16.11.18
Hazırda Türkiyəni təmsil edən əslən azərbaycanlı atlet Ramil Quliyev Böyük Britaniyanın paytaxtı Londonda start götürən dünya çempionatı ərəfəsində "Hürriyet" qəzetinin suallarını cavablandırıb.
- Türkiyədəki həyat tərzinə tez uyğunlaşa bildinmi?
- Mən azərbaycanlı olduğumdan, özümü əcnəbi kimi hiss etməmişəm. Dilimiz eyni, doğulub boya-başa çatdığım Bakı da İstanbul kimi böyük şəhərdir. Buraya çox asanlıqla alışdım.
- Vətəndaşlığını dəyişən idmançılarla bağlı hansı fikirdəsən?
- Türkiyədə atletikaya böyük dəstək var. Məncə, əcnəbi idmançı Türkiyə adından yarışacaqsa, türkcə öyrənməli, burada yaşamalı, bu mədəniyyəti əxz etməlidir. Əcnəbi gəlib sadəcə, yarışıb gedirsə, o, bir az reklama işləyir və qərib sayılır. Lakin istənilən halda, bu da ölkə üçün yaxşı haldır.
- Londonda start götürən dünya çempionatında hədəfin nədir?
- Burada yalnız 200 metr məsafəyə qaçacağam. Ölkəmə medalla qayıtmaq üçün hər şey edəcəyəm.
- Atletikadan əlavə, maraqlandığın idman növü var?
- Hazırda vaxt heç olmur. Çünki həddən artıq məşq edirəm. Məşqçimlə oturub yarışlarımı təkrar-təkrar izləyir, məşqlərin analizini aparırıq. Ötən ay 100 metr məsafəni 9.97 saniyəyə qaçdım. Bununla 9.95 arasında cəmi 0,02 saniyə fərq var. Amma o 0,02 saniyəni 2 aylıq məşqlə endirmək olar. Tutaq ki, ayağını 2 dərəcə sola atsan, o belə çox böyük fərqə yol açır. Addımı fərqli atmaq üçün 2 ay çalışırsan. Məsafəni 10,42 saniyəyə qaçsan, çox böyük fərq olmayacaq. Amma 9.97 və 9.95-lə bəlkə də dünya çempionluğu və 8-ci yer qədər fərq yarana bilər.
- Dopinqə münasibətin necədir?
- İdmanda dopinq hər zaman olacaq. Bəziləri "Bu həbdən yararlansam, 0,1 saniyə fərq ata bilərəm" deyir, risk edirlər. Mən belə şey etmərəm. Bir həyatım var, etsəm, onu itirərəm. İdmanda dopinq, rüşvət kimi çox fərqli şeylər olur. İdmana siyasət qarışır. Dopinq problemli məsələdir.
- Useyn Boltla tanışlığınız var?
- Boltla ilk dəfə 2008-ci il Pekin Yay Olimpiya Oyunlarında qarşılaşmışdım. O vaxtlar çox da böyük idmançı deyildi. Yarışlarda məni görən kimi salam verir. Çox təvazökar insandır. Rok ulduzu kimidir. Bəzi idmançılar var ki, kiçik bir nəticə göstərən kimi dərhal dəyişirlər. Sən isə onun yanında özünü pis hiss edirsən. Amma Bolt elələrindən deyil. Əksinə çox yaxşı insandır. Düzdür, Bolt "Londondakı dünya çempionatından sonra karyeramı bitirəcəyəm" deyib. Amma məncə, dönəcək.
- "Fənərbaxça" klubunun yaratdığı şəraitdən məmnunsunuz?
- Mənə çox böyük dəstək verirlər. İlk növbədə klub prezidenti Əziz Yıldırımı qeyd edərdim. Bu klub olmasaydı, bəlkə də Türkiyəyə gəlməyəcəkdim. Karyeramın, əldə etdiyim nəticələrin səbəbi klubumdur. "Fənərbağça" olmasaydı, bəlkə də atletika ilə çoxdan vidalaşmışdım.
“Marsel”dən darmadağın
Qadın güləşçilərimizdən 2 medal
Ezri Konza rəsmən "Arsenal"da
Azərbaycan millisi Avropa çempionatına qələbə ilə başladı
Avropa çempionatı: Azərbaycan boksçusu gümüş medal qazandı
Azərbaycan millisi Andorra ilə qarşılaşacaq
"Barselona" De Yonqa qiymət qoydu
FİFA-dan Argentina millisinə və Paredesə sərt cəza
"Qarabağ" və "Sabah"dan qələbə
"Tottenhem"in sabiq futboolçusu vəfat etdi
Misli Premyer Liqasında 2-ci turun hakimləri açıqlandı
Amit Quluzadə yenidən bu klubun baş məşqçisi oldu
Van-Bissaka "Vest Hem"ə keçdi
"Sabah" - "Hapoel" matçına nə qədər bilet satılıb?
"Yuventus" Artur Melo ilə müqaviləyə xitam verdi
Azərbaycan bu mövsüm Avropada qələbə sayına görə liderdir
99 milyona "Mançester Siti"dən "Tottenhem"ə keçir
Milli komandada yeni baş məşqçi
Azərbaycan boksçusu Avropa çempionatının finalında
Azərbaycan klublarından UEFA reytinqində rekord
Belarus millisi ev oyunlarını niyə Azərbaycanda keçirmədi?
Kadidən Konfrans Liqası rekordu
"Zirə"nin futbolçusu Kamboca klubuna keçdi - Rəsmi
Qurban Qurbanov bunu edə bilərdi və etdi də! - Bizim şərh…
"Qarabağ" "Tvente"yə belə qalib gəldi - Video
"Malmö" Salifu Sumanı icarəyə göndərdi
Azərbaycan cüdoçusu dünya çempionu oldu
Rusiyanın ən bahalı ikinci futbolçusu
Konfrans Liqası: Pley-offun ilk oyunlarına yekun vuruldu
“Qarabağ”a məğlubiyyətin səbəbini izah edə bilmədi
Avropa Liqası: Gecənin nəticələri
Mahir Emreli Konfrans Liqasında yenə qol vurdu - Yenilənib
Qurban Qurbanovdan qələbə şərhi
Azərbaycan klublarının yay transferləri - Yenilənir
"Qarabağ" Niderlanddan qələbə ilə qayıdır
Avropa Liqası: "Beşiktaş"dan qələbə, "Trabzonspor" büdrədi
"Ayaks" azarkeşlərindən etiraz
Şeydayev oynadı, komandası qalib gəldi
"Məni ən çox nankorluq narahat edir"
“Kayrat”dan ağır məğlubiyyət
