16.11.18
“Düzü, mənim üçün bu təyinat çox gözlənilməz oldu. Əvvəl klubda mətbuat xidmətinin rəhbəri illərlə bir yerdə çalışdığım iş yoldaşım Firuz Abdulla idi. O, Müşahidə Şurasına yeni üzv seçiləndən sonra klubdan mənə təklif gəldi, mən də qəbul etdim”.
Bu sözləri Qol.az saytının müxbiri ilə söhbətində Premyer Liqanın debütantı olan “Səbail” klubunun mətbuat xidmətinin rəhbəri təyin olunan Törə Əhmədova bildirib.
AFFA-nın İnformasiya və İctimaiyyətlə Əlaqələr Departamentinin baş mütəxəssisi T.Əhmədova bu təyinatla Azərbaycan futbol tarixində klubda mətbuat xidmətinin rəhbəri kimi çalışacaq ilk xanım olub.
O, klubla yanaşı AFFA-da vəzifəsində də çalışacağını söyləyib: “Səbail”də müqavilə əsasında işləyəcəyəm”.
“Klubdakı işinizdə çətinliklərə hazırsınızmı” sualına T.Əhmədova belə cavab verib: “Futbol mühiti mənə yad deyil. Uzun illərdi AFFA-da Mətbuat Xidmətində çalışdığım üçün həmişə medianın diqqətində olmuşam. Amma klub işi fərqliliyi ilə seçilir. Mən çətinlikdən heç vaxt çəkinməmişəm. Çətin və məsuliyyətli işlərdə işləməyi sevirəm. Fikirləşırəm ki, çətin olmayacaq... Kluba gəlincə, yeni yaranıb. Bütün klublar kimi “Səbail”in də azarkeş dəstəyinə ehtiyacı var. Əminəm ki, azarkeşlərimiz bizi dəstəksiz qoymayacaqlar”.
T.Əhmədova klubun rəsmi saytının ümumilikdə hazır olduğunu deyib: “Lakin sayt hələ offline rejimdədir. Çalışacağıq ki, Premyer Liqada I tura saytı tam istifadə verək. Müəyyən texniki işlər qalıb”.
Mbappe zədəsini sağaltdı
Belhanda klubunu dəyişdi
"Bavariya"da ciddi itki
Tunis millisi yeni baş məşqçisini açıqladı
“Mançester Yunayted” qışı transfersiz başa vuracaq?
Afrika Kubokunda gərgin anlar: Salah hər kəsi qəzəbləndirdi
"Liverpul" onun üçün sərvət ödəməyə hazırdır
Superliqa klubu 2 futbolçusunu göndərdi
FİFA Azərbaycan futbolunu bütün dünyaya yayımlayacaq
"Qarabağ"ın rəqibi təcili oyunçu axtarır
DÇ-2026-nı hər kəs izləyə bilməyəcək - ABŞ-dan şok qərar
