Mövsümarası dövrdə “İnter”in sıralarına qoşulmuş gənc yarımmüdafiəçi Rüstəm Abasov futbola gəlişindən və karyerasından danışıb.
Qol.Az-ın məlumatına görə, Abasov klubun rəsmi saytına açıqlamasında Azərbaycanın gənclərdən ibarət milli komandasına aid sualları cavablandırmaqla yanaşı, yeni komandası haqda fikirlərini bölüşüb:
- Necə oldu ki, futbolu seçdin?
- Futboladək kikboksinqlə məşğul olmuşam. Lakin bu idman növündə işlərim alınmadı və 10 yaşımda dayım məni “Lada”(Rusiya, Tolyatti) klubunun futbol bölməsinə apardı. Beləliklə də futbolla məşğul olmağa başladım.
- Bəs, karyeranın əvvəli necə inkişaf etdi?
- İlk illər “Lada” komandasında oynadım, sonra “Akademiya” (Dmitrovqrad) klubuna keçdim. Həmin komandada 2005-ci ilədək oynadım. 2007-ci ildə bu komandanın ehtiyat heyətində Rusiyanın 3-cü liqasında çıxış etdim. Orada bir dövrəni başa vurdum, sonra ikinci liqada mübarizə aparan “Akademiya”nın əsas heyətinə qatıldım. Bundan sona “Tolyatti” komandasına keçdim. Karyeram belə inkişaf etdi.
- Rüstəm, necə oldu ki, “İnter”ə gəldin?
- Azərbaycanın gənclərdən ibarət milli komandasında çıxış etdiyim zaman çıxışımı seleksiyaçı-məşqçi Zaur İsmayılov izləyib. O, mənə gücümü “İnter”in heyətində sınamağı təklif etdi. Mən də məmnuniyyətlə razılıq verdim, əşyalarımı toplayaraq Türkiyəyə yollandım. O zaman komanda təlim-məşq toplanışındaydı, mən də oraya baxışa getdim.
- Maraqlıdır, bəs, səni Azərbaycanın gənclərdən ibarət milli komandasında necə tapdılar?
- Bu, mən Rusiyanın U-17 komandasında çıxış etdiyim dövrdə baş vermişdi. O zaman bizim Azərbaycan millisilə yollarımız kifayət qədər tez-tez kəsişirdi. Biz seçmə matçlarında qarşılaşırdıq, Palanqada keçirilən turnirdə də üz-üzə gəlmişik. Bir dəfə mənə yaxınlaşaraq Azərbaycan millisində çıxış etmək barədə təklif etdilər və mən də düşünmədən razılıq verdim.
- Məlumdur ki, Rusiyada çıxış edən Emin Mahmudov və Aleksandr Səmədov analoji vəziyyətdə olublar, lakin bununla belə, onlar Azərbaycan milli komandasında çıxış etmək barədə göndərilən dəvətə razılıq verməyə tələsmirlər. “Məhz Azərbaycan milli komandasında çıxış etməyə dəyərmi?” sualı üzərində düşünmüsənmi?
- Xeyr, mən hətta düşünməmişəm. Axı Azərbaycan mənim vətənimdir və mənə belə maraq göstərilməsi çox xoşdur.
- Valideynlərin nə zaman və hansı səbəblərə görə Rusiyaya köçüblər?
- Valideynlərim Rusiyaya çoxdan köçüblər. Məsələ ondadır ki, atam Moskvada oxuyub, təhsilini başa vurduqdan sonra Rusiyada qalmağı təklif ediblər və o da buna razılıq verib. Nəticədə ailəmiz atamın işə düzəldiyi Tolyatti şəhərinə köçüb. Mən məhz bu şəhərdə anadan olmuşam.
- “İnter”ə qayıdaq... Bu kluba gəlişinədək komanda haqqında nə bilirdin?
- Məlumatım az deyildi. Bakıda toplanışda olarkən ötən mövsüm İnter və AZAL komandaları arasında keçirilən Azərbaycan Kubokunun yarımfinal matçını izləmək imkanım olmuşdu. Bundan başqa, bu komanda Birlik Kubokunun qalibidir. Həmin oyunları televizordan seyr etmişdim.
- Komandaya uyğunlaşmaq çətin deyildi ki? Kollevtivə uyğunlaşmağın nə qədər vaxt apardı?
- Xeyr, bununla bağlı hər hansı problem olmadı. “İnter”in bəzi futbolçularını gənclərdən ibarət komandada çıxışlarından tanıyıram. Axı Azərbaycanın U-21 komandasında Nizami Hacıyev, Şəhriyar Rəhimov, Səlahət Ağayevlə birlikdə çıxış etmişəm, həmçinin Elnur Abdulov və Arif Daşdəmirovu da tanıyırdım.
- Səni “İnter”ə perspektivli olmağına görə dəvət ediblər. Hələlik əvəzedici heyətidə çıxış edirsən, lakin lazımi təcrübə toplamaq və əsas heyətin oyunçusuna çevrilmək üçün sənə nə qədər vaxtın lazım olduğunu deyə bilərsənmi?
- Bilirsiniz, mən hələ gəncəm və mənə müəyyən vaxt lazımdır. Nə qədər? Dəqiq bilmirəm. Lakin bu barədə düşünmək lazım deyil və oyuna köklənmək lazımdır, yalnız o zaman müəyyən inkişafa nail olmaq mümkündür.
- Bu mövsüm komandanın qarşısına hansı məqsədlər qoyulub?
- Mənə məlumdur ki, “İnter” kifayət qədər ambisiyalı komandadır. Bildiyim qədər, hər mövsümün əvvəlində komandanın qarşısında bir tapşırıq qoyulur-çempionluq. Bu il də “İnter” yalnız yüksək yerlər uğrunda mübarizə aparacaq.
Messidən MLS rekordu
"Neftçi"yə qarşı hamı istəkli oynayır" - Qurban Qurbanov
"Real" 36-cı dəfə İspaniya çempionu oldu
"Qarabağ" Bəhlulla yeni müqavilə imzaladı
"Qarabağ"ın 5 cavabsız qolu - Video
"Qarabağ" "Neftçi"ni darmadağın etdi, "Sumqayıt"dan heç-heçə
"Real"dan böyük hesablı qələbə
Samir Abasov: "Futbolçularım ağır görünürdü"
2 qol, 2 qırmızı vərəqə - Video
Şahruddin 90 dəqiqə oynadı, komandası qalib gəldi
"Qarabağ" - "Neftçi": Heyətlər
"Arsenal"dan qələbə
Azərbaycanın U-17 millisi Qazaxıstana uduzdu
"Kəpəz" - "Sumqayıt": Heyətlər
Tiaqo Silva bu kluba keçir
Maradonanın cənazəsini köçürmək istəyirlər
Xüsusi təyinatlılar futbolçulara və azarkeşlərə atəş açdı
"Bayer"in 6 futbolçusu mövsümün rəmzi komandasında
Messi "İnter Mayami"nin büdcəsini ikiqat artırıb
Kvaratsxeliya qərarını verdi: Gedir, ya qalır?
Arda Güler: "Modriç və Kroosu adları ilə çağırmıram"
Slotdan "Liverpul" açıqlaması
Renatın klubunda yeni baş məşqçi və idman direktoru
Ozan Can sarı vərəqə aldı, komandası uduzdu
"Beşiktaş" 5 qollu oyunda belə qələbə qazandı - Video
İsko ayın oyunçusu seçildi
"Beşiktaş" 90+7-ci dəqiqə qolu ilə qələbə qazandı
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi