"İlk "beşliy"ə düşəcəyik, hətta..." - Rasim Ramaldanov

"İlk "beşliy"ə düşəcəyik, hətta..." - Rasim Ramaldanov
PREMYER LİQA 22 Sentyabr 2019 / 00:01 5910
-  A +

"Qələbə qazana bilərdik. Hesabda öndə idik. Fikrimcə, son yarım saatda konsentrasiyamız itdi, komandada boşalma oldu. Nəticədə qapımızda top gördük.Çətin oyun olacağını gözləyirdik. Külək də hər iki komandaya çətinlik yaratdı. Amma yenə də uşaqlar sona qədər vuruşdular, öz oyunlarını göstərdilər. İndi evə 1 xalla dönürük".

Qol.az-ın məlumatına görə, bu sözləri "Qəbələ"nin futbolçusu Rasim Ramaldanov Azərbaycan Premyer Liqasının 5-ci turunda "Səbail"lə oyundan (1:1) sonra deyib

O bildirib ki, bu heyətlə daha yaxşısını bacara bilərlər: "Hər şey öz əlimizdədir. İlk "beşliy"ə düşəcəyik. Məncə, hətta ondan da yuxarı yer tutacağıq".

R.Ramaldanov son 2 görüşdə 4 xal toplamağı baş məşqçi dəyişikliyi ilə əlaqələndirməyib: "Son iki matçdakı uğurlu çıxışın səbəbi odur ki, komandada özünəinam artıb. Bu da öz oyunumuzu sərgiləməyə imkan verir. Bunu Sənan Qurbanovun istefası ilə əlaqələndirməzdim. Onun rəhbərliyi altında da "Sumqayıt"a qarşı eyni oyunu göstərmişdik. Amma qapımızda 2 qol görmüşdük. Düzdür, sonrakı iki matçda istədiyimiz alınmadı. Ancaq ardından futbolçularda inam yarandı".

Daha çox


Son xəbərlər
28.03.24  10:55

Qrizmann qayıtdı