11.09.25
“Simurq” klubunun sabiq ukraynalı futbolçusu Ruslan Qunçak Qol.Az-a müsahibə verib.
- Hazırda hansı komandada çıxış edirsən, işlərin necə gedir?
- Hazırda karyeramı Ukraynada davam etdirirəm və “Bukovina Çernovsi” komandasının şərəfini qoruyuram. İşlərimə gəlincə, hər şey qaydasındadır.
- Sonuncu dəfə nə vaxt Azərbaycanda olmusan?
- İki il bundan qabaq.
- Ümumiyyətlə, Azərbaycanda dostların, tanıdığın insanlar var?
- Düzünü deyim ki, dostum yoxdur. Ancaq tanıdığım insanlar var.
- Azərbaycanla bağlı xatirələrin necədir?
- Xatirələrim yaxşıdır, amma sonluğa doğru əhvalım korlandı. Çünki komanda demək olar, dağıldı. Bu isə heç də yaxşı olmadı.
- “Simurq”un heyətində keçirdiyin ən yaddaqalan oyun kimi hansını xatırlayırsan?
- “Bakı” ilə oyunu qeyd edərdim. Həmin vaxt biz rəqibi 2:1 hesabıyla məğlub etmişdik. Ancaq bundan başqa bir neçə oyun da olmuşdu ki, yaxşı mənada yaddaşımda iz buraxmışdı.
- Bəs ən uğursuz oyunun?
- Son mövsümdə çempionatın sonuna doğru keçirdiyimiz bütün oyunları ən uğursuz hesab edirəm.
- Deyilənə görə, baş məşqçiniz Roman Pokora futbolçularla çox kobud rəftar edirdi və hətta, onları söyürdü. Bu, doğurdan belə idi?
- Belə deyək də, söyüşü də ağılla söymək lazımdır. Hər futbolçuya onun öz xarakterinə, psixologiyasına uyğun yanaşmağı bacarmalısan. Bu mənada düşünürəm ki, Pokora söyüş söyməkdə düz edirdi. Təbii ki, heç də həmişə yox.
- Bəs, “Simurq”un heyətində çıxış edən ukraynalı futbolçuların içki içməsi, hətta bəzən oyuna da içkili çıxmasına dair yayılan xəbərlər düz idi?
- Xeyr, bu, düzgün məlumat deyil. Düzdür, biz içki içirdik. Lakin bunu yalnız oyundan sonra, yəni istirahət vaxtı edirdik. Ancaq oyuna qədər belə şey olmurdu. Bir sözlə, bu məsələdə bizə böhtan atırlar.
- “İnter”lə “Simurq”un "qardaş klublar" olmasına dair söhbətlər Azərbaycan futbolunda hər zaman müzakirə mövzusu olub. Səmimi de, bu iki klub doğrurdan “qardaş” idi?
- Meydançadan kənarda yaxşı münasibətlərimiz var idi. Ancaq meydançada biz rəqib idik.
Anar XANLAROV
"Liverpul" Salahın yerinə onu nəzərdən keçirir
UEFA Superkubokunun matçı bu stadionda keçiriləcək
"Mingəçevir" daha iki transferini gerçəkləşdirdi
"Atletik" onu qeydiyyatdan keçirə biləcək
"Qarabağ"dan ayrıldı, "Sabah"a qayıtdı - Rəsmi
1-ci liqada yeni mövsümün ilk oyunları keçirildi
"Səbail" növbəti transferini açıqladı
"Sumqayıt" onunla yollarını ayırdı
"Turan Tovuz"dan yeni transfer - Rəsmi
Millimiz Belçikaya qalib gəldi
Kenan Yıldız A seriyasının ən yaxşısı seçildi
Luis Enrike əməliyyat olundu
Marko Roys klub prezidenti oldu
“Ayın qolu” layihəsində mövsümün ilk qalibi oldu - Video
"Qarabağ"ın U-19 komandası üçün legioner transfer edilib
"Çelsi"nin futbolçusu 3 aylıq sıradan çıxdı
"Sabah" vinger transfer etdi
Azərbaycan millisinin alacağı mükafatın - Məbləği
Modriç: "Yaş sadəcə rəqəmdir"
Azərbaycan klubu Braziliyadan futbolçu gətirdi
Artıq ən mühüm xəbərlər telefonuna gələcək!
"Qarabağ"da ən böyük arzularımı gerçəkləşdirirəm" - Koxalski
