"Xəzər Lənkəran" uduzdu, "Neftçi" vahid lider oldu

Bu gün Unibank Premyer Liqasında XV turun oyunlarına start verilib. Qol.Az-ın məlumatına görə, əvvəlki turlardan fərqli olaraq bu dəfə bütün görüşlər bir gündə keçirilib.

Premyer Liqanın iki liderindən biri olan Bakının “Neftçi” klubu doğma azarkeşləri önündə “Simurq”la qarşılaşıb. Ölkə kubokunun 1/8 final mərhələsində Zaqatala təmsilçisini çətinliklə məğlub edən “Neftçi”nin bu görüşdə çox da çətinlik çəkməyib - 4:2. 

Toni Adamsın gedişindən sonra özünə gələməyə başlayan “Qəbələ” klubu isə bu turda “Sumqayıt Şəhər”i qəbul edib. İlk “altılığ”a düşmək uğrunda mübarizə aparan Fatih Kavlakın komandası 3 xalı 3 qolla qazanıb - 3:1. 

Bu mövsüm heç də yaxşı günlərini yaşamayan Tovuzun “Turan” klubu öz meydanında “Qarabağ”ı qəbul edib. Son turlar xal itkisi ilə üzləşən Ağdam təmsilçisi bu görüşün əsas favoriti hesab olunurdu. Qurban Qurbanovun komandasının bu oyunda yalnız qələbəyə oynayacağı heç kəsdə şübhə doğurmurdu. Belə də oldu, "Qarabağ" Tovuzda üç xal qazandı - 0:1.

Premyer Liqanın digər lideri “Xəzər Lənkəran” klubu isə öz meydanında “İnter”i qəbul edib. Turun mərkəzi oyununda "İnter" qalib gəlib. 

Günün digər qarşılaşması isə paytaxtda baş tutub. Burada azarkeşlər paytat derbisinin şahidi olublar. Şüvəlan qəsəbə stadionunda AZAL “Bakı”nı sınağa çəkib və qələbə qazanıb.

Paytaxtın digər təmsilçisi “Rəvan” isə öz meydanında “Kəpəz”ə uduzub. 
 
4 dekabr (bazar)

Unibank Premyer Liqası, XV turun oyunları

16:00. “Xəzər Lənkəran” – “İnter” 0:1
Qol: Baçana Sxadadze, 77 (0:1)
Hakimlər: Vüsal Əliyev, Vaqif Musayev, Ramiz Əsədov, Orxan Məmmədov
AFFA nümayəndəsi: Əsgər Əmirəliyev
Hakim-inspektor: Gülağa Cabarov
Lənkəran şəhər mərkəzi stadionu.

16:00. AZAL – “Bakı” 1:0
Qol: Tales Şütz, 15 (1:0)
Qırmızı vərəqə: Tərlan Xəlilov, 85 (AZAL)
Hakimlər: Anar Salmanov, Elman Musayev, Zeynal Zeynalov, Elvin Əsgərov
AFFA nümayəndəsi: Vaqif Məmmədov
Hakim-inspektor: Xaqani Məmmədov
“AZAL Arena” stadionu.

16:00. “Rəvan” – “Kəpəz” 1:2
Qollar: Yuri Fomenko, 39, Dmitri Parxaçov, 43 (0:2), Reis Klaudinei, 57 (1:2)
Hakimlər: Elçin Məmmədov, Rahil Ramazanov, Yaşar Abbasov, İnqilab Məmmədov
AFFA nümayəndəsi: Əziz Əliyev
Hakim-inspektor: Akif Məmmədov
“Dalğa Arena” stadionu.

14:00. “Neftçi” – “Simurq” 4:2
Qollar: Araz Abdullayev, 10, (1:0), Robertas Poşkus, 18 (1:1), Araz Abdullayev, 36 (2:1), Bahadir Nasimov, 69 (3:1), Ruslan Abışov, 74 (4:1), Kristaps Qrebis, 90+2 (4:2)
Hakimlər: Fariz Yusifov, İlham Əliyev, Rza Məmmədov, Teymur Fərhadov
AFFA nümayəndəsi: Şaiq Həmidov
Hakim-inspektor: Murad Məmmədov
İsmət Qayıbov adına Bakıxanov qəsəbə stadionu.

14:00. “Qəbələ” – “Sumqayıt Şəhər” 3:1
Qollar: Cehua, 37 (1:0), Samir Abasov, 39 (1:1), Dodo, 70 (2:1), Viktor Mendi, 86 (3:1)
Hakimlər: Rəhim Həsənov, Azər Əsgərov, İsgəndər Əliyev, Fuad Həsənov
AFFA nümayəndəsi: Rauf Hüseynli
Hakim-inspektor: Əhmədağa Cabbarov
Qəbələ şəhər stadionu.

14:00. “Turan” – “Qarabağ” 0:1
Qol: Bəxtiyar Soltanov, 4 (0:1)
Hakimlər: Rauf Cabbarov, Nahid Əliyev, Coşqun Həsənov, Rövşən Əhmədov
AFFA nümayəndəsi: Ramiz Əliyev
Hakim-inspektor: Fazil Mürşüdov
Tovuz şəhər stadionu.


Turnir cədvəli

11 dekabr (bazar)

“Sumqayıt Şəhər” (Sumqayıt) – “Kəpəz” (Gəncə)
“Qəbələ” (Qəbələ) – “İnter” (Bakı)
“Neftçi” (Bakı) – AZAL (Bakı)