“Mançester Yunayted” səfərdə qələbə qazandı

“Mançester Yunayted” səfərdə qələbə qazandı
DÜNYA FUTBOLU 30 Noyabr 2025 / 18:15 147
-  A +

İngiltərə Premyer Liqasının 13-cü turunda “Mançester Yunayted” səfərdə “Kristal Palas”ın qonağı olub.

QOL.az xəbər verir ki, gərgin keçən qarşılaşma "qırmızı şeytanlar"ın 2:1 hesablı əzmkar qələbəsi ilə yekunlaşıb. Matçda hesabı 36-cı dəqiqədə penaltidən meydan sahiblərinin hücumçusu Jan-Filip Mateta açıb. Lakin 54-cü dəqiqədə Yoşua Zirkzee tarazlığı bərpa edib. Bundan 9 dəqiqə sonra Meyson Maunt fərqlənərək komandasına qələbə qazandırıb. "Mançester Yunayted"in hər iki qolunda məhsuldar ötürməni isə Bruno Fernandeş edib.

Bu qələbə ilə 3 oyunluq qələbəsizlik seriyasına son qoyan və xallarını 21-ə çatdıran "Mançester Yunayted" turnir cədvəlində 6-cı pilləyə yüksəlib. "Kristal Palas" isə 20 xalla 7-ci sırada qərarlaşıb.


Son xəbərlər