16.11.18
Peşəkar boks üzrə İBF versiyası üzrə super yüngül çəkidə 2 dəfə “İnterkontinental” və WBO versiyası üzrə Avropa çempionu Sergey Fedçenko Azərbaycana gəlib. Hazırda Qəbələdə məşq edən 32 yaşlı idmançı Lent.az-a müsahibə verib...
- Gəlişimdə məqsəd dostum, Azərbaycanın ilk peşəkar döyüşçüsü Fariz Məmmədovla birgə məşq etməkdir. Artıq oktyabrın 9-dan Qəbələdəyəm. Hazırlıq prosesi uğurla davam edir. Gündə 2 dəfə, əsasən fiziki hazırlığın yüksəldilməsi istiqamətində işləyirik. Dözümlülüyümüzü artırırıq, təmiz havanızla nəfəs alırıq. Məşqlərimiz oktyabrın 23-dək davam edəcək. Artıq hazırlıq dövrünün yarıdan çoxu arxada qalıb...
- Məmmədovla necə tanış olmusunuz?
- Bir il öncə həmyerliniz Azad Əzizovla döyüşürdüm. Fariz Məmmədov isə ona sekundant-məşqçi kimi kömək edirdi. Həmin görüşdən sonra Farizlə aramızda münasibətlər yarandı. İndi birgə məşq edir, ünsiyyətdə oluruq. O, maraqlı insandır, böyük potensiala malikdir. Burada da Fariz məni çox yaxşı qarşıladı.
- Bəs öz aranızda sınaq döyüşləri olur?
- Döyüşlər sonrakı mərhələdə olacaq. Bu, çox güman ki, Ukraynada baş tutacaq. Fariz Məmmədov da həmin hazırlıqda iştirak edəcək.
- Döyüş tərzləriniz bir-birinizin köməyinə gələ bilər?
- Fikrimcə, bəli. Düzdür, Farizə daha ucaboy sınaqçı rəqib lazımdır. Amma istənilən halda, bir-birimizə faydalı olacağıq.
- Məmmədov dekabrın ortalarında Bakıda Almaniya təmsilçisi Mattias Pelklə WBO və IBF versiyaları üzrə Avropa çempionluğu uğrunda döyüşə çıxacaq. Bəs Sizin növbəti rəqibiniz necə, müəyyənləşib?
- Mən də dekabrda döyüş keçirəcəyəm. Bu, demək olar ki, Farizin döyüşü ilə eyni vaxta təsadüf edəcək. Lakin mənim rəqibim hələ məlum deyil. Onun adına bu yaxınlarda aydınlıq gələcək.
- Ötən il aprelin 15-də meksikalı boksçu Xuan Manuel Markesə WBO versiyası üzrə birinci orta yüngül çəkidə dünya çempionu kəməri uğrunda döyüşdə uduzmusunuz. Hazırda ondan revanş almaq üçün hazırlaşdığınızı düşünmək olar?
- Məmnuniyyətlə ondan revanş almaq istərdim. Amma hər şey məndən asılı deyil. Bu, menecer və promouterlərin işidir. Markesdən sonra daha 2 görüş keçirərək, qalib gəlmişəm.
- Hər halda, Markeslə daha nüfuzlu titul uğrunda döyüşürdünüz. Ona məğlubiyyətinizi nə ilə əlaqələndirərdiniz?
- Bilirsiniz, Markes əfsanəvi boksçudur. Üstəlik, döyüş onun vətənində keçirilirdi. Belə rəqibi yalnız vaxtından əvvəl nokauta salmaqla və ya açıq-aşkar üstünlüyünü ortaya qoymaqla məğlub etmək mümkündür. Xal hesabına qalsa, çətin olar.
- Nə vaxtsa bu kəmərə sahib olmağı hədəfləmisiniz?
- Əlbəttə, bu, mənim arzumdur.
- Gələcəkdə Azərbaycan millisinə və ya klublarına dəvət alsanız, qəbul edərsiniz?
- Açığı, mən bu barədə bir söz deyə bilmərəm. Bu məsələ də Ukraynadakı menecer və promouterlərimin səlahiyyətindədir. Razılıq versələr, niyə də yox? Mənim üçün də maraqlı olardı.
Mənbə: lent.az
"Real" 2 futbolçusundan narazıdır
Afrika Kuboku tarixində yeni qol rekordu müəyyənləşdi
Baş məşqçinin oğlu ilə müqavilə 4 illik uzadıldı
Breno Almeyda Azərbaycanda oynayacaq
"Qalatasaray" rəsmisindən gözlənilməz davranış - "Ayıbdır"
"Sumqayıt" heyətini millinin futbolçusu ilə gücləndirdi
"Ayaks"ın baş məşqçisi London klubunu çalışdıracaq
Sabiq "Neftçi"li Qırğızıstan klubunda
Mbappe zədəsini sağaltdı
"Eyüpspor"dan ayrılan kimi yeni komanda tapdı
Milli uduzdu, federasiyanın prezidenti cəzalandırıldı
"Şəfa" Amil Yunanovla yollarını ayırdı
PSJ "Çelsi"nin yarımmüdafiəçisinə göz dikdi
AFFA rəsmiləri Türkiyədə səfərdə olublar
Belhanda klubunu dəyişdi
"Qarabağ" - "Ayntraxt" matçının biletləri satışa çıxır
