03.02.26
Hazırda Sloveniyada təlim-məşq toplanışında olan “İnter”in bolqarıstanlı yarımmüdafiəçisi Petar Zlatinov Qol.Az-a müsahibə verib.
- Petar, hazırlıq necə gedir?
- Hər şey yüksək səviyyədədir. Düzü, bu dəfəki toplanış daha çox xoşuma gəlir. Həm hava şəraiti, həm keçirdiyimiz oyunlar, həm də meydançalar superdi.
- Ötən gün “Maribor”la oynadınız və məğlub oldunuz...
- Məlum məsələdir ki, yoxlama görüşlərində nəticə ön planda olmur. Təbii ki, qələbə həmişə şirin olur, amma yoxlama oyunlarında baş məşqçilər ilk növbədə xətlərarası əlaqələrə və mövqeylərdəki boşluqlara baxırlar. O ki qaldı oyuna, “Mariobor” həqiqətən yaxşı komandadır, kifayət qədər təcrübəlidir və bu cür komandalarla oyunlar hər zaman faydalıdır.
- Komandanı artıq formalaşmış hesab etmək olar? Çünki 5 futbolçunu hələ Sloveniyaya getməmişdən öncə heyətinizə qatmışdınız və onlar təlim-məşq toplanışına başlayanda artıq sizinlə idi.
- Tam olmasa da kifayət qədər komplektləşmə olub. Təbii, bu elə məsələdir ki, baş məşqçinin səlahiyyətinə aiddir. Ancaq mən düşünürəm ki, yeni gələn futbolçular da kollektivə uyğunlaşıblar, gözəl ab-hava, mehribançılıq var. İnanıram ki, yeni futbolçular Avropa Liqasında gücümzə əlavə güc qata biləcəklər.
- Yeri gəlmişkən, Avropa Liqası oyunlarının startına da az qalıb. Hədəfiniz bəlli olub?
- Hədəf həmişəki kimi maksimum uzağa getməkdir.
- Deməli, qrup mərhələsinə düşəcəyinizə də inanırsan?
- Bilirsiniz, bir şeyi qazanamq üçün ilk öncə onu istəməlisən. Biz də qrup mərhələsində oynamağı çox istəyirik. Bilirik ki, ora düşmək çox çətin olacaq. Amma əsas odur ki, istək var və biz də bu istəyimizi həyata keçirmək üçün bütün gücümüzü ortaya qoyacağıq.
Anar XANLAROV
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
