07.04.26
Azərbaycan Premyer Liqasının IV turundan təxirə salınmış matçda “Xəzər Lənkəran”ı 2:0 hesabıyla məğlub edib liderliyə yüksələn “Simurq”un kapitanı Rasim Ramaldanov Qol.Az-a müsahibə verib.
- “Xəzər Lənkəran”la matçda onlardan bu qədər üstün oynayacağınızı gözləyirdin?
- Düzü, bilirdik ki, “Xəzər Lənkəran” çətin komandadır. İndiyə kimi bu komandanı məğlub edə bilməmişdik. Maksimum heç-heçə oynayırdıq. Odur ki, bütün futbolçular söz vermişdik ki, bu dəfə qalib gəlməliyik.
- Səncə, ilk növbədə nəyin hesabına rəqibi üstələdiniz?
- İlk növbədə kollektiv oyunun, ikinci də ruhun hesabına. Çünki dediyim
kimi, uşaqlar sözü bir yer qoymuşduq ki, nə olur olsun, qələbə qazanmalıyıq.
- Vurduğunuz ilk qolda rəqibin gənc qapıçısı da səhvə yol verdi. Necə düşünürsən, məhz bu səhv rəqibin oyununa mənfi təsir elədi?
- Əlbəttə ki, ilk qol qələbəmizdə çox böyük rol oynadı. Çünki bu zaman rəqib daha böyük qüvvə ilə üstümüzə gəlirdi ki, biz də sürətli əks-hücumlarda onları tuturduq.
- Oyun zamanı bir şey də diqqətimizi çəkdi ki, sən də başda olmaqla, “Simurq” futbolçuları tez-tez yıxılıb yerdə qalırdılar. Həqiqətən də zədə alırdınız, yoxsa bilərəkdən vaxt udurdunuz?
- Bu da futbolun yazılmamış qanunudur ki, hesabda öndə olan komanda vaxt udmaq üçün belə üsuldan istifadə edir. Bu mənada biz də bəzən qəsdlə yerdə uzanıb vaxt udurduq. Bunu etiraf edirəm.
- Növbəti oyununuz “Kəpəz”lə olacaq. Ümumiyyətlə, ard-arda dörd oyun evdə oynayacaqsınız. Bu oyunlardan nə gözləyirsən?
- Bilirsiniz, necə olacağını yalnız Allah bilir. Biz əlimizdən gələni edəcəyik ki, uğurlu çıxışın davamını gətirək.
- Maraqlıdır ki, lider komandanın kapitanı olsan da, hələ də milliyə dəvət almırsan. Səncə, niyə?
- Vallah, bilmirəm. Gərək təklif ola ki, mən də gedəm. Hələ ki, heç bir təklif yoxdur. Amma inanıram ki, gec-tez olacaq.
Anar XANLAROV
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
