16:53
"Avropa Oyunlarında qazandığım bu medalı ilk növbədə ailəmə, evdə məni gözləyən körpə qızıma həsr edirəm. Qızım mənim üçün darıxır, mən də onun üçün çox darıxıram".
Qol.Az-ın Trend-ə istinadən yaydığı xəbərə görə, bunu bu gün "Bakı-2015" Birinci Avropa Oyunlarında 55 kq çəki dərəcəsində mübarizə apararaq Azərbaycana bürünc medal qazandıran qadın güləşçimiz Nataliya Sinişin deyib.
Avropa Oyunlarının üçüncüsünün fikrincə, yarışda medal qazanmaq həmişə xoşdur:
"Təbii ki, həmişə qızıla can atmaq lazımdır. Lakin belə yarışlarda bürünc medal qazanmaq da pis nəticə deyil. Demək olar ki, mən qızılı əldən buraxdım. Finala çıxış görüşümdə hesabda irəlidə idim, amma səhvlərə yol verdim və bu, mənə qızıl medalı itirmək bahasına başa gəldi. Mən arxayınlaşmadım. Sadəcə, özüm də bilmirəm, necə oldu ki, belə alındı".
N.Sinişin bütün dostlarına, ona bu uğuru qazanmaqda kömək olmuş hər kəsə, məşqçisi olan həyat yoldaşına, Azərbaycan Güləş Federasiyasına təşəkkür edib.
Güləşçimiz yarış zamanı zaldakı tamaşaçıların verdiyi dəstəyə görə də onlara minnətdarlığını bildirib: "Zalın dəstəyi möhtəşəm idi. Bu, çox xoşuma gəldi. Mənə azarkeşlik etməyə gələn hər kəsə təşəkkür edirəm. Bu dəstək, səni necə qarşılamalarını, alqışlamarını görmək bizə qalib gəlməkdə çox kömək olur".
Əslən özü də ukraynalı olan Nataliya bürünc medal uğrunda həmvətəni Tetyana Kitlə görüşməsinə də münasibət bildirib: "Xalça üzərində hər bir güləş prinsipial xarakter daşıyır. Bu, rəqibin rusiyalı, isveçli, amerikalı olmasından asılı olmayaraq belədir. Çünki bu, şəxsi xarakterli yarışmadır. Hər kəs özü üçün mübarizə aparır. Bütün idmançılar medal qazanmaq istəyir. Əks halda bu qədər müddətdə məşq etmək nəyə lazımdır?"
Ukraynada olarkən T.Kitlə əvvəllər bir yerdə məşq etdiklərini deyən N.Sinişin rəqibi haqqında xoş sözlər söyləyib.
Messinin 400-cü assisti
Derbilərin tamaşaçı sayı açıqlandı
“Bavariya” mövsümdə ilk dəfə xal itirdi
"Ayntraxt"dan Götze ilə bağlı qərar
Millimiz mübarizəni dayandırdı
Azərbaycan derbilərini idarə edən hakimlər
"Rəqibə qol epizodu vermədik" - Rəşad Sadıqov
"Bilmirəm baş hakim qərarını niyə dəyişdi" - Kurban Berdiyev
Azərbaycan derbisinə doğru: Vərəqələr, penaltilər
"Araz-Naxçıvan" “Karvan-Yevlax”a belə qalib gəldi - Video
“Tottenhem” və “Mançester Yunayted” xalları bölüşdürdü
"Oyunla bağlı çox danışmaq istəmirəm" - Elmar Baxşıyev
"Hələ ki idman xoşbəxtliyi bizdən yan qaçır" - Azər Həşimov
“Zirə" - "Turan-Tovuz" : Heyətlər
Millimiz Səudiyyə Ərəbistanı ilə qarşılaşacaq
Azərbaycan derbisi üçün bütün biletlər satıldı
Ançelottidən Neymara məsləhət
"Napoli"nin gözü "Mançester Yunayted"in futbolçusunda
"Araz-Naxçıvan" - "Karvan-Yevlax": Heyətlər
Haaland: "Qvardiola dahidir"
Azərbaycan derbisinə doğru: Futbolçular
"Liverpul" onunla yeni müqavilə imzalayır
Poçettino: "Premyer Liqaya qayıdacağam"
