07.04.26
“Qəbələ” klubunun yarımmüdafiəçisi Rəşad Abdullayevin Qol.Az saytına müsahibəsi
- Fatih Kavlakın vaxtında “Qəbələ”ə istənilən nəticəni verə bilmədi. Bunun səbəbini nədə görürsən?
- Əvvəla hər məşqçinin özünəməxsus taktiki gedişi və psixologiyası var. Yeri gələndə, mən özüm də “Qəbələ”yə uğur qazanmaq üçün gəlmişdim. Çünki çox yaxşı formada idim. Dalbadal iki dəfə Azərbaycan çempionu olduqdan sonra “Qəbələ”yə keçdim. Təəssüf ki, ilk turlarda uğursuz çıxışlarla yadda qaldıq. İnşallah, yaxın zamanda vəziyyətin düzələcəyinə əminəm.
- Baş məşqçi dəyişikliyi olduqdan sonra, AZAL-la evdəki qarşılaşmada qələbə qazana bilmədiniz. Necə düşünürsən, problem məşqçiylə əlaqəlidir?
- Fatih Kavlak əla bir insandır. Lakin baş məşqçi olmaq tamam başqa bir şeydir. Hər il komandaya yeni futbolçular qoşulur. Onlarla ünsiyyət qurmaq, problemləriylə məşqul olmaq lazımdır. Hazırkı baş məşqçimiz Ramiz Məmmədov bu məsələdə çox fəal iştirak edir.
- Necə düşünürsən, yeni baş məşqçinin gəlişi vəziyyəti düzəldəcəkmi?
- Mütləq düzələcək. Baş məşqçinin əlində səviyyəli futbolçular kifayət qədərdir. Ramiz müəllimin ilk məşqlərindən də görsənir ki, yaxınlarda hər şey qaydasına düşəcək.
- İki gündən sonra sabiq komandan “Neftçi” Avroliqanın qrup mərhələsində İtaliya “İnter”ini qəbul edəcək. Bu qarşılaşma haqda nə deyə bilərsən?
- Hər bir futbolçu istəyər ki, “İnter” kimi komandaya qarşı oynasın. Mənim “Neftçi”yə inamım böyükdür. Çünki komandanın özünə məxsus oyun üslubu var. Həmçinin yaxşı kollektiv formalaşdıra biliblər. Doğma azarkeş qarşısında oynamaları yaxşı çıxış etmələrinə kömək olacaq.
- “Neftçi”nin baş məşqçisi Böyükağa Hacıyev “İnter”i məğlub edəcəklərinə inandığını deyib. Sən necə fikirləşirsən?
- Bu, mümkündür. Çünki Bakıda həm milli, həm də klub səviyyəsində bir çox güclü komandaları məğlub edə bilmişik. Niyə də “İnter”i məğlub etməyək?
- Ümumiyyətlə, “Neftçi”nin qələbə şanslarını necə görürsən?
- Əvvəla oyunun gedişatından çox şey asılı olacaq. Təmsilçimiz yaxşı çıxış etsə, minimal hesabla qələbə qazana bilərik.
Əli HƏYATİ
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
