23.08.26
Bu gün Azərbaycan milli komandasının almaniyalı baş məşqçisi Berti Foqtsun I köməkçisi təyin olunan Vaqıf Sadıqov Qol.Az-a eksklüziv müsahibə verib.
- Vaqif müəllim, öncə yeni vəzifəyə təyin olunmağınız münasibəti ilə sizi təbrik edirik.
- Çox sağ olun, minnətdaram.
- Təklif kim tərəfindən oldu? Necə oldu ki, bu posta təyin olundunuz?
- Təklif təbii ki, AFFA rəhbərliyi tərəfindən oldu. Daha doğrusu, 2 həftəyə yaxın idi danışıqlarımız gedirdi. Yalnız bu gün tam razılıq əldə olundu və Azərbaycan millisində Foqtsun köməkçisi kimi fəaliyyətim təsdiqləndi. Nə deyə bilərəm? Çox şadam və minnətdaram ki, mənə bu cür məsuliyyətli vəzifə tapşırdılar və mən də əlimdən gələni edəcəm ki, milli komandamız, ümumiyyətlə Azərbaycan futbolunun inkişafı üçün öz bilik və bacarığımı əsirgəməyim. Necə deyərlər, futbolumuzun inkişafı naminə bunu etmək mənim borcumdur.
- İlk konkret təklifi kimdən aldınız, AFFA prezidenti Rövnəq Abdullayevdən, yoxsa, baş katib Elxan Məmmədovdan?
- Təbii ki, təklif Rövnəq müəllimin adından mənə olundu və əsas danışıqlar da onun adından aparılırdı. Amma müzakirələrimizi şəxsən baş katib Elxan Məmmədovla aparırdıq.
- Neçə illik müqavilə bağladınız?
- 1 illik.
- Görəcəyiniz əsas iş nədən ibarət olacaq?
- Öncə qeyd edim ki, mən Foqtsun I köməkçisi təyin olundum. Görəcəyim işlər isə geniş sahəni əhatə edəcək. Yəni, həm bütün texniki işlərə nəzarət edəcəm, həm də, milli komandaya yeni oyunçu seçimi ilə məşğul olacam. Həm daxili çempionatı izləyəcəm, həm də ölkə xaricində oynayan həmyerlilərimizin hazırlığı haqqında baş məşqçini məlumatlandıracam. Eyni zamanda yeni namizədlərin üzə çıxması da, görəcəyim əsas işlərdən biri olacaq. Belə deyək, bütün bunlar millinin sabiq baş məşqçisi kimi heç də mənə yad deyil.
- Maraqlıdır, Foqtsun köməkçisi kimi ilk işiniz hansı olacaq?
- İlk öncə Fostqla əlaqə saxlayacam və onunla söhbətimiz olacaq. İşə gəlincə, dediyim kimi, fəaliyyət dairəm geniş olacaq. Hazırda əsas diqqətimiz Almaniya ilə avqusta keçirəcəyimiz növbəti seçmə mərhələ oyununun hazırlığına yönəlib. Yuxarıda qeyd etdiyim kimi, milli komandaya layiqli futbolçuların seçiminə başlayacam. Mən bunu həmişə demişəm ki, Azərbaycan çempionatında oynayan hər kəs, milli komandaya potensial namizəddir. Onların hamısı haqqında ətraflı məlumat toplayıb, hazırlıq durumları haqqında baş məşqçiyə məlumat verəcəm.
- Artıq belə futbolçular var?
- Yox, bu dəqiqə deməzdim ki, elə futbolçular var və Foqts gələn kimi, tez həmin futbolçuların adlarını ona deyəcəm. Təkrar edirəm, bu gün milli çempionatımızda və ondan kənarda oynayan azərbaycanlı futbolçuların hamısı milli komandaya potensial namizədlərdir.
- Dediniz ki, bu gün rəsmi müqavilə bağladınız. Foqtsun bundan xəbəri var?
- Əlbəttə ki, var. Çünki mənim bu vəzifəyə təyin olunmağım üçün ilk növbədə Foqtsun razılığı alınıb. Mənim haqqımda ona məlumat verilib və almaniyalı mütəxəssis də öz razılığını bildirib.
PSJ yenə büdrədi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
Salah “Trabzonspor”un məğlubiyyətindən danışdı
“Mançester Yunayted”in yeni transferi zədələndi
“Barselona” və "Real"ın ən çox qazananları
İnyesta bu klubun baş məşqçisi oldu
“İmişli” anqolalı futbolçu transfer etdi
Avroliqa: Püşkün nəticələri
"Trabzonspor"un rəqibləri məlum oldu
Morata aşağı liqa klubuna keçir
“Qarabağ”ın yeni transferlərə ödədiyi məbləğ - Eksklüziv
"Beşiktaş"ın Avropa Liqasındakı rəqibləri bəlli oldu
"Çelsi"nin futbolçusu La Liqa klubuna keçdi
Misli Premyer Liqasında 3-cü turun hakimləri açıqlandı
"Bir qədər vaxta ehtiyacımız var" - Bense Varkonyi
Leon Qoretzkanın transferi açıqlandı
Fatih Tekke istefa verdi, "Trabzonspor" qəbul etmədi
“Qarabağ”ın qarşısında yox, yanında olmaq zamanı…
Tahir Gözel: "Daha da böyüyəcəyimizə şübhə etmirəm" - Video
"İnter Mayami"də yeni baş məşqçi
"Qarabağ" avrokuboklarla belə vidalaşdı - Video
Liqa mərhələsinin bütün iştirakçıları - Avroliqa
KL: Murad Məmmədovun komandası mərhələ adladı
Avroliqa: “Beşiktaş” Liqa mərhələsində, "Trabzonspor" uduzdu
Mahir qol vursa da, komandası mübarizəni dayandırdı
Con van den Brom: "Bunun sayəsində qələbə qazandıq"
