Avropa Liqasının «Brügge» - «Qarabağ» matçının canlı yayımlanması məsələsi hələ də sual altındadır.
«Qarabağ»ın direktoru Əmrah Çəlikəl bir neçə gün əvvəl Qol.Az-a bildirmişdi ki, Belçika telekanallarından heç biri bu oyuna maraq göstərmədiyindən yayım məsələsində problem yaranıb.
Bu gün əldə etdiyimiz ən son məlumata görə, oyunun birbaşa göstərilib-göstərilməyəcəyi hələ də müəyyənləşməyib.
Məsələ burasındadır ki, Azərbaycan telekanalarından heç biri bu matçı canlı yayımlamaq üçün pul ödəmək fikrində deyil.
Əksinə, onlar belə bir şərt irəli sürürlər ki, yayıma görə klub özü pul ödəməlidir. Lakin normalda telekanallar özü yayıma görə klublara pul verir.
Hətta Azərbaycan dövlət televiziyası belə hökumətin ona ayırdığı puldan ayırıb «Qarabağ»ın oyununu canlı yayımlamaq fikrində deyil.
Bəs, yayıma görə, telekanallar nə qədər pul ödəməlidirlər?
Apardığımız araşdırma zamanı bəlli olub ki, əgər Belçika tərəfi matçı çəkərsə, o zaman Azərbaycan kimi UEFA-da reytinqi aşağı olan ölkələrə canlı yayım 10-15 min avroya başa gəlir.
Belçika telekanallarının oyuna maraq göstərmədiyini nəzərə alsaq, bu halda yayım məsələsini Azərbaycan tərəfi özü həll etməlidir. Bu halda isə qiymət bir qədər artır. Məsələ burasındadır ki, ölkəmizdən hansısa telekanal Avropa ölkələrindən birindən icarə qaydasında PTS və televiziya stansiyası olan kameralar icarəyə götürməlidir. Buna görə 20-25 min avro tələb olunur. Üstəgəl, meydan sahibi rolunda çıxış edən kluba və ya klubun teleyayım hüququnu alan şirkətə əlavə 10-15 min avro ödənilməlidir. Yəni Azərbaycan komandasının iştirakı ilə bir oyunun xərci maksimum 40 min avroya başa gələ bilər.
Nəzərə alsaq ki, iqtisadiyyatı gündən-günə dirçələn Azərbaycan üçün bu pul çox azdır, o zaman bu oyunun göstərilməsində maddi tərəfdən heç bir problem olmamalıdır.
Qeyd edək ki, Azərbaycan təmsilçilərinin oyunundan fərqli olaraq, UEFA-da reytinqi yüksək olan Belçika kimi ölkələrdən yayıma görə daha çox pul tələb etmək olar.
Məsələn, Bakıda «Brügge»yə qarşı keçiriləcək oyunun yayımına görə Belçika tərəfindən ikiqat artıq gəlir götürmək mümkündür.
Yeri gəlmişkən, Belçika tərəfinin bu oyuna maraq göstərməməsi də səbəbsiz deyil.
Ekspertlərin fikrincə, bu məsələdə əsasən iki versiya rol oynaya bilər. Bunlardan birincisi, Avropadakı maliyyə böhranıdır. Belçika telekanallarının «Brügge» ilə «Qarabağ»ın oyununu almasında problem yoxdur. Amma məsələ burasındadır ki, həmin kanallar Azərbaycan təmsilçisiylə oyundan reklama görə pulu çıxara bilərmi?
Ehtimallara görə, bu oyuna telekanallardan daha çox reklamverici olan Belçika şirkətləri maraq göstərmirlər, bu səbəbdən telekanallar həmin oyunu yayımlamırlar.
Amma «Brügge» Avropanın nəhəng klublarından biriylə - deyək ki, «Milan» və ya «Barselona»yla qarşılaşarsa, təbii ki, o zaman Belçika kanalları bu oyunu yayımlamaq üçün dəridən-qabıqdan çıxardılar.
Və nahayət, ikinci versiya, Belçikada erməni lobbisinin güclü olması ilə əlaqədardır.
Belçika telekanallarında ermənilərin az olmadığını nəzərə alsaq, mənfur qonşularımızın Qarabağın adını daşıyan komandanın iştirakıyla keçirilən oyunun yayımına əngəl törətdiyini ehtimal etmək olar.
Amma bir daha qeyd edirik, bütün bunlar yalnız versiyalardır.
İstənilən halda isə, Azərbaycan telekanallarından hansısa bu oyunu mütləq canlı yayımlamağa borcludular.
Hər halda söhbət 3-5 nəfərin deyil, milyonlarla azərbaycanlının istəyindən və ortada Qarabağ adının olmasından gedir.
ELNUR
Messidən MLS rekordu
"Neftçi"yə qarşı hamı istəkli oynayır" - Qurban Qurbanov
"Real" 36-cı dəfə İspaniya çempionu oldu
"Qarabağ" Bəhlulla yeni müqavilə imzaladı
"Qarabağ"ın 5 cavabsız qolu - Video
"Qarabağ" "Neftçi"ni darmadağın etdi, "Sumqayıt"dan heç-heçə
"Real"dan böyük hesablı qələbə
Samir Abasov: "Futbolçularım ağır görünürdü"
2 qol, 2 qırmızı vərəqə - Video
Şahruddin 90 dəqiqə oynadı, komandası qalib gəldi
"Qarabağ" - "Neftçi": Heyətlər
"Arsenal"dan qələbə
Azərbaycanın U-17 millisi Qazaxıstana uduzdu
"Kəpəz" - "Sumqayıt": Heyətlər
Tiaqo Silva bu kluba keçir
Maradonanın cənazəsini köçürmək istəyirlər
Xüsusi təyinatlılar futbolçulara və azarkeşlərə atəş açdı
"Bayer"in 6 futbolçusu mövsümün rəmzi komandasında
Messi "İnter Mayami"nin büdcəsini ikiqat artırıb
Kvaratsxeliya qərarını verdi: Gedir, ya qalır?
Arda Güler: "Modriç və Kroosu adları ilə çağırmıram"
Slotdan "Liverpul" açıqlaması
Renatın klubunda yeni baş məşqçi və idman direktoru
Ozan Can sarı vərəqə aldı, komandası uduzdu
"Beşiktaş" 5 qollu oyunda belə qələbə qazandı - Video
İsko ayın oyunçusu seçildi
"Beşiktaş" 90+7-ci dəqiqə qolu ilə qələbə qazandı
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi