"Neftçi" zirvədə yerini möhkəmlətdi, "Qarabağ" və "Bakı" qalib gəldi (YENİLƏNİB)

Bu gün Topaz Premyer Liqanın 24-cü turunun oyunları keçirilib.

Qol.Az-ın məlumatına görə, 17 günlük fasilədən sonra start götürən çempionatın bütün oyunları eyni gündə baş tutub. Turun mərkəzi oyunu “İnter”lə “Neftçi” arasında keçirilib. Turnir cədvəlində qonşu pillələrdə yerləşən bu komandaların oyunu daha çox maraq doğururdu. Rəqibinə minimal hesabla qalib gəlan "Neftçi" bir addım da yaxınlaşıb.

Digər maraqlı oyun çempionluq uğrunda mübarizə aparan “Qarabağ”la avrokuboklara ümid edən “Qəbələ” arasında keçirilib. Son vaxtlar bu komandaların oyunlarında əsasən heç-heçə qeydə alınırdı. Cəzalı duruma düşən "Qarabağ" "Qəbələ"ni boş tribunalar önündə qəbul etsə də, 1:0 hesabıilə qalib gəlib. Görüşü Fariz Yusifov idarə edib. Günün digər oyununda ilk “altılıq”da mübarizə aparan “Simurq” və “Bakı” qarşılaşıb. Oyun 1:0 hesabı ilə "Bakı"nın xeyrinə başa çatıb.

İkinci altılıqda isə "Xəzər Lənkəran"la AZAL-ın oyunu az maraq doğurmurdu. Qeyd edək ki, bu, "Xəzər Lənkəran"ın yeni baş məşqçisi Con Toşakın rəhbərliyi altında ilk oyunu olub. Matçda tərəflər hərəyə bir dəfə fərqlənib - 1:1.

30 mart (şənbə)

15:00. “Qarabağ” – “Qəbələ” - 1:0
Qol: Riçard Almeyda, 39 (1:0)
T.Bəhramov adına Respublika stadionu

15:00. “Sumqayıt” – “Kəpəz” - 1:0
Qol: Murad Doymuş, 67 (1:0)
“Bayıl Arena” stadionu

15:00. “Turan” – “Rəvan” - 2:6
Qollar: Kalonas,10 (0:1), 60, (2:2), Azər Məmmədov, 30 (1:1), Fərmayıl Əliyev, 35 (2:1), Varea, 62 (2:3), 69, (2:4), 72, (2:5), Adamoviç, 74 (2:6)
“Dalğa Arena” stadionu


17:00. “Simurq” – “Bakı” - 0:1
Qol: Pena, 73 (0:1)
Zaqatala şəhər stadionu

“Simurq”: 22. David Pietrzkeviç, 2. İlkin Qırtımov, 4. Dilaver Zrnanoviç, 6. Anderson Olivyera, 8. Qərib İbrahimov, 9. Marçin Burxardt, 10. Zdravko Popoviç, 13. Aleksandr Şemonayev (k), 21. Murad Səttarlı, 25. Mario Bojiç, 28. Nenad Kiso

“Bakı”: 82. Edin Nuredinoski, 14. Elvin Əliyev, 5. Aqil Nəbiyev, 25. Şəhriyar Əliyev, 29. Əziz Quliyev, 11. Elvin Məmmədov (k), 6. İbrahim Karqbo, 8. Junior Vilson, 77. Aleksandar Soliç, 99. Rəhman Hacıyev, 24. Marius Pena
Zaqatala şəhər stadionu

17:00. “İnter” – “Neftçi” - 0:1
Qol: Vobay, 31 (0:1)
Qırmızı vərəqə: Rəşad Sadiqov, 71 ("Neftçi")

“İnter”: 1. Giorgi Lomaya (k), 5. Slavço Georgiyevski, 6. Samir Zərgərov, 7. Ruslan Əmircanov, 11. Asif Məmmədov, 18. İlia Kandelaki, 20. Brüs Abdulaye, 24. Fuad Bayramov, 25. İbrahima Niasse, 28. Baçana Sxadadze, 91. Leandro Roşa

“Neftçi”: 30. Saşa Stamenkoviç, 3. Denis Silva Kruz, 5. İqor Mitreski, 6. Rəşad Sadiqov (k), 9. Flavinyo, 10. Julius Vobay, 11. Nikolas Kanales, 15. Erik Ramos, 19. Mirhüseyn Seyidov, 22. Mahir Şükürov, 32. Elvin Yunuszadə
“Şəfa” stadionu

18:00. “Xəzər Lənkəran” – AZAL - 1:1 
Qollar: Klava, 26 (0:1), Silva, 35 (1:1)
Lənkəran şəhər mərkəzi stadionu


Turnir cədvəli