Emin Quliyev “Xəzər-Lənkəran”dan kənarlaşdırıldı

Emin Quliyev “Xəzər-Lənkəran”dan kənarlaşdırıldı
PREMYER LİQA 29 Mart 2009 / 14:30 7336
-  A +

“Xəzər Lənkəran” klubunun rəhbərliyi və məşqçilər korpusunun toplantısında komandaının kapitanı Emin Quliyevin transferə çıxarılması qərarı verilib. Qol.Az-ın klubun rəsmi internet saytına istinadən verdiyi məlumata görə, 2005-ci ildən “ağ-yaşıllı” formanı daşıyan təcrübəli müdafiəçi “Xəzər Lənkəran”ın bir sıra uğurlarında pay sahibi olsa da, son zamanlar onun oyun səviyyəsində aşkar geriləmə hiss olunurdu. Toplantıda futbolçunun komanda üçün əvvəlki illər olduğu qədər xeyirli olmadığı fikrinə gəlinib və hesab olunub ki, Emin kimi təcrübəli oyunçunu ehtiyatda oturtmaq doğru deyil. Aprelin 12-də 32 yaşı tamam olacaq Quliyev “Xəzər Lənkəran”a “Neftçi”dən transfer olunmuş və “ağ-yaşıllı” formada ölkə çempionu titulunu qazanmış, iki dəfə ölkə kubokunun sahibi olmuşdur. 2008-ci ilin qışında Sankt-Peterburqda düzənlənən “Birlik Kuboku”nda komandamızın zəfər qazanmasında da Emin payı olmuşdur.
Futbolçunun klub qarşısında xidmətlərini nəzərə alan rəhbərlik onun transferə çıxarılması qərarını transfer pəncərəsinin açılmasını gözləmədən açıqlayıb ki, Eminin özünə yeni klub tapmaq üçün vaxt qıtlığı olmasın.

 

Daha çox


Son xəbərlər
26.05.20  11:53

Alleqri qayıdır