...
- Düzdür, bundan əvvəlki oyunda da yaxşı oynamamışdıq. Amma “Zirə” ilə görüşdə pis təsir bağışlamamışdıq. Rəqib bizi əks-hücumlarda yaxalamışdı. “Neftçi”yə qarşı da pis oynamadıq. Hər iki tərəfdə də açıq oyun gedirdi. Sadəcə, bizim bəxtimiz gətirmədi. İlk qolu biz vursaydıq, qələbəni çətin əldən verərdik. Hətta əks-hücumlarda 2-ci qolu da vura bilərdik.Mən deməzdim, bu matçda pis oynadıq.
- Hücumda çatışmazlıq var. Son nöqtəni qoya bilmirsiniz...
- Düz vurğulayırsınız. Bu, statistikada, vurduğumuz qolların az olmasında da görünür. Həqiqətən hücum xəttində çatışmazlıqlar var. Özüm də hücumameylli oyunçuyam. İçi mən qarışıq, hamımızda çatışmazlıq var. İşləmək lazımdır. Ələ düşən imkanları dəyərləndirməliyik. Hər oyunda 10-15 imkan ələ düşə bilməz. 1-2 şans olur, gərək, onları da dəyərləndirəsən.
- Oyunun idarəçiliyi barədə nə düşünürsən? Bir epizodda Əliyar Ağayevin qərarı narazılıqla qarşılandı. Penalti gözləsəniz də, davam qərarı verdi...
- Hakimliklə bağlı nə danışa bilərəm? Epizodu meydanda tam görmədim. Təkrarına baxmaq lazımdı. Mənə elə gəldi ki, penaltidi.
- Sən gəncəlisən. Yəqin ki, komandanın bu cür çıxışı ən çox sənə təsir edir. Bununla bağlı nəsə edirsənmi? Yəni, futbolçulara başa salırsanmı ki, Gəncə üçün “Kəpəz” nə deməkdi?
- Əslində mənim nəsə deməyimə ehtiyac yoxdu. Hamı başa düşür, “Kəpəz” nə deməkdi, buranın azarkeşləri necə tələbkardı. Hamıya ağırdı. Mənə ikiqat ağırdı. Çünki bütün yaxınlarım hamısı burdadı. Adam camaat içinə çıxmağa utanır. Gəncəliyəm, bu komandanı təmsil edirəm. Ona görə mən daha yaxşı oynamalıyam. Hamıdan daha çox can qoymalıyam. Bunu da edirəm. Yəqin ki, düzələr. Özüm də məyusam.
- Bəzi gəncəli fanatlar, eyni zamanda, veteranlarla söhbət elədik. Onlar daha çox futbolçulardan narazıdılar. Deyirlər ki, futbolçular oynamaq istəmirlər, meydanda gəzişirlər. Sən bu fikirlərlə razısanmı?
- Çatışmazlıqlarımız var, bu, məlum məsələdi. Hər şey yaxşı olsaydı, sonuncu yerdə getməzdik. Problemlər var, bunun da səbəbi futbolçulardı. Çünki meydanda oynayan bizik. Ən böyük günah biz futbolçulardadı. Fiziki cəhətdən hər şey qaydasındadı. Daha çox ustalıq çatışmır. Ələ düşən imkanlardan istifadə edə bilmirik.
- Oyundan sonra paltardəyişmə otağında Cavid Əhmədovla aranızda narazılıq olub. Orda nə baş vermişdi?
- Böyüdüləsi məsələ deyil. Sadəcə, məğlubiyyətdən doğan bir hadisə idi. Hamımız gərginik. İstəməzdik, stadionun təmirindən sonra çıxdığımız ilk oyunda azarkeşlər qarşısında uduzaq. Hamı qələbə qazanmaq istəyirdi. Məğlubiyyətə görə gərginlik var idi.
- Bildiyimizə görə, Cavid müəllim sənin çıxışına irad tutub. Sən də sərt şəkildə ona narazılığını bildirmisən...
- Yenə deyirəm, böyütmək lazım deyil. Xırda gərginlik idi. Oldu, keçdi. Mən tərəfdən nəsə səhv varsa, üzr istəyirəm.
Elnur SALAHOV
Renat Dadaşov "Başakşehir"ə qol vurdu
"Milan" "Yuventus"la heç-heçə etdi
İstanbul derbisində "Fənərbaxça" qələbə qazandı
"Avrokuboklara getməmək dünyanın sonu deyil" - Şahin Diniyev
"Sabah" "Səbail"i belə məğlub etdi - Video
"Mançester Yunayted"dən heç-heçə
"Sabah" "Səbail"ə qalib gəldi
Elcan Hacıyev Avropa çempionu oldu - Yenilənib
Krivostyukun komandasından qələbə
"Liverpul"dan xal itkisi
"Sabah" - "Səbail": Heyətlər
Keyn mükafat alacaq
Virtz "Bayer"də qalır
"Barselona"nın Lamin Yamal qərarı
Klopp: "Liverpul"un çempion olacağına inanmıram"
Arda "Real"da qalır, ya gedir? - Ançelotti açıqladı
Useyn Bolt Kilian Mbappe ilə yarışmaq istəyir
Konte "Napoli"yə "hə" dedi
PFL hakim təyinatlarını açıqladı
"Lester" Premyer Liqaya qayıdır
Canni İnfantino "Qarabağ"ı təbrik etdi
Arda Gülerin "Real"a qələbə qazandıran qolu - Video
"Traktor" 1/4 finalda
"Real"dan qələbə
Şahruddin "Qalatasaray"a qarşı belə oynadı - Video
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi