17.07.19
"Sumqayıt"ın yarımmüdafiəçisi Əfran İsmayılov Qol.az-a müsahibə verib. Ölkə kubokunda finala vəsiqə qazanmaları ilə bağlı təəssüratlarını bölüşən futbolçu maraqlı fikirlər səsləndirib.
- Dünən çətinliklə də olsa, finala vəsiqə qazana bildiniz. Əvvəlcə 3:3 hesabı ilə başa çatan oyun haqda fikirlərini bilmək maraqlı olardı.
- Doğrudan da möhtəşəm hisslərdir. Açığı, bu günə qədər çox final oynamışam. Amma "Sumqayıt"a belə bir vəziyyətdə finala çıxmaq çox lazım idi. Qürurverici haldır. Top-klublara baxanda, həqiqətən heyət baxımından geri qalırıq. Amma əsas odur ki, hər zaman komanda şəklində, dost-qardaş kimi bir yerdə olduq. Burada da ən böyük əmək Ayxan müəllimə məxsusdur. Komandanı dağılmağa qoymadı.
- Son dəqiqələrdə hesab bərabərləşdikdən sonra elə bir hiss oldumu ki, "Zirə" 4-cü qolu vurub, qələbə qazanacaq?
- Əlbəttə ki, belə bir hiss keçdi. "Zirə" ikinci hissəyə bütün hücumçuları ilə çıxmışdı. Amma biz də əlimizi yanımıza salmamışdıq. Buna baxmayaraq, yorğunluq var idi. Zədələr, psixoloji durum belə düşünməyə əsas verirdi. Əsas odur ki, sonda sevinən tərəf biz olduq, finaldayıq.
- Oyundan əvvəl çox adam "Sumqayıt"ın finala çıxacağına inanmırdı...
- Bəli, çempionatda vəziyyətimiz ürəkaçan deyil. Buna əsasən hamı düşünürdü ki, "Sumqayıt" "Zirə"ni keçə bilməyəcək. Amma yenə deyirəm, əzmkarlıq və istək hər şeyi üstələdi. Artıq finaldayıq. İnanıram ki, bu cür davam edib, kuboku da götürəcəyik.
- Çempionatdakı vəziyyətiniz, "Zirə" ilə yarımfinalın ilk oyununda evdə qolsuz heç-heçə komandaya mənfi təsir etməyə bilməzdi. Maraqlıdır, Ayxan Abbasov futbolçuları cavab görüşünə necə motivasiya etdi?
- Bu qədər məğlubiyyətə baxmayaraq, o, komandanı psixoloji olaraq dağılmağa qoymadı. Hamını bir yerə yığıb deyirdi ki, biz qardaşıq, heç vaxt sınmamalıyıq. Tez-tez kubokda mübarizəni davam etdirdiyimizi xatırladırdı. Çempionatda axırıncı yer barədə fikirləşməməyimizi, mümkün qədər yuxarı qalxmalı olduğumuzu söyləyirdi. Doğrudan da biz heç bir komandadan zəif oynamırıq. Uduzduğumuz matçlarda belə, sonadək mübarizə aparmışıq. Gec-tez bunu nəticəsi olmalı idi. Dünən finala çıxdıq. Sevindirici haldır ki, Sumqayıt camaatı bu hissi yaşayacaq.
- Yəqin ki, finaldakı rəqibinizin "Qəbələ" olmasına sevindiniz. Çünki həlledici oyunda "Qarabağ"la qarşılaşmayacaqsınız.
- Yox, belə bir şey yoxdur. Final bir oyundan ibarətdir. Belə matçlarda favorit olmur. Hər bir komanda qalib gələ, uduza bilər. Bizim üçün rəqibin kimliyi yox, özümüzün finala çıxmağımız idi. Yalnız bunu düşünürdük. Tarix yazdıq, "Sumqayıt" belə şey yaşamamışdı. Yenə deyirəm, burada Ayxan müəllimin əməyi daha böyükdür.
- İlk hissənin ortalarında zədələnərək, meydanı tərk etdin. Hazırda özünü necə hiss edirsən?
- Ayağım topuq nahiyyəsindən burxuldu. Bir az keyimə var idi. Həkimlər baxandan sonra dedilər ki, oynamasan, daha yaxşıdır. Hər şeydə bir xeyir var. Elə oldu ki, birinci hissə 3:0 qurtardı. Dünən elə şeylər oldu ki... Məsələn, Peyman məşqdə zədələnmişdi, oynamamalı idi. Amma son anda bildik ki, meydana çıxacaq. Oynadı, qəhrəman oldu. Önəmli olan o deyil. Biz komandada heç bir futbolçunu fərqləndirmirik. Hamımız bir-birimizə "qardaş" deyib, bu yerlərə gəlib çıxdıq.
- Zədə növbəti oyunlarda meydana çıxmağına mane ola bilər?
- Bilmirəm. Hələ ağrılar var, ayağımı yerə basa bilmirəm. Bu gün istirahətdir. Sabah müayinədən sonra hər şey bilinəcək. Çalışacam ki, ən azından çempionatın son turunda oynayım və kubok matçına tam hazır olum.
- Final oyunu Naxçıvanda olacaq. Bununla bağlı müəyyən narazılıqlar var. Sən nə düşünürsən?
- Problem deyil. Naxçıvan yox, lap Dubayda keçirilsin. Bizim üçün fərqi yoxdur. Final bir matçdan ibarətdir. Tam ciddi şəkildə hazırlaşıb, növbəti dəfə tarix yazmaq istəyirik.
Elnur SALAHOV
_22.01.19.jpg)
Rüfətin mövsümü başladı
"Sabah"da ukraynalı oyunçu
PSJ-dən Mbappeyə yeni müqavilə - gedəcəyindən çəkinir
MFL-ə pulsuz qatılan 5 komandadan biri ol - Video
UEFA-dan "Fənərbaxça"ya sanksiya
Paşayevin növbəti oyunu
"Yuventus" 9 nömrəni kimə saxlayıb?
Transferdən ən çox qazanan 10 Avropa klubu - 527 milyon…
"Atletiko" La Liqaya şikayət etdi - Qrizmanna görə
De Liqt 4 nömrəni seçdi
"Çelsi"nin Lempardla ilk məğlubiyyəti
Valdes "Barselona"da məşqçi oldu
“Zirə” - “Keşlə” oyununda 4 qol - Video
“Qəbələ”dən 7-ci transfer - xorvatdır
"Neftçi" və “Qəbələ”nin hər iki oyununun vaxtı təsdiqləndi
Rus mediasından Ramilə xəbərdarlıq – “Vaxtı azdır...”
Onlara rüşvət təklif olunub
Argentinalı hücumçunun adı “Qarabağ”la çəkilir
"Qalatasaray"dan maraqlı transfer təqdimatı - Video
Obi Mikel millidən getdi
“Dundalk” Bakıya 150 minə gələcək
“Qarabağ”dan nümunə götürməliyik” - “Dundalk”ın rəhbəri
"Atletiko"nun qara forması - Şəkil
"Arsenal" 20 yaşlı müdafiəçi aldı
“Arsenal”la oyuna kimi “Neftçi” yeni transferlər edə bilər
“Neftçi” futbol tariximizə düşdü
"Roma"dan yeni transfer
"Qəbələ"nin "Dinamo" ilə oyununun saatı açıqlandı
"Hər şey gözlədiyimdən də yaxşı keçdi" - Samir Abasov
UEFA-nın yeni reytinqi
"Barselona" yeni transferini icarəyə göndərdi
Avropa Liqasında birinci təsnifat mərhələsinə yekun vuruldu
"Fulhem"in futbolçusu "Qalatasaray"da - rəsmi
"Əlavə motivasiyaya ehtiyacımız yoxdur" - Stiven Monroz
"Qəbələ"nin Avroliqadakı rəqibi dəqiqləşdi
"Hamı düşünürdü ki, darmadağın olacağıq" - Ağabala Ramazanov
"Səbail"in məğlubiyyəti - Video
"Bəziləri asan qələbə qazandığımızı düşünə bilər" - Bordin
"Neftçi"dən 6 cavabsız qol - Video
“Neftçi” rəqibini darmadağın edib, mərhələ adladı
Ağabaladan əla göstərici
