“Taktikamızda dəyişiklik var” – “Qəbələ”nin futbolçusu

“Taktikamızda dəyişiklik var” – <b style="color:red">“Qəbələ”nin futbolçusu</b>
ÖLKƏ FUTBOLU 22 Sentyabr 2019 / 11:40 2094
-  A +

“Meydanda sadəcə baş məşqçinin verdiyi tapşırıqları yerinə yetiririk. Komandamızda istək, əzmkarlıq var. Daha da artırmaq istəyirik ki, növbəti oyunlarda da qələbə qazana bilək. Təəssüf ki, “Səbail”lə oyunda 3 xalı əldən verdik”.

Qol.az xəbər verir ki, bu sözləri Premyer Liqanın V turunun "Səbail"lə səfər oyunundan (1:1) sonra "Qəbələ"nin futbolçusu Rövlan Muradov deyib. Komandasının yeganə qolunun müəllifi olan R.Muradov bildirib ki, qələbəni əldən vermələrinə son məqamda bir az diqqətsizlik etmələri səbəb olb: “Buna görə qapımızda top gördük və 1 xalla kifayətlənməli olduq”.

O deyib ki, hazırda baş məşqçi vəzifəsini icra edən Elmar Baxşıyev onlardan yalnız ötürmələrlə oynamağı istəyir: “Ən sevdiyi oyun üslubu budur ki, çox ötürmə verib, qollar vuraq”.

R.Muradov deyib ki, əvvəlki baş məşqçi Sənan Qurbanovla Elmar Baxşıyevin taktikasında müəyyən dəyişikliklər var. O inandığını bildirib ki, “Qəbələ” bundan sonra yaxşı nəticələr göstərəcək.

 

Daha çox


Son xəbərlər
15.10.19  11:02

Ronaldodan 700-cü qol

14.10.19  20:47

PSJ-də Neymar şoku