“Xəzər Lənkəran”ın 201 günlük marafonu

“Xəzər Lənkəran” klubunun məğlubiyyətsiz oyunlar seriyası başa çatıb. Qol.Az-ın klubun rəsmi saytına istinadən yaydığı məlumata görə, Mirça Rednikin komandası 201 gündən sonra yenə Premyer Liqa oyununda məğlubiyyət acısı dadıb.
 
Sonuncu dəfə ötən mövsümün 23-cü turunda, “altılığ”ın martın 13-dəki ilk matçında səfərdə AZAL-a 0:1 hesabı ilə uduzan “Xəzər Lənkəran” həmin gündən çempionatda heç kimə uduzmurdu. Ötən mövsümün son 9, cari mövsümünsə ilk 7 görüşündə bu seriya davam etmişdi. Məğlubiyyətsiz 16 oyunda futbolçular 8 qələbə qazanaraq 8 heç-heçə ediblər. Bu matçlarda 23 top vuran “Xəzər Lənkəran” cəmi 9 dəfə qapısında qol görüb.
 
Bu seriya zamanı 7 səfər matçına çıxan “Xəzər Lənkəran”ın bu xoşbəxt rəqəmi “İnter”lə “Şəfa” stadionunda artırıb, 8-ə çatdırmaq istəyi baş tutmayıb. 0:1 hesablı məğlubiyyət komandanın tarixində 3-cü məğlubiyyətsiz seriyanı rəsmiləşdirib. Belə ki, “Xəzər Lənkəran”ın hesabında 1 dəfə 21, 1 dəfə 19 oyunluq məğlubiyyətsiz seriya da var.
 
201 günlük marafon: Məğlubiyyətdən məğlubiyyətədək
 
Mövsüm        Tarix       Tur     Rəqib                 Yer    Hesab
2010/11   13.03.2011  23   AZAL (Bakı)                s       0:1
2010/11   18.03.2011  24   NEFTÇİ (Bakı)             e       1:1
2010/11   02.04.2011  25   BAKI (Bakı)                 s       0:0
2010/11   10.04.2011  26   QARABAĞ (Ağdam)       s       0:0
2010/11   16.04.2011  27   İNTER (Bakı)               e       1:1
2010/11   23.04.2011  28   AZAL (Bakı)                e       3:0
2010/11   30.04.2011  29   İNTER (Bakı)               s       1:1
2010/11   07.05.2011  30   QARABAĞ (Ağdam)       e       1:1
2010/11   13.05.2011  31   BAKI (Bakı)                 e       2:0
2010/11   18.05.2011  32   NEFTÇİ (Bakı)             s       1:1
2011/12   06.08.2011    1   SUMQAYIT-ŞƏHƏR     e       2:1
2011/12   14.08.2011    2   AZAL (BAKI)               s       3:0
2011/12   20.08.2011    3   TURAN (Tovuz)           e       3:1
2011/12   27.08.2011    4   RƏVAN (Bakı)             s       1:1
2011/12   10.09.2011    5   NEFTÇİ (Bakı)             e       1:0
2011/12   17.09.2011    6   QARABAĞ (Ağdam)       s       1:0
2011/12   23.09.2011    7   QƏBƏLƏ (Qəbələ)   e        2:1
2011/12   30.09.2011    8   İNTER (Bakı)               s        0:1
 
Qeyd edək ki, komandamızın rekordu 2007-ci ildə gerçəkləşib. 2006/07 mövsümünün fevralın 16-dakı 15-ci tur oyununda Bakıda “Neftçi”yə 0:1 hesabı ilə uduzan komandamız 2007/08 mövsümünün 11-ci turunun noyabrın 10-da “Neftçi”yə bu dəfə Lənkəranda 0:1 hesabı ilə uduzub. Bu 2 məğlubiyyət arasında isə 21 çempionat oyununda “Xəzər Lənkəran”ı udan tapılmayıb.
 
19 oyunluq seriya da Lənkəranda “Neftçi”yə 0:1 hesabı ilə uduzmaqla başlayıb. Bu, 2005/06 mövsümünün 13-cü turunda, 2005-ci il dekabrın 12-də yaşanıb. 2006/07 mövsümündə 8-ci turun 2006-cı il oktyabrın 22-də isə səfərdə “Karvan”a uduzmuşuq. Bu 2 yenilgi 19 oyun məğlubiyyətsizliyi əhatə edir.