19.06.25
“Xəzər-Lənkəran”ın və Azərbaycan milli komandasının qapıçısı Kamran Ağayevin Qol.Az-a müsahibəsi
- Zədə səbəbindən bir müddət yaşıl meydanlardan kənarda qaldın, amma bu yaxınlarda premyer-liqanın oyununda meydana çıxdın, yenidən milli komandaya qayıtdın. Yəqin ki, bu dəvət gözlənilməz olmadı.
- Milliyə qayıtdın deyəndə ki, milli heç kimin özəl komandası deyil ki, daim onun üvzü olasan. Bu səviyyədə oynamaq üçün gərək hazır olasan. Əgər hazır olmasan, heç kim sənə dəvət göndərməz.
- Zədən artıq tam sağalıb?
- Şükür Allaha, heç bir problem yoxdur.
- Birdən-birə əsas heyətdə meydana çıxacağın real görünmür. Uzunmüddətli zədədən yenicə dönmüsən. Üstəlik Fərhad sabit olaraq çıxış edir. Yəni, Foqtsun Finlandiya ilə oyunda riskə gedəyinə inam azdır.
- Bu kimin sözləridir, bunu kim deyib?
- Heç kim deməyib. Sadəcə, biz reallığı nəzərə alıb bu cür düşünürük.
- Gəlin belə danışaq da. Komandanın baş məşqçisi var, heyəti də o qurur. Kim nə bilir ki, o, Finlandiya ilə oyuna hansı heyəti buraxacaq?
- Sadəcə, uzunmüddətli zədədən qayıtdığını nəzərə alıb bu sualı verdik.
- Nə olsun ki, zədəli olmuşam? Əgər millinin baş məşqçisi dəvət göndəribsə, deməli, formadayam. Bir də ki, vaxt olub çox əla formada olmuşam, amma heç milliyə dəvət almamışam.
- Müsahibələrinin birində Fərhadı dahi qapıçı adlandırmısan.
- Xeyr, mən “Fərhad dahi qapıçıdır” sözünü deməmişəm. Fikirlərim təhrif olunub. Sual verdilər ki, Fərhad son oyunda səhvə yol verdi, mən cavab verdim ki, dahi qapıçılar da səhv edirlər. Axı, insan beyni kompüter deyil. Bununla belə, Fərhadı Avropa səviyyəli qapıçı sayıram.
- Finlandiya ilə oyundan nə gözləyirsən?
- Mən nə qədər ki, futbol oynayıram, məğlubiyyət haqda düşünməyəcəm. Fərqi yoxdur, istər Finlandiya olsun, istər Almaniya. Mən özümü heç kimin önündə məğlub görmürəm. Çünki bunu sevmirəm.
- Finlandiya ilə oyundan üç gün sonra bizi daha çətin oyun - səfərdə Almaniya ilə matç gözləyir. Razısan ki, almanlarla oyuna hansı əhval-ruhiyyədə yollanmağımız finlərlə oyunun nəticəsindən çox asılı olacaq?
- Xeyr, bu fikri qəbul etmirəm. Peşəkar idmançı heç vaxt belə şeylərə fikir verməməlidir. Necə yəni, bu gün Finlandiyaya uduzduq, qurtardı, Almaniyaya ruh düşkünlüyü ilə getməliyik? Hər oyuna yüksək-əhval ruhiyyə ilə çıxmalısan.
- Zədədən qayıtmağına baxmayaraq, elə ilk oyundaca əsas heyətdə meydana çıxdın və 90 dəqiqə “İnter”ə qarşı “Xəzər-Lənkəran”ın qapısını qorudun. Bu, sənin üçün gözlənilməz olmadı?
- Bilirsiniz, mən o yeri qazanmaq üçün min-bir əziyyət çəkmişəm. Gecə-gündüz məşq etmişəm, hər çətinliyə qatlaşmışam və o yerə layiq olduğumu sübut etmişəm. Heç kim mənim qara qaşıma, gözümə vurulub əsas heyətdə meydana buraxmayıb.
- “Xəzər-Lənkəran”ın çempionluq uğrunda mübarizə aparacağı məlumdur. Bu yolda özünüzə əsas rəqib kimi görürsünüz?
- Bütün klublar bizim əsas rəqibimizdir. Odur ki, çempionatda oynayan komandalar arasında fərq qoymaq istəmirəm.
"Atletiko"da yeni yarımmüdafiəçi
Avropa çempionatına 3 gümüş medalla start
"Arsenal" keçidi rəsmən açıqladı
"Sabah" Fransa klubunun yetirməsini transfer etdi
Kontedən Osimhenlə bağlı sürpriz qərar
Azərbaycan millisi Belarusa yenə uduzdu
"Barselona" futbolçusunu satdı
“Şamaxı”da növbəti ayrılıq
"Ondan Azərbaycan futbolu haqda soruşdum” - Müsahibə
"Əl-Nəsr"in hücumçusu "Fənərbaxça"ya keçir
"Qarabağ"ın Avstriyadakı sonuncu rəqibi də bilindi
Ansu Fati rəsmən "Monako"da
“Mançester Yunayted” sabiq futbolçusuna vəzifə verdi
"Hayduk" 4 futbolçusu ilə yolları ayırdı
"Zirə" 4-cü transferini açıqladı
"Sabah"ın rəqibindən yeni transfer
"Qarabağ"da qolları sıralayırdı, indi aylardır ehtiyatda qalıb... - Juninyoya nə olub?
Hamidu Keyta yenidən Azərbaycan klubunda - Rəsmi
"Çelsi"dən 70 milyonluq transfer
"Kayzerslautern" Mahiri təbrik etdi
"Beşiktaş" "Roma"dan futbolçu aldı
"Qarabağ"la "Zalsburq" 11 il sonra yenidən qarşılaşacaq
"Mançester Siti" "Əl-Hilal"a belə uduzdu - Video
Remzinin yeni klubu bəlli oldu
Qvardiola "Əl-Hilal"a məğlubiyyət haqda nə dedi?
"Bavariya" iki futbolçu ilə vidalaşdı
Klublararası dünya çempionatında sensasiya
“Zirə”nin rəqibindən qələbə
“İnter” 1/8 finalda uduzdu - Dünya çempionatı
“Qəbələ” təlim-məşq toplanışına start verdi
Beş futbolçu komandanı tərk etdi - Reşford, Asensio...
Aksel Vitsellə bağlı qərar verildi - Rəsmi
"Zirə"də Utziq problemi
"Komanda gözlədiyimizdən yaxşı çıxış etdi" - Rəşad Sadıqov
"Qarabağ" "Zirə"yə böyük hesabla qalib gəldi
"Portu"da yeni baş məşqçi
