21:10
Çempionlar Liqasının liqa mərhələsinin son turunda "Nyukasl"ı qəbul edəcək PSJ-nin heyəti açıqlanıb.
QOL.az xəbər verir ki, baş məşqçi Luis Enrike həlledici qarşılaşma üçün 20 futbolçunun adını iştirak ərizəsinə daxil edib. Lakin Paris təmsilçisində problemlər hələ də tam aradan qalxmayıb.
Komandanın aparıcı fiqurlarından olan Fabian Ruiz siyahıdan kənarda qalıb. Ötən həftə "Sportinq"lə matçda dizindən zədələnən ispaniyalı yarımmüdafiəçi məşqlərə başlasa da, məşqçilər korpusu riskə getməmək qərarına gəlib.
Bərpa prosesində olan Li Kanq-İn və Kventin Ndjantı, eləcə də yeni transfer Dro Fernandes də oyunu buraxacaqlar. Üçüncü qapıçı Renato Marin isə gözlənilmədən siyahıya salınmayıb və onu Martin Ceyms əvəzləyib.
Bununla yanaşı, PSJ üçün sevindirici xəbərlər də var. Lukas Ernandes cəzasını başa vuraraq komandaya qayıdıb. Ən vacibi isə zədələrini arxada qoyan Əşrəf Hakimi, Nuno Mendes və Joao Neves yenidən sıraya dönüblər. Sol əlini sındıran qapıçı Matvey Safonov da artıq tam sağalıb və heyətdə yer alıb.
Qeyd edək ki, qarşılaşma 29 yanvar Bakı vaxtı ilə 00:00-da baş tutacaq.
"Çelsi"dən getdi
"Sabahkı oyunda futbolçularıma inanıram" - Qurban Qurbanov
"Aston Villa" sabiq hücumçusunu transfer etdi
Baş məşqçi gənc hakimdən üzr istədi
Futbolçu jurnalisti məhkəməyə verdi
Əfsanəvi futbolçunun oğlu "Latsio"da - Rəsmi
Azarkeşləri daşıyan mikroavtobus qəzaya uğradı
Arne Slotdan “Qarabağ” haqda yüksək sözlər
"Çelsi" futbolçusu ilə yollarını ayırır
