20:05
“Oyun çox çətin keçdi. Qələbə qazanmağı çox istəyirdik. Lakin alınmadı. Gücümüz yalnız 1 xala çatdı”.
QOL.az saytına müsahibəsində bu sözləri “Turan Tovuz”un müdafiəçisi Emmanuel Hakman Misli Premyer Liqasının 12-ci turunda “Araz-Naxçıvan”a qarşı keçirilən oyun barədə danışarkən deyib.
O bildirib ki, matçın gedişində hesabda geri olduqları üçün bir xal heç də pis nəticə deyil: “Məqsədimiz qələbə qazanmaq idi. Meydana da bunun üçün çıxmışdıq. İlk hissədə qapımızda qol gördük. Birinci 45 dəqiqədə oyun tam istədiyimiz kimi keçmədi. Lakin fasilədən sonra üstünlüyü ələ aldıq, sona yaxın hesabı bərabərləşdirdik. Təəssüf ki, ikinci qolu vurmaq mümkün olmadı”.
Toqolu müdafiəçi hücumda hər şeyin alınmadığını söyləyib: “Oyun baxımından çatışmazlıq olduğunu deməzdim. Komanda şəklində qələbə üçün mübarizə apardıq. Sadəcə bir qədər hücumları sonlandırmaq çatışmırdı”.
Son iki turda qələbə qazanmamalarına baxmayaraq, Hakman hədəflərindən uzaqlaşmadıqlarını vurğulayıb: “Sona qədər çempionluq uğrunda mübarizə apacağıq. Rəqiblərimiz güclü olsa da, əlimizdən gələni edəcəyik. Qarşıya qoyulan hədəfə çatacağımıza inanıram”.
30 yaşlı futbolçu növbəti turda “Neftçi”yə qarşı keçirəcəkləri oyundan da danışıb: “Neftçi”ni öz meydanımızda qəbul edəcəyik. Ev oyununda azarkeşlər bizə əla dəstək verirlər. Məqsədimiz qələbə qazanmaqdır. İlk dövrədə “Neftçi”ni məğlub etmişdik. İnanıram ki, bu dəfə də 3 xal qazanmağı bacaracağıq. Əlimizdən gələni edəcəyik ki, azarkeşlərimizi sevindirək”.
"İmişli"dən "Şəfa"ya
Haalanddan yeni rekord
FİFA futbolçu müqavilələri ilə bağlı qaydaları dəyişir
"Qarabağ" güclü komandadır, amma qələbə qazana bilərdik"
126 illik antirekordu təkrarladılar
Murad Məmmədovun komandasından qələbə
Derbinin qalibi “Mançester Siti” oldu
"Hər iki komanda 1 xala layiq idi" - Qurban Qurbanov
Futbolçuya hücum edildi, oyun yarımçıq dayandırıldı
Premyer Liqada 100-ə çatdı
“Araz-Naxçıvan” - “Turan Tovuz” matçından - Video
“VAR-a gedəndə başqa qərar gözləyirdim” - Kurban Berdiyev
La Liqa klubu baş məşqçisini göndərdi
