23.05.20
“Qəbələ”nin hücumçusu Rauf Əliyev Qol.az-a müsahibə verib. Komandasının mövsümün ilk yarısındakı çıxışını dəyərləndirən futbolçu ehtiyatda qalmasından da danışıb.
- Mövsümün birinci hissəsinin son turunda səfərdə “Səbail”lə qolsuz heç-heçə etdiniz. Qələbə qazanmağınıza nə mane oldu?
- Həmin oyunda yaxşı çıxış etdik. Qol epizodlarımız da oldu. Sadəcə, istifadə edə bilmədik. Qələbə qazanmağa çox yaxın idik. Çox çalışsaq da, alınmadı.
- Demək olar ki, 2 xalı “Qəbələ” itirdi?
- Yox, hər iki komanda xal itirdi. Çünki “Səbail”in də qol imkanları oldu. Amma fikrimcə, biz daha çox təhlükəli epizodlar yaratdıq.
- Müəyyən fasilədən sonra oyuna start heyətdə başladın və 85-ci dəqiqədə qırmızı vərəqə alaraq, meydanı tərk etdin. Öz çıxışından razı qaldın? Necə düşünürsən, ehtiyatda qalmağın oyununa təsir göstərir?
- Xeyr, elə ciddi problemim yoxdur. Bu dəfə şans yarandı, oynadım. Ümumi götürəndə az yaşım yoxdu ki, bir müddət oynamayıb sonra meydana çıxanda problem yaransın. Məncə, normal oynadım.
- Özün qeyd etdin ki, şans yarandı, oynadın. Səncə, həmin şansdan nə dərəcədə istifadə edə bildin?
- Nə deyim, çempionatda oyunlar çoxdur. Şans hamıda – məndə də, digər oynamayanlarda da olacaq. Əsas odur ki, bundan istifadə edib, komandaya xeyir verəsən.
- Ümumiyyətlə, ehtiyatda qalmağın nə ilə bağlıdır?
- Elə bir problem yoxdur. Baş məşqçinin qərarıdır. Hörmətlə yanaşıram. Futbolçu həyatı belədir, bir gün oynayırsan, bir gün oynamırsan. Normal bir şeydir. Özümə inanıram, yenə oynayacağam. Şükürlər olsun ki, heç bir zədəm yoxdur. Yenə şans veriləcək, meydana çıxacağam.
- “Qəbələ” ilə müqavilən gələn ilin yayına qədərdir. Az oynamağın mövsümün sonunda gələcəyinlə bağlı verəcəyin qərara təsir edə bilər?
- Mövsümün əvvəlində oynayırdım. Sonra qırmızı vərəqə aldım. Sadəcə, 3-4 oyunda meydanda olmamışdım, əvəzetmədən olsa, oyuna girmişəm. Bunda heç bir problem görmürəm. İnanıram ki, oynayacağam. Hər şey normaldır.
- Hücumçunun işi qol vurmaqdır. Sən isə 14 turda cəmi 1 dəfə fərqlənmisən...
- Oynamayandan sonra necə qol vurum? Kənarda oturub, qol vurmayacağam ki... Meydanda olmalıyam ki, fərqlənim. Oynadıqca, qollar da olacaq.
- “Qəbələ” mövsümün birinci hissəsini 17 xalla 5-ci pillədə başa vurdu. Bura qədərki çıxışınızı necə qiymətləndirirsən?
- Problemimiz ondadır ki, qeyri-sabit çıxış etdik. Çempionatın əvvəlində öz səhvlərimizdən vacib xallar itirdik. Düzdür, sonradan toparlana bildik. Amma son 2 turda 4 xal itirdik. Komandada getdikcə özünəinam artır və öz oyunumuzu tapmağa başlayırıq. Düşünürəm ki, mövsümün ikinci yarısında daha yaxşı çıxış edəcəyik. 5-ci yerdə olsaq da, yuxarı pillələrdə qərarlaşan komandalarla elə ciddi xal fərqimiz yoxdur. 8 komandalı çempionatdır, 2 oyun ardıcıl qələbə qazanan kimi üst sıralara qalxırsan. Fikrimcə, komandamız bunu bacaracaq.
- Çempionatda fasilə yaransa da, qarşıda “Sabah”la kubokun 1/4 final mərhələsinin oyunları var. Həmin qarşılaşmalar haqda nə düşünürsən?
- Kubok matçları fərqlidir. İki oyundan ibarət olur. İlk görüş bizim meydanımızda keçiriləcək. Yaxşı nəticə qazanmalıyıq ki, cavab matçında çətinlik çəkməyək. “Sabah” dübütant olmasına baxmayaraq, yaxşı çıxış edir. Bizi çətin oyun gözləyir. Ciddi hazırlaşırıq. Hər iki görüşdən yaxşı nəticə ilə ayrılmaq istəyirik.
- Son olaraq, milli komanda ilə bağlı soruşmaq istəyirəm. AFFA Qurban Qurbanovla əməkdaşlığa son qoydu. Bu qərara münasibətini bilmək maraqlı olardı...
- Milli barədə ümumiyyətlə, danışmaq istəmirəm.
Elnur SALAHOV
_22.01.19.jpg)
A Seriyasının bərpa tarixi yenidən dəyişdirildi
Superliqa klubunun 5 futbolçusunda koronavirus aşkarlandı
"Atletiko"nun daha bir hücumçusu sıradan çıxdı
Türkiyə klublarından Azərbaycana təbrik
Baş məşqçinin atası koronavirusdan öldü
İngiltərə klubunun iki futbolçusu koronavirusa yoluxdu
Avropanın bu ölkəsində oyunlar azarkeşlərlə keçiriləcək
Ramildən Ayaza dəstək
Tanınmış rus futbolçu karyerasını bitirdi
"Lokomotiv"in 4 futbolçusu koronavirusa yoluxdu
"Barselona" istəyir, "İnter" satmır - Açıqlama
"Neftçi” və “Qarabağ”:100-dən çox böyükhesablı qələbə
Azarkeşlər istədi, yeni müqavilə imzalandı
La Liqa oyunları hansı günlər keçiriləcək?
Bundesliqanın ən sürətli oyunçuları - "TOP-10"
Poqbadan 3 illik müqavilə
"Mançester Yunayted" kredit götürdü
"Şalke"nin məğlubiyyəti - Video
"Qarabağ"ın adı ilə süni manipulyasiya edilir"
Balotelli klubundan göndərilir
Beyl "Real"da qala bilər
"Leyptsiq"in oyununda 4 qol - Video
Millimizin üzvü klubundan ayrıldı - Rəsmi
Holand "Bavariya" ilə oyunda zədələnib
"Leyptsiq"dən xal itkisi, "Şalke" uduzdu
"Tottenhem"in yeni hədəfi
İbrahimoviç İsveçə qayıtdı
"Bavariya"dan "Mançester Yunayted"ə keçir
27-ci turun ən gözəl 5 qolu - Video
Mourinyo məşqə velosipedlə getdi
PSJ müdafiəçi transfer edir
Kubokda yarımfinalın vaxtı müəyyənləşdi
Bundesliqa klubunda ciddi itki
Millimizin Polşa və Çexiya ilə oyunlarının vaxtı açıqlandı
İngiltərə klublarına kollektiv məşqlərə icazə verildi
Qvardiolanın rekordunu təkrarladı
Afrika Millətlər Kuboku da təxirə salınır
İdman naziri canlı efirə alt paltarında qoşuldu - Video
Futbolçuları zorlayan federasiya prezidenti cəzalandı
"Rubin"in daha bir futbolçusunda koronavirus aşkarlandı
Ronaldo imicini yenə dəyişdi – Şəkil
24 yaşlı ingilis futbolçu qəflətən öldü
"Bavariya"ya çatmaq çox çətindir" - Lüsyen Favr
A seriyasının bərpa tarixi elan edildi
