16.11.18
Xəbər verdiyimiz kimi, bu gün AFFA-nın prezidenti Rövnəq Abdullayev Assosiasiyanın inzibati binasında Peşəkar Futbol Liqasının prezidenti Ramin Musayevi anadan olmasının 50 illik yubileyi münasibətilə təbrik edib. AFFA və PFL-in əməkdaşlarının iştirakı ilə keçirilmiş tədbirdə çıxış edən Assosiasiya prezidenti R.Musayevə xoş arzularını bildirib, şəxsi həyatında və əmək fəaliyyətində uğurlar arzulayıb.
Qol.Az-ın PFL-in saytına istinadən yaydığı xəbərə görə, R.Abdullayev çıxışında deyib: “Biz Ramin müəllimlə 2004-cü ildən “Neftçi”də birgə çalışmışıq. Ramin Musayev özunu bacarıqlı işçi, rəhbər kimi göstərib. Bu gün də Peşəkar Futbol Liqasına rəhbərlik edir. Kim nə deyirsə desin, mən PFL-n işindən, Premyer Liqanın təşkilindən və oyunların keçirilməsindən razıyam. Premyer Liqanın səviyyəsinin yüksək qalmasında PFL-in əməyi böyükdür. Qısa bir zamanda PFL-də müsbətə doğru dönüş yaranıb, çempionat oyunlarının təşkili və oyunsonrası analizi yüksək səviyyədədir”.
AFFA prezidenti bildirib ki, klublara söz verdiyikləri kimi, ədalətli bir təşkilat kimi özlərini göstərə biliblər: “Bu uğurlu işləri davam etdirəcəyik. Cənab Prezident 2015-ci ilə qədər futbolumuzun inkişaf proqramını qarşımıza vəzifə olaraq qoyub. Klub səviyyəsində göstəricilərimiz az deyil. Bir neçə il əvvəl Avropada bir mərhələ keçməyi özümüz üçün uğur hesab edirdiksə, ötən mövsüm “Neftçi” Avroliqanın qrup mərhələsinə qədər yüksələ bildi. Artıq hədəf yalnız qrup mərhələsi ilə kifayətlənməməlidir. İnanıram ki, bu il avrokuboklarda klublarımız daha böyük uğurlara imza atacaqlar. Milli çempionat artıq başa çatır. Çempionun kimliyi sona bir tur qalmış məlum oldu. Premyer Liqa maraqlı keçdi. Gələn mövsüm çempionat yeni formatda keçiriləcək və PFL qarşısında yeni məsələlər duracaq. I Divizionda da dəyişikliklər var, əsasən 21 yaşlı gəncləri bura cəlb etdik. PFL-in qarşısında duran əsas məsələlərdən biri də 2016-cı və 2020-ci il Avropa çempionatları üçün futbolçuların yetişdirilməsidir. 2020-ci il Avropa çempionatını keçirmək üçün namizədliyimizi irəli sürmüşük, buna nail olmaq üçün real şanslarımız var. Milli komandalarımızı final mərhələlərində görmək Prezidentimizin, xalqımızın arzusudur. Çempionat başa çatır, qurumun bütün əməkdaşlarına təşəkkürümü bildirirəm. Təşkilati baxımdan bir problem yoxdur. Gələn mövsüm üçün də futbolun daha baxımlı və maraqlı olması üçün çalışmalıyıq”.
PFL-in prezidenti Ramin Musayev yubileyi münasibətilə AFFA-nın diplomu ilə təltif olunub. Rövnəq Abdullayev üzərində "Ramin Musayev 50" yazılmış Azərbaycan milli komandasının futbolkasını və AFFA-nın hədiyyəsini R.Musayevə təqdim edib.
"Kopenhagen" xal itirdi
Həsrət Cəfərov finalda uduzdu - Dünya çempionatı
"Neftçi"nin mövsümdəki ilk qələbəsindən - Video
"Müdafiədə böyük səhvlər buraxdıq" - Saşa İliç
"Fənərbaxça"nın yeni prezidenti açıqlandı
Toralın het-triki, "Araz-Naxçıvan"ın "qırmızı"sı - Video
"Neftçi" "Sumqayıt"a qalib gəldi, "Qarabağ"dan darmadağın
"Komandanı azlıqda qoymaq ağır qərar idi" - Elmar Baxşıyev
"Futbolçular daha rahat oynayırdılar" - Qurban Qurbanov
Millimizin təlim-məşq toplanışı üçün heyəti bilindi
"Sumqayıt" - "Neftçi": Heyətlər
Mbappe Anrini keçdi
Formula 1 Azərbaycan Qran-Prisinin qalibi bəlli oldu
"Zirə"nin tarixində 500-cü qol
"Araz-Naxçıvan" - "Qarabağ": Heyətlər açıqlandı
Xabi Alonsodan parlaq start
Messi bombardirlər siyahısında birinci oldu
"Formula 2": Azərbaycan Qran-Prisinin qalibi bəlli oldu
Millimizin üzvü qələbədə iştirak etdi
"Milan"ın böyükhesablı qələbəsi - Video
Millimizin üzvü oynadı, komandası uduzudu
"Real" "Espanyol"u üstələdi, "Atletik"dən məğlubiyyət
"Milan" qalib gəldi, "Yuventus" heç-heçə etdi
"Bavariya" və "Leyptsiq"dən qələbə
"Sabah" "Turan Tovuz"a belə qalib gəldi - Video
"Mən ən xoşbəxt baş məşqçiyəm" - Dambrauskas
