"Neftçi" və "Qarabağ" məğlub oldu, "Xəzər Lənkəran" sülhə razılaşdı

Bu gün Premyer Liqanın IV turuna start veriləcək. Qol.Az-ın məlumatına görə, turun ilk oyun günündə 4 qarşılaşma keçiriləcək.

Günün ilk qarşılaşması isə Quzanlıda baş tutub. Burada Ağdamın “Qarabağ” klubu Premyer Liqanın iddialılarından sayılan “Qəbələ”ni qəbul edib. Son iki oyununda maksimum nəticə göstərən “Qarabağ” bu seriyanı davam etdirmək niyyətində olsa da, bu istəyini həyata keçirə bilməyib.

İlk hissənin sonlarında qapısında qol görən "Qarabağ" fasilədən sonra təzyiqi artırsa da, Toni Adamsın komandası müdafiədə inamlı təsir bağışlayıb. Matçın sonlarında təyin olunan penaltini zərbəsini isə Adamiya qola çevirə bilməyib. Adamiyanın zərbəsini dəf edən Pavel Doroşev komandasına 3 xal qazandırıb.  

Növbəti görüş isə Tofiq Bəhramov adına Respublika stadionunda baş tutub. Paytaxtın “Bakı” klubu öz meydanında Gəncənin “Kəpəz” komandasını qəbul edib. Son turda “İnter”lə qalmaqallı görüşdən sonra rəqib komandaya verilən texniki məğlubiyyət sayəsində aktivinə 3 xal yazıdıran “Bakı” klubu hazırda 5 xalla turnir cədvəlinin  4–cü pilləsində qərarlaşdı. 

Hər kəs bu oyunda "Bakı"nın qələbə qazanmasını gözləsə də, görüş Gəncə təmsilçisinin qələbəsi ilə başa çatıb. "Kəpəz" oyunun taleyini elə ilk hissədə həll edib. İlk hissədə 3 qol vuran "Kəpəz" aktivinə daha 3 xal yazıb. "Bakı" klubu isə bu dəfə də penaltini qola çevirə bilməyib. Nurlan Novruzovun vurduğu topu qapıçı zərərsizləşdirib.  

Paytaxtın iki komandası isə Şüvəlan qəsəbə stadionunda üz-üzə gəlib. Öz meydanında “Neftçi”ni qəbul edən AZAL bu görüşdə qələbə qazanmaqla çempionluq uğrunda mübarizəni davam etdirmək niyyətində idi ki, buna da nail olub. Elxan Abdullayevin komandası "Neftçi" ilə oyunda inamlı qələbə qazanıb - 3:1. 

Son iki oyununda qələbə qazanan “Neftçi” isə bu oyunda məğlub olmaqla çempionluq yolunda ağır zərbə alıb. Əzəli rəqibi "Xəzər Lənkəran" və "Qarabağ"ı özündən irəli buraxmamaq üçün "Neftçi" bu görüşdə qələbə qazanmaq niyyətində idi. Lakin son ölkə çempionu AZAL-la oyunda xal itkisi ilə üzləşib.
 
Günün son qarşılaşması “Rəvan” – “Xəzər Lənkəran” komandaları arasında keçirilib. Son turda “Simurq”la oyunda ilk xalını qazanan “Rəvan” bunun təsadüfi olmadığını sübut edib. Matçın 34-cü dəqiqəsində hesabı açan "Rəvan" bu üstünlüyünü sona qədər qoruya bilməyib.
 
“Xəzər Lənkəran” da öz növbəsində ardıcıl 4-cü qələbəsini qazana bilməyib. Mirça Rednikin komandası bu mövsüm ilk xal itkisi ilə üzləşib. Bununla belə, "Xəzər Lənkəran" yenə də turnir cədvəlinə başçılıq edir. 

Qeyd edək ki, tura sabah keçiriləcək “Turan” – “Simurq” oyunu ilə yekun vurulacaq. Bu turda keçirilməli olan “İnter” – “Sumqayıt Şəhər” oyunu Sumqayıt təmsilçisinin bir neçə futbolçusunun müxtəlif yığmalara dəvət alması səbəbindən təxirə salınıb.

27 avqust

Premyer Liqanın IV turu

    
20:00. “Rəvan” – “Xəzər Lənkəran” - 1:1
Qollar: Reis Klaudinei, 34 (1:0), Katalin Doman, 52 (1:1)
Hakimlər: Rauf Cabbarov, Coşqun Həsənov, Munis Abdullayev, Hacıəli Əliyev.
AFFA nümayəndəsi: Ramiz Əliyev.
Hakim-inspektor: Məlik Həsənov.
Bakı. "Dalğa Arena" stadionu.
 

19:00. AZAL – “Neftçi” - 3:1 
Qollar: Elşən Məmmədov, 42 (1:0), 71 (3:1), Ervin Bulku, 55 (2:0), Slavço Georgiyevski, 57 (2:1)
Hakimlər: Fariz Yusifov, Mehman Mahmudov, Rza Məmmədov, Əliyar Ağayev.
AFFA nümayəndəsi: Şaiq Həmidov.
Hakim-inspektor: Orucəli Durmuşov.
Bakı. AZAL stadionu.


18:00. “Bakı” – “Kəpəz” - 0:3
Qollar: Sabir Allahquluyev, 23 (0:1), Yuri Fomenko, 27 (0:2), 40 (0:3)
Hakimlər: Elçin Məmmədov, Ramiz Əsədov, İsgəndər Əliyev, Rəhim Həsənov.
AFFA nümayəndəsi: Sakin Məmmədzadə.
Hakim-inspektor: Qurban Məmmədov.
Bakı. Tofiq Bəhramov adına Respublika stadionu.


17:30. “Qarabağ” – “Qəbələ” - 0:1
Qol: Mendi, 38 (0:1)
Hakimlər: Vüsal Əliyev, Vaqif Musayev, Elşən Acalov, Ceyhun Haşımov.
AFFA nümayəndəsi: Mübariz Hüseynov.
Hakim-inspektor: Asim Xudiyev.
Quzanlı. Olimpiya İdman Kompleksinin stadionu.

Bu oyunda matçın əsas qəhrəmanı kimi "Qəbələ"nin qapıçısı Pavel Doroşevi qeyd etmək lazımdır. Latviyalı qapıçı 3 təhlükəli zərbəni dəf etməklə yanaşı, matçın sonlarında təyin olunan penaltini də zərərsizləşdirməyi bacarıb. Bununla da, Doroşevlə bacara bilməyən "Qarabağ" öz meydanında 0:1 hesabı ilə məğlub olub.



28 avqust (bazar)
 
“Turan” – “Simurq”
Hakimlər: Anar Salmanov, Yaşaq Abbasov, Knyaz Əmiraslanov, Elvin Əsgərov.
AFFA nümayəndəsi: Əliyar Xanəliyev.
Hakim-inspektor: Səfər Haşımov.
Tovuz. Şəhər stadionu. Saat 17:30.



Turnir cədvəli