21:34
“Çətin oyun keçdi. Meydanda gərgin mübarizə gedirdi. Vərəqələrin sayı çox idi. Təəssüf ki, ikinci hissədə azlıqda qaldıq. Bundan sonra oyunumuz sındı. Yaxşı ki, qapımızı sona kimi toxunulmaz saxlaya bildik”.
QOL.az saytına müsahibəsində bu sözləri “Turan Tovuz”un qapıçısı Oleq Baklov Misli Premyer Liqasının 11-ci turunda “Zirə”yə qarşı keçirilən oyun (0:0) barədə danışarkən deyib.
O bildirib ki, matçı 10 nəfərlə başa vurduqlarını nəzərə alsaq, Zirə səfərində 1 xal pis nəticə deyil: “Yarım saatdan artıq azlıqda mübarizə apardıq. Bu da işimizi çətinləşdirdi. Ona görə də 1 xalı yaxşı nəticə saymaq olar. Heç-heçə ədalətli nəticə idi”.
Tacikistan millisinin üzvü bir tur əvvəl “Turan Tovuz”un doğma meydandakı debütunə də toxunub: “Şamaxı” ilə Tovuzda qarşılaşdıq. Bu, doğma meydanda debütumuz idi. İlk dəfə idi Tovuzda yerli publika önündə oynayırdım. Atmosfer əla idi. Azarkeşlərin dəstəyi ilə geridönüş edə bildik. Futbol azarkeşlər üçün oynanılır. Stadion dolu olanda bizim də məsuliyyətimiz artır”.
Baklov ilk dövrəni “Turan Tovuz” üçün belə dəyərləndirib: “Turnir cədvəli baxımından vəziyyətimiz yaxşıdır. Bir müddət hətta lider olduq. Hazırda yalnız “Qarabağ”dan geri qalırıq. Lakin bu, hələ ilk dövrədir. Qarşıda çox oyun var. Ona görə də bununla kifayətlənmək olmaz. Hədəfimizə çatmaq üçün bu tempdə də davam etməliyik”.
31 yaşlı qolkiper Misli Premyer Liqasına uyğunlaşmağın onun üçün heç də asan olmadığını bildirib: “Çempionatın səviyyəsi yaxşıdır. Limit olmadığı üçün legionerlərin sayı çoxdur. Açıq deyim ki, əvvəldə uyğunlaşma baxımından problem yaşayırdım. İki ay adaptasiya dövrü keçdim. İndi hər şey yaxşıdır. “Turan Tovuz”dakı durumum məni tam qane edir”.
"Bavariya" Noyeri itirdi
"Milan"da yeni müqavilə
Messinin rekordunu qırdı
Zubirin yubiley oyunu
“Arsenal” Bundesliqada çıxış edən qapıçı ilə maraqlanır
"Real" bəzi futbolçuları ilə sağollaşmağa hazırlaşır
İngiltərə klubunda yeni antirekord
“Qarabağ”dan möhtəşəm qələbə - Video
"Mançester Siti"dən inamlı qələbə, Haaland dubl etdi
Türkiyədə baş məşqçi klubu tərk edir
“Kadinin yoxluğu təsirsiz ötüşmür” - Qurban Qurbanov
Azərbaycanın dünya boksunda 8-ci qızılı
“Kəpəz” “Qəbələ”yə, “Qarabağ” “Araz-Naxçıvan”a qalib gəldi
Qurbanova GÖZƏL dəstək
"Milan" liderlik yolunda büdrədi
