"Xəzər Lənkəran" liderliyini möhkəmlətdi

Bu gün keçirilən matçlarla Premyer Liqanın IX turuna yekun vurulub. Qol.Az-ın məlumatına görə, ikinci oyun günündə 5 qarşılaşma baş tutub.

Çempionatın autsayderi “Sumqayıt Şəhər” doğma meydanda “Bakı”nı qəbul edib və həmin görüş qonaqların minimal hesablı qələbəsi ilə (1:0) başa çatıb. Ardıcıl 3 oyundur məğlub olan “Qəbələ” isə Gəncənin “Kəpəz” klubunu qonaq edib. Toni Adamsın komandası ilk hissənin sonlarında azlıqda qalsa da, 3 xalı rahat qazanıb.

IX turun ən maraqlı qarşılaşması İsmət Qayıbov adına Bakıxanov qəsəbə stadionunda baş tutub. Paytaxtın iki iddialı klubu – “Neftçi” və “İnter” Respublika stadionu təmirə bağlandığı üçün məhz bu arenada üz-üzə gəliblər. Oyun meydan sahiblərinin üstünlüyü şəraitində keçsə də, qələbəni Kaxaber Sxadadzenin komandası bayram edib. Bu nəticə ilə xallarının sayını 17-yə  çatdıran "İnter" ikinci pilləyə yüksəlib.

Baş məşqçi dəyişikliyindən sonra öz oyununu tapan və iki çətin səfər oyunundan maksimum nəticə əldə edən “Rəvan” son oyunlarda inamlı çıxış edən “Qarabağ”la üz-üzə gəlib. Son həftələrin yüksəlişdə olan iki komandasının görüşündə 1:1 hesablı nəticə qeydə alınıb.

Çempionatın şəriksiz lideri “Xəzər Lənkəran” evdə “Simurq”u qəbul edib. Mirça Rednikin komandası zaqatalılılarla doğma azarkeşləri önündəki görüşdə qələbə qazanaraq, ötən tur “İnter”ə məğlubiyyəti unutdurmaqla yanaşı, turnir cədvəlindəki liderliyini də möhkəmlədib.

Qeyd edək ki, dünən IX turun açılış oyununda AZAL səfərdə “Turan”ın qonağı olub. Tovuzdakı qarşılaşmada hesab açılmayıb.

Premyer Liqanın IX turunun oyunları

16 oktyabr (bazar)
 
17:30. "Xəzər Lənkəran" - "Simurq" - 1:0
Qol: Antonio Semedo, 27
Hakimlər: Rauf Cabbarov, Ramiz Əsədov, Elşən Acalov, İnqilab Məmmədov.
AFFA nümayəndəsi: Adil Nadirov.
Hakim-inspektor: Rüfət Hüseynov.
Lənkəran. Mərkəzi stadion.

17:00. "Rəvan" - "Qarabağ" - 1:1
Qollar: Leonardo Roşa, 77 - Miloş Zeçeviç, 90
Hakimlər: Əliyar Ağayev, Mehman Mahmudov, Munis Abdullayev, Ceyhun Haşımov.
AFFA nümayəndəsi: Sakin Məmmədzadə.
Hakim-inspektor: Nüvər Xasıyev.
Bakı. "Dalğa Arena" stadionu.

15:30. "Neftçi" - "İnter" - 0:1
Qol: Baçana Sxadadze, 34
Qırmızı vərəqə: Ruslan Abışov, 82 
Hakimlər: Elçin Məmmədov, İlham Əliyev, Azər Əsgərov, Elvin Əsgərov.
AFFA nümayəndəsi: Elbrus Abbasov.
Hakim-inspektor: Füzuli Nəcəfov.
Bakı. İsmət Qayıbov adına Bakıxanov qəsəbə stadionu.

15:00. "Sumqayıt Şəhər" – "Bakı" - 0:1 
Qol: Maris Verpakovski, 46
Qırmızı vərəqə: Andrey Popoviç, 18
Hakimlər: Anar Salmanov, Mübariz Haşımov, Zeynal Zeynalov, Orxan Məmmədov.
AFFA nümayəndəsi: Oqtay Abdullayev.
Hakim-inspektor: Asim Xudiyev.
Sumqayıt. Mehdi Hüseynzadə adına şəhər stadionu.
 
15:00. "Qəbələ" - "Kəpəz" - 2:0 
Qollar: Deon Barton, 40, Dodo, 57
Qırmızı vərəqə: Bruno da Silva, 44
Hakimlər: Rəhim Həsənov, Nahid Əliyev, Vaqif Musayev, Vüsal Əliyev.
AFFA nümayəndəsi: Rauf Hüseynli.
Hakim-inspektor: Səfər Haşımov.
Qəbələ. Şəhər stadionu.

15 oktyabr (şənbə)

"Turan" - AZAL - 0:0
Qırmızı vərəqə: Giorgi Beriaşvili, 44
Hakimlər: Ramil Diniyev, Rahil Ramazanov, Knyaz Əmiraslanov, Fariz Yusifov.
AFFA nümayəndəsi: Əsgər Əmirəliyev.
Hakim-inspektor: Əhmədağa Cabbarov.
Tovuz. Şəhər stadionu.

Turnir cədvəli