Aleksandr Kerjakov: "Bakıda qələbə qazanmalıyıq"

Aleksandr Kerjakov: "Bakıda qələbə qazanmalıyıq"
GÜNDƏM 11 Sentyabr 2013 / 13:16 3099
-  A +

"DÇ-2014"ün seçmə mərhələsi çərçivəsində evdə İsraili 3:1 hesabı ilə məğlub edən Rusiya millisinin hücumçusu Aleksandr Kerjakov oyunla bağlı fikirlərini açıqlayıb.

Qol.Az-ın məlumatına görə, "R-Sport"a danışan təcrübəli futbolçu gələn ay qarşılaşacaqları millimizlə oyuna da toxunub:

"İsraillə görüşdə qələbə üçün oynadıq və oyunboyu topa nəzarət etdik. Praktiki olaraq rəqibə hücum etmək imkanı vermədik. Lakin son dəqiqələrdə bir qədər rahatlaşdıq və qapımızda qol gördük. Qarşıda Lüksemburq və Azərbaycanla oyunlarımız var. Təbii ki, səfər oyunları çətin keçir. Ancaq istədiyimiz nəticəni əldə etmək üçün hər iki oyunda qələbə qazanmalıyıq. Bunun üçün əlimizdən gələni edəcəyik".

Qeyd edək ki, oktyabrın 11-də səfərdə Lüksemburqun qonağı olacaq Rusiya yığması 4 gün sonra Bakıda millimizlə qarşılaşacaq.

Daha çox


Son xəbərlər