"Qarabağ" autsayderlə bacarmadı, "Qəbələ" liderə yaxınlaşdı, "Kəpəz" üçüncülüyə yüksəldi

Bu gün keçirilən 3 oyunla Premyer Liqanın V turuna yekun vurulub. Qol.Az-ın məlumatına görə, bütün qarşılaşmalar eyni saatda start götürüb.

Turnir cədvəlinin ikinci pilləsində qərarlaşan “Qəbələ” doğma meydanda Tovuzun “Turan” klubunu qonaq edib. Ötən tur səfərdə gözlənilmədən “Qarabağ”ı məğlub edən Qəbələnin eyniadlı təmsilçisi “Turan”a da qalib gələrək, ev oyunlarındakı qələbəsizlik seriyasına son qoymağı bacarıb. Maliyyə problemi ilə üzləşən tovuzlular isə ən azından heç-heçəyə ümid etsələr də, buna nail ola bilməyiblər.

Günün digər görüşündə “Sumqayıt-Şəhər” və “Qarabağ” komandaları üz-üzə gəliblər. Son turda “Qəbələ”yə uduzan Ağdam təmsilçisi bunun əvəzini Premyer Liqanın debütantından çıxmağa çalışsa da, alınmayıb. Cari mövsümdə çempionluğu hədəfləyən Qurban Qurbanovun komandası görüşün əsas favoriti hesab olunsa da, “Sumqayıt-Şəhər”in gənc qapıçısı Andrey Popoviç rəqibin fərqlənməsinə imkan verməyib. Milli komandamızın da şərəfini qoruyan qolkiper 5-6 epizodda Sumqayıt klubunu real qoldan xilas edib.

V turun maraqlı qarşılaşmalarından biri də Gəncədə baş tutub. Ötən turda paytaxtda “Bakı”nı darmadağın edərək, sensasiyaya imza atan “Kəpəz” son oyunda “Neftçi”ni büdrədən AZAL-a məğlubiyyət acısı yaşadıb. Mehman Allahverdiyevin komandası bu nəticə ilə 3-cü pilləyə yüksəlib.

Premyer Liqada V turun oyunları

11 sentyabr (bazar)
 
“Qəbələ” - “Turan” - 2:1
Qollar: Viktor Mendi, 15, Dodo, 53 - Sergey Artyux, 6
Hakimlər: Elçin Məmmədov, Namiq Hüseynov, Zeynal Zeynalov, İnqilab Məmmədov.
AFFA nümayəndəsi: Məmmədəli Məmmədov.
Hakim-inspektor: Əli Hüseynov.
Qəbələ. Şəhər stadionu.
 
“Sumqayıt Şəhər” – “Qarabağ” - 0:0
Hakimlər: Ceyhun Haşımov, Vaqif Musayev, Aleksandr Musatkin, Ramil Əhmədov.
AFFA nümayəndəsi: Rauf Əmirov.
Hakim-inspektor: Əmir Zamanov.
Sumqayıt. Mehdi Hüseynzadə adına şəhər stadionu.
 
“Kəpəz” - AZAL - 3:1
Qollar: Şahin Kərimov, 1, Armand Feutchine, 35, Yuri Fomenko, 80 - Ervin Bulku, 45+1
Hakimlər: Əliyar Ağayev, Mehman Mahmudov, Munis Abdullayev, Hacıəli Ağayev.
AFFA nümayəndəsi: Qürbət Həsənov.
Hakim-inspektor: Şahin Cəfərov.
Gəncə. Şəhər stadionu.

10 sentyabr
 
“Xəzər Lənkəran” – “Neftçi” - 1:0
Qol: Ruslan Abışov, 43-avtoqol (1:0)
Hakimlər: Ramil Diniyev, Azər Əsgərov, İlham Əliyev, Orxan Məmmədov.
AFFA nümayəndəsi: Vaqif Məmmədov.
Hakim-inspektor: Əhmədağa Cabbarov.
Lənkəran. Şəhər mərkəzi stadionu.

“Bakı” – “Rəvan” - 3:2
Qollar: Şoliç, 7 (1:0), 29 (3:0), İvanovs, 20 (2:0), Torres, 69 (3:1), Sergey Çernişev, 78 (3:2)
Hakimlər: Anar Salmanov, Mübariz Haşımov, Knyaz Əmiraslanov, Rauf Cabbarov.
AFFA nümayəndəsi: Rauf Hüseynli.
Hakim-inspektor: Murad Məmmədov.
Bakı. Tofiq Bəhramov adına Respublika stadionu. 

“İnter” – “Simurq” - 1:0
Qol: Valeri Abramidze, 53 (1:0)
Hakimlər: Rəhim Həsənov, Elman Musayev, Habil Əliyev, Fariz Yusifov.
AFFA nümayəndəsi: Əsgər Əmirəliyev.
Hakim-inspektor: Asif Namazov.
Bakı. "Şəfa" stadionu.

Turnir cədvəli