13:00
"Sabah"ın baş məşqçisi Valdas Dambrauskas Misli Premyer Liqasının 2-ci turunda "Şamaxı"ya 2:1 hesabı ilə qalib gəldikləri oyunu şərh edib.
QOL.az xəbər verir ki, o, matçdan sonra keçirilən mətbuat konfransında deyib:
- "Sabah" ailəsini, uzaq səfərə gələn azarkeşləri təbrik edirəm. Dörd ilə yaxındır ki, Şamaxı səfərində qalib gələ bilmirdik. Mənim üçün çox xoş oldu. Meydanda görmək istədiklərimizin hamısını gördük. "Şamaxı" çox çətin rəqibdir. Bura gələn komandalar meydanda yüz faizini verməsə, qarşılarında inadkar "Şamaxı" görəcəklər. Rəqib yaxşı təşkilatlanmış və intizamlı komandadır. Onlar yaxşı müdafiə olunurlar. Oyuna çox yaxşı başladıq. Bu qolu həftə ərzində çox işləmişdik. Topa nəzarət bizdə idi. İkinci hissədə rəqibin müdafiəsində boşluqlar tapmaq çətin idi. Havanın da təsiri ola bilər. Rəqib möhtəşəm zərbə ilə hesabı bərabərləşdirdi. Bu qoldan sonra oyunçularımın reaksiyası xoşuma gəldi. Hiss edirdik ki, böyük səhvlər etməsək, buradan qələbə ilə qayıda bilərik. Artıq növbəti oyuna köklənməliyik. Sabah məşqimiz var. Bütün komandalar mövsümə pozitiv hisslərlə başlayıb. Səfərdə qazanılan 3 xal bizi sevindirir.
- Azərbaycan Premyer Liqasında ilk oyuna çıxdınız. Çempionatın hansı özəlliyi sizi cəlb etdi?
- Həmişə avrokuboklar oyunlarından sonra çempionata köklənmək çətin olur. Belə hallarda nizam-intizam çox önəmlidir. Avropada 6 oyun keçirmişik. Artıq oyun ritminə alışmışıq. Hələ ki Azərbaycan futbolu barədə ekspert deyiləm. Televizorda oyunlara baxmışam. İki turdan sonra məndə belə qənaət yaranıb ki, favorit komanda yoxdur. "Qarabağ", "Neftçi" kimi komandaların rəqibləri onlara qarşı yaxşı mübarizə aparır. Hər komandanın özünün xüsusi oyun planı var. Düşünürəm ki, hamımız birlikdə böyüməliyik. İnfrastrukturu yaxşılaşdırmaq, keyfiyyətli oyunçular cəlb etməklə bir yerdə inkişaf etməliyik.
- Coy-Lens Mikelslə İqor Noqeyra arasında mübahisə oldu. Həmin epizodu necə şərh edərdiniz?
- Əlbəttə ki, belə halları görməkdən məmnun deyiləm. Onların mübahisəsinin səbəbi daha yaxşı oynamaq istəməkləridir. Artıq hər şey bitib. Onlar oyundan sonra bir-biri ilə qucaqlaşdılar. Bu mövzu bağlanıb.
- 11 legioner sifariş etmisiniz. Daha neçə legionerə ehtiyacınız var?
- Sualınız mənə təəccüblü gəldi. Mən daha çox oyunçuların məşqə yanaşmasına baxıram. Heyəti qurarkən futbolçuların pasportuna baxmıram. Komandanı rəqibə görə hazırlayıram. Kim hazırdırsa, ona şans verirəm. Əlimdə olan heyətdən məmnunam.
- "Qarabağ" çempionatda ikinci heyətlə oynayır. Onları qabaqlaya bilərsiniz?
- "Qarabağ"ın çempionatda hansı heyətlə oynaması ilə bağlı şərh verə bilmərəm. Mənim üçün ilk 11-lik, ikinci 11-lik deyə bir şey yoxdur. Öz oyunçularımdan məmnunam. Həmişə çalışırıq ki, komandanı inkişaf etdirək. 10 aydan sonra nələrin olacağını deyə bilmərəm. Sabah bərpa məşqçi keçəcəyik. Hazırda ən önəmli oyun növbəti turda "İmişli"yə qarşı olan matçdır. (sportal.az)
Suaresdən 600-cü qol
U-17 millimiz İsrailə 5 qolla məğlub oldu
Erol Bulutun “Antalyaspor”a keçidi rəsmiləşdi
“Qalatasaray”ın Lukas Beraldo planı
“Fənərbaxça”dan “Beşiktaş”a?
O da Fransa millisinin heyətindən kənarlaşdırıldı
Bruno Fernandeş Almaniya klubuna keçə bilər
7 qol vurduğu oyun bitən kimi həbs olundu
Gəncədə Avropa çempionatı
Yamalın vəziyyəti necədir?
Bədəlov Mbappeyə nə deyib? - Özü açıqladı
Millimizin oyununda qazaxıstanlı hakimlər
"Real" və Fransa millisi arasında gərginlik
Neymar, Messi və Suares yenidən bir araya gələ bilərlər
Ukrayna - Azərbaycan oyununun hakimləri açıqlandı
"Mançester Yunayted"in sabiq futbolçusu vəfat etdi
"Mübarizəsiz meydandan çıxa bilmərik" - Elvin Cəfərquliyev
“Mbappe bizi çox rahat keçirdi- Emin Mahmudov
AFFA Santuşa təzminat ödəyib
Rebrov: “Azərbaycanla oyunda qalib gəlməsək…”
Son Hın Min Koreya millisinin rekordçusu oldu
“Pard de Prens”də yaşananlar - Şəkillər
Rabyo Azərbaycan millisi ilə oyun haqda
Azərbaycanla matça çıxdı, ardıcıl 10 oyunda qol vurdu
U-21-in baş məşqçisindən 0:5 açıqlaması
“Sevincimdən uçmayacam” - Deşam niyə narazı qaldı?
Fransa - Azərbaycan oyununda vurulan qollar - Video
Almaniya və Qazaxıstandan darmadağın
Fransa - Azərbaycan: 3-cü oyunda 3:0
Adi Hütter “Monako”dan ayrıldı - Rəsmi
Azərbaycanın U-21 millisindən acınacaqlı məğlubiyyət
Fransa - Azərbaycan oyununun heyətləri açıqlandı
Azərbaycan şahmatçıları Ermənistana qalib gəldi
“Beşiktaş”da El Bilal Ture itkisi
Ötən ayın ən yaxşı baş məşqçisi seçildi
Merih Demiral “Fənərbaxça”ya qayıdır?
Çexiya - Azərbaycan: Heyətlər
