Əsgər Abdullayevdən futbolçularına ciddi xəbərdarlıq

Əsgər Abdullayevdən futbolçularına ciddi xəbərdarlıq
PREMYER LİQA 17 Fevral 2009 / 21:28 3450
-  A +

“Bəzi futbolçular “İnter”lə oyunda verilmiş tapşırıqları yerinə yetirmədilər. Buna görə də biz rəqiblə mübarizədə vacib olan üç xalı itirdik”. Bunu Qol.Az saytına açıqlamasında “Olimpik” komandasının baş məşqçisi Əsgər Abdullayev deyib. Onun sözlərinə görə, oyun bərabər səviyyədə keçib, amma qələbəni rəqib qazanıb. Ə.Abdullayevin komandanın uduzmasında bütün kollektivin günahı olduğunu deyib: “Komandanın iclasında oyunun lent yazısına bir daha baxacağıq. Səhvi olan futbolçular cəzalanacaq. Yəni ya ehtiyatda oturacaq, ya da əvəzedici komandaya göndəriləcək. Bundan böyük cəzanı vermək olmaz. Bir futbolçu ki, öz mövqeyini itirir, deməli, onun səviyyəsi çox aşağıdır”.
Ə.Abdullayev komandasının növbəti turda “Qarabağ”la oyunu barədə də danışaraq, qələbə üçün son ana kimi mübarizə aparacaqlarını deyib: “Hər oyuna necə, “Qarabağ”la matça da belə, ciddi hazırlaşırıq. Bizim üçün güclü, zəif rəqib anlayışı yoxdur”.

 

Daha çox


Son xəbərlər
14.10.19  20:47

PSJ-də Neymar şoku

14.10.19  14:01

Fiasko...