AZAL-ın baş məşqçisi Vaqif Sadıqovun Qol.Az saytına müsahibəsi
- Premyer Liqanın 15-ci turunda səfərdə “Xəzər Lənkəran”la qarşılaşacaqsınız. Bir çox iddialı komandanın Lənkərandan əliboş qayıtdığını nəzərə alsaq, AZAL-ın da eyni aqibəti yaşayacağını gözləmək olar?
- Əslində Lənkərandan üç xalla qayıtmaq istəyirik. Bunun üçün sabah var gücümüzlə mübarizə aparacağıq. Rəqibdən və səfərdə oynamağızdan asılı olmayaraq, yalnız qələbə haqda düşünürük. Bu görüşdə qalib gəlsək psixoloji durumumuzu yüksəldə bilərik.
- Rəqibinizi istədiyiniz kimi analiz edə bilmisiniz?
- Biz ilk oyunda “Xəzər Lənkəran”a məğlub olmuşduq. Hansı keyfiyyətlərə malik olduqlarını yaxşı bilirik. Ən əsası bu gün komandam psixoloji cəhətdən bu oyuna tam hazırdır. .
- “Xəzər Lənkəran”ın ən çox hansı mövqeyi sizi narahat edir?
- Hesab edirəm ki, səviyyəli futbolçulardan təşkil edilmiş bir komandadır. Daha çox cinahlardan yaxşı hücumlar qururlar Hücumda Subaşiç, Adrian Pit və Tounkara kimi futbolçular çıxış edir. Lakin biz onlardan çəkinmirik. Əksinə “Xəzər Lənkəran”la oyunda güclü olduğumuzu sübut etməyə çalışacağıq.
- “Xəzər Lənkəran”da baş məşqçi dəyişikliyi oldu. Ona komandanı düzəltməsi üçün vaxt lazım olacaq. Bu baxımdan hazırda sizin daha üstün tərəf olduğunuzu söyləmək olar?
- Mən belə deməzdim. AZAL-ın üstünlüyü daha istəkli olmasıdır. Biz qələbəni məhz buna görə qazana bilərik. Çalışacağıq ki, maksimum xal götürək. Allah hər kəsə şans verir.
- Uzun müddət AZAL-ın kapitanı olan Aqil Nəbiyev komandadan getdiyini açıqladı. Buna münasibətiniz necə oldu?
- Mən və məşqçi heyətimiz Aqil Nəbiyevə çox güvənirdi. O elə bir futbolçudur ki, məşqçi və komandasına hər zaman dayaq olurdu. Mən planlaşdırırdım ki, Aqil ölkə kubokunun oyunlarında iştirak etsin. Yaxşı oyun sərgiləsəydi, komandanın əsas heyətində yer verəcəkdim. Lakin klub rəhbərliyi ilə söhbət edərək qərar verməsi, onun psixoloji gərginlik keçirməsiylə əlaqədardır. Yəni ehtiyatda oturmaqla barışa bilmirdi. Onun AZAL-dakı xidmətləri nəzərə alınaraq, imkan yaradıldı ki, özünü başqa bir klubda doğrulda bilsin. Mən ona gələcək fəaliyyətində uğurlar diləyirəm.
Bu çox yaxşı haldı ki, futbolçu ehtiyatda oturması ilə barışmır. Bu onu göstərir ki, Aqil əsl peşəkar futbolçu, yaxşı idmançıdır. Çünki həm komandasına kömək etmək istəyirdi, həm də öz imicini qoruyub saxlayan bir insandır. Mən Aqil Nəbiyevin bu hərəkətini alqışlayıram.
Əli HƏYATİ
"Real"dan gedəcək?
Messidən sərt tələb
“Komandanın hazırkı vəziyyəti məni qane edir” - Rui Jorje
Qrizmann ilin ən yaxşı futbolçusu seçildi
34 yaşında karyerasını bitirdi
Azərbaycan millisi İraqla qarşılaşdı
Yığmamız Farer adalarına qalib gəldi
Yüksək maaşı İngiltərəyə dönüşünə mane olur
Yalnız ÇL-də çıxış edəcək kluba keçməyə hazırlaşır
"Xankəndi"nin evdəki ilk oyununa maraq necədir?
Azərbaycanın U-21 millisi Omana qalib gəldi
Vinisius baş məşqçidən narazı qaldı
“Mançester Yunayted” onu hədəfə aldı
“Araz-Naxçıvan”ın zədəli futbolçusundan xəbər var
Qazaxıstan millisinin baş məşqçisi ilə müqavilə uzadılmadı
Braziliya Sinqapura 7 qol vurdu
Nurmaqomedovlar həbsdən azad edildilər
Azərbaycan millisi seçmə mərhələdə ilk xalını qazandı
1-ci liqada oyunların saatı açıqlandı
Orsatonun gəlişindən sonra qayda pozuntularının sayı azalıb
Azərbaycanı dünya çempionatında təmsil edəcək şahmatçılar
Dünya çempionu vəfat etdi
Bu gün QOL.az saytının 18 yaşı tamam olur
"Arsenal" onunla razılaşdı
Gəncədə "Qarabağ"la oyuna böyük maraq var