17.01.26
“Zirə”nin hücumçusu Leroy Mikelsin QOL.az saytına müsahibəsi
- Misli Premyer Liqasının 8-ci turunda “Sabah”a 0:3 hesabı ilə uduzdunuz. Bu cür məğlubiyyət sizin üçün gözlənilməz oldu?
- Oyun çətin keçdi. Həqiqətən də bizim üçün ağır bir matç idi. Açıq demək lazımdır ki, “Sabah”a qarşı yaxşı oynamadıq. Rəqib qələbəyə layiq idi. Buna görə də onları təbrik edirəm.
- Yaxşı oynamamağınıza səbəb nə idi?
- Bunu konkret izah etmək çətindir. İlk dəqiqələrdən yaxşı deyildik. Öz səviyyəmizi göstərə bilmədik. Bu da yekunda belə məğlubiyyətə gətirib çıxardı.
- Bu matçda da meydana sonradan çıxdınız. Start heyətinə düşməyinizə nə mane olur?
- Pik formada deyiləm. Bilirsiniz ki, çiynimdən zədə almışdım. Ola bilər bu məqam start heyətinə düşməyimə mane olur. Məşqlərdə dayanmadan üzərimdə çalışıram. İnanıram ki, növbəti turlarda ilk 11-likdə yer alacağam.
- Növbəti turda “Sumqayıt”la qarşılaşacaqsınız. Həmin matçdan gözləntiləriniz nədir?
- Yalnız qələbə barədə düşünürük. Turnir cədvəlindəki əsas rəqiblərimizlə xal fərqini azaltmalıyıq. Bu səbəbdən də “Sumqayıt”la görüş bizim üçün çox vacibdir. Rəqib zəif olmasa da, hədəfimiz yalnız 3 xaldır.
- “Sabah”dan alınan ağır məğlubiyyət komandadakı ab-havaya mənfi təsir etməyəcək?
- Komandada atmosfer, hər şey qaydasındadır. Unutmayaq ki, çempionatda uduzmayan yeganə komanda biz idik. Mövsümdə ilk dəfə məğlub olduq. Bir məğlubiyyət dünyanın sonun deyil. Növbəti matçlarda öz səviyyəmizi yenidən göstərməliyik.
"Barselona"nın baş məşqçisi futbolçularına xəbərdarlıq edib
Afrika Millətlər Kubokunun bürünc mükafatçısı bəlli oldu
FİFA prezidentinin maaşı 4 dəfə artıb
“Bavariya” 17 yaşlı futbolçu üçün hərəkətə keçdi
"Çelsi" evdə qələbə qazandı
"Tottenhem" baş məşqçisi ilə yollarını ayırır?
“Turan Tovuz” ev oyunlarını yenə Bakıda keçirəcək
“Neftçi”də yeni transfer olacaq? - Yuri Vernidub danışdı
Millinin etirazı təmin olundu - Məşq stadionu dəyişdirildi
Mbappe bu göstəricidə yalnız Ronaldodan geri qalır
"Real" "Levante"yə qalib gəldi
“Turan Tovuz”un ilk sınağı uğursuz oldu
"Çelsi"dən gənc müdafiəçi üçün 50 milyonluq təklif
Mançester derbisində möhtəşəm qələbə qazandılar
U-21 millimiz "Şamaxı"ya uduzdu
